ബീഫും മീനും കഴിച്ചാൽ വയർ പണി തരും: വേനൽക്കാലത്ത് ഈ കാര്യങ്ങൾ ശ്രദ്ധിക്കണം

ആളുകൾ ഏറ്റവും കൂടുതൽ ബുദ്ധിമുട്ടുന്ന സമയമാണ് വേനൽ. അമിത ചൂട് പലതരത്തിലേക്കുള്ള രോഗങ്ങളിലേക്ക് കൊണ്ടെത്തിക്കും. അതിൽ ഏറ്റവും പ്രധാനപ്പെട്ടത് വയറിനു സംഭവിക്കുന്ന പ്രശ്നങ്ങളാണ്. നമ്മുടെ ആഹാര രീതികൾ ശ്രദ്ധിച്ചില്ലെങ്കിൽ വയർ എരിച്ചിൽ,വയറിളക്കം, അസിഡിറ്റി എന്നിവ ഉണ്ടാകും

എല്ലാവര്ക്കും പ്രിയപ്പെട്ട വിഭവമാണ് ബീഫും, മീനും എന്നാൽ ചൂടുകാലത്ത് ഇവ അമിതമായി കഴിക്കുന്നത് വയറിച്ചിലിനു മറ്റു പലവിധ പ്രശ്ങ്ങൾക്കും കാരണമാകും.കൂടുതൽ എരിവുള്ള ഭക്ഷണം, എണ്ണമയമുള്ളവ എന്നിവ പരമാവധി ഒഴിവാക്കുന്നതാണ് നല്ലത്. ഫ്രൂട്ട്സ് ഉൾപ്പെടുത്തുന്നത് നല്ലതായിരിക്കും

എന്തൊക്കെ കഴിക്കാം?

തണ്ണിമത്തൻ

പൊട്ടാസ്യം, ജീവകം എ, ജീവകം സി ഇവയെല്ലാമുള്ള തണ്ണിമത്തനിൽ 94 ശതമാനവും വെള്ളം ആണ്. വേനൽക്കാലത്ത് കഴിക്കാൻ ഇതിലും മികച്ച പഴം ഇല്ല. കാഴ്ചശക്തി മെച്ചപ്പെടുത്തുന്ന ലൈക്കോപീൻ ധാരാളമുള്ള തണ്ണിമത്തൻ ഹൃദയാരോഗ്യവുമേകുന്നു.

മാമ്പഴം

ജീവകം സി, ജീവകം എ, ജീവകം ബി 6, പൊട്ടാസ്യം, മഗ്നീഷ്യം, കോപ്പര്‍ തുടങ്ങിയവയെല്ലാം അടങ്ങിയ മാമ്പഴം പോഷകസമ്പുഷ്ടവും ആരോഗ്യപ്രദവുമാണ്. പഴങ്ങളുടെ രാജാവ് എന്ന വിശേഷണം എന്തുകൊണ്ടും അർഹിക്കുന്ന മാമ്പഴം നിരവധി രോഗങ്ങളിൽ നിന്നും സംരക്ഷണമേകുന്നു. ദഹനത്തിനു സഹായിക്കുന്നതു മുതൽ അര്‍ബുദം തടയാൻ വരെ മാമ്പഴത്തിനു കഴിയും. ഈ വേനൽക്കാലം മാമ്പഴക്കാലം കൂടിയാകട്ടെ.

മൾബറി

ആരോഗ്യ ഗുണങ്ങളുടെ കലവറയാണ് മൾ‌ബറിപ്പഴങ്ങൾ. ആന്റിഓക്സിഡന്റായ ആന്തോസയാനിൻ, അർബുദം പ്രതിരോധിക്കുന്ന റെസ്‌വെറാട്രോൾ ഇവയും മൾബറിയിലുണ്ട്. ജീവകം സി ധാരാളം അടങ്ങിയ മൾബറി ദഹനത്തിനും സഹായകം.

ഞാവൽപ്പഴം

ഇരുമ്പ്, കാൽസ്യം, ജീവകം സി ഇവ ധാരാളം അടങ്ങിയ ഞാവൽപ്പഴം വേൽക്കാലത്തു കഴിക്കാൻ പറ്റിയ പഴമാണ്. രോഗപ്രതിരോധ ശക്തി വർധിപ്പിക്കുന്നു, നേത്രാരോഗ്യം ഏകുന്നു. കൂടാതെ ഹൃദയാരോഗ്യത്തിനും ഞാവൽപ്പഴം മികച്ചതു തന്നെ.

തയ്ക്കുമ്പളം

മസ്ക് മെലൺ എന്ന തയ്ക്കുമ്പളം ഈ വേനൽക്കാലത്തു കഴിക്കാൻ യോജിച്ച പഴമാണ്. ജീവകം സി ധാരാളം അടങ്ങിയ തയ്ക്കുമ്പളം സാലഡിൽ ചേർത്തും ഷേക്ക് രൂപത്തിലും കഴിക്കാം.
ഈ അഞ്ചു നാട്ടു പഴങ്ങൾ ഈ വേനൽക്കാലത്തു കഴിക്കാം. ശരീരം തണുപ്പിക്കുന്നതോടൊപ്പം ആരോഗ്യമേകാനും ഇവ അത്യുത്തമമാണ്