അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പുറത്തു കടുത്ത വേനലാണ്. ശരീരത്തെ ചൂട് കാര്യമായി തന്നെ ബാധിക്കുന്നുണ്ട്. ചർമ്മത്തിൽ ഇത് മൂലം പലവിധ രോഗങ്ങളും വരുന്നുണ്ട്. ചൂട് കുരു, ചൊറിച്ചിൽ എന്നാൽ അതിനേക്കാൾ ഉപരിയായി സംഭവിക്കുന്നത് മുഖം കറുത്തു കരുവാളിക്കുന്നതാണ്. എത്ര വലിയ അളവിൽ ക്രീമുകൾ പുരട്ടിയാലും ഇപ്പോഴത്തെ ചൂടിൽ മുഖം കറുത്തു വരുവാളിക്കുക മാത്രമേ ചെയ്യുകയുള്ളൂ. വീട്ടിൽ വരുമ്പോൾ മുഖം മുഴുവൻ ടാൻ അടിച്ചിട്ടുണ്ടാകും. എന്നാൽ ഇവയ്ക്കു ചില പരിഹാരങ്ങൾ വീട്ടിൽ തന്നെ ചെയ്യാവുന്നതാണ്
എന്തൊക്കെ കാര്യങ്ങൾ ചെയ്യാം?
നാരങ്ങ നല്ലൊരു ബ്ലീച്ചിങ് ഏജന്റാണ്. നാരങ്ങ പിഴിഞ്ഞ് നീരു മുഖത്തു പുരട്ടി അരമണിക്കൂറിനു ശേഷം തണുത്ത വെള്ളത്തിൽ മുഖം കഴുകാം. ആഴ്ചയിൽ മൂന്നു തവണ ഇങ്ങനെ ചെയ്താൽ മുഖത്തിനു നല്ല നിറവും തിളക്കവും കിട്ടും.
പതിവായി കിഴങ്ങു മിക്സിയിൽ അടിച്ച് അതിന്റെ നീരു മുഖത്തു പുരട്ടിയാൽ നിറം വർദ്ധിക്കും.
വാഴപ്പഴം നന്നായി ഞെരടിയ ശേഷം മുഖത്തു പുരട്ടാം. 10- 15 മിനിറ്റിനു ശേഷം തണുത്ത വെള്ളത്തിൽ മുഖം നന്നായി കഴുകാം. പാർട്ടിക്കും മറ്റും പോകുന്നതിനു മുമ്പ് ഈ മാർഗം ധൈര്യമായി പരീക്ഷിച്ചോളൂ. മുഖ ചർമം കൂടുതൽ തിളങ്ങാൻ ഈ മാർഗം സഹായിക്കും.
ചുരുങ്ങിയ സമയത്തിനുള്ളിൽ ചർമം സുന്ദരമാകാൻ പപ്പായയെ കൂട്ടുപിടിക്കാം. നന്നായി പഴുത്ത പപ്പായ ഉടച്ച് മുഖത്തുപുരട്ടാം. ചർമത്തിലെ മൃതകോശങ്ങളെ അകറ്റി കൂടുതൽ നിറവും തിളക്കവും നൽകാൻ പപ്പായ സഹായിക്കും.
എണ്ണമയമുള്ള ചർമമുള്ളവർ നാരങ്ങാ നീരും വെള്ളരിക്ക നീരും യോജിപ്പിച്ചു മുഖത്തു പുരട്ടിയാൽ ചർമം കൂടുതൽ മൃദുലവും സുന്ദരവുമാകും.
തൈര് മുഖത്തു പുരട്ടി 15 മിനിറ്റിനു ശേഷം കഴുകിക്കളയാം. ചർമത്തിന്റെ നിറം വർദ്ധിക്കാനിതു സഹായിക്കും.
ഓറഞ്ചു നീരും പാലും യോജിപ്പിച്ചു മുഖത്തു പുരട്ടി 20 മിനിറ്റിനു ശേഷം ഉണങ്ങുമ്പോൾ തണുത്ത വെള്ളത്തിൽ കഴുകാം. ചർമ സുഷിരങ്ങളിലെ അഴുക്കു നീക്കി ചർമം കൂടുതൽ തിളങ്ങാൻ ഇതു സഹായിക്കും.
