അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഉറക്കമാണ് നിരവധി പേരുടെ പ്രശ്നം. കൃത്യമായി ഉറങ്ങുന്നില്ല. ഉറങ്ങി കഴിഞ്ഞാൽ കുറച്ചു സമയം കഴിയുമ്പോൾ എഴുന്നേൽക്കും അങ്ങനെ പ്രശ്നങ്ങൾ നിരവധിയാണ്. ചില ഭക്ഷണങ്ങൾ നമ്മളെ ഉറങ്ങാൻ സഹായിക്കും. അതിലൊന്നാണ് കിവി. ഈ പഴത്തിനു നിരവധി ആരോഗ്യ ഗുണങ്ങളുമുണ്ട്.
നമ്മളുടെ ശരീരത്തിലെ ഒട്ടുമിക്ക ആരോഗ്യപശ്‌നങ്ങളും മാറ്റി നല്ല ആരോഗ്യം നല്‍കാന്‍ ശേഷിയുള്ള പഴമാണ് കിവി. ഒരു അത്ഭുതപഴം എന്ന് തന്നെ പറയാം. വാങ്ങിക്കാന്‍ കുറച്ച് ചെലവുണ്ടെങ്കിലും ഇത് ഡയറ്റില്‍ ഉള്‍പ്പെടുത്താന്‍ തുടങ്ങിയാല്‍ ആശുപത്രിപടി കയറേണ്ടി വരില്ല എന്ന് പറയാം.
കിവിയുടെ ഗുണങ്ങൾ എന്തെല്ലാം?
പോഷക സമ്പന്നം
നമ്മളുടെ ഡയറ്റില്‍ നല്ലപോലെ ആന്റിഓക്‌സിഡന്റ്‌സും ഫൈബറും അടങ്ങിയ ആഹാരങ്ങള്‍ ഉള്‍പ്പെടുത്തിയാല്‍ നമ്മളുടെ ശരീരത്തില്‍ വേണ്ട വിധത്തില്‍ പോഷകങ്ങള്‍ കൃത്യമായി ലഭിക്കും. കൃത്യമായി പോഷകങ്ങള്‍ നമ്മളുടെ ശരീരത്തില്‍ എത്താന്‍ തുടങ്ങുമ്പോള്‍ നമ്മളിലെ രോഗപ്രതിരോധശേഷി വര്‍ദ്ധിക്കാനും ആരോഗ്യത്തോടെ ഇരിക്കാനും ഇത് സഹായിക്കുന്നുണ്ട്.
നമ്മള്‍ ഒരു ഗ്രാം കിവി കഴിച്ചാല്‍ നമ്മളുടെ ശരീരത്തിലേയ്ക്ക് 92.7 ശതമാനത്തോളം വിറ്റാമിന്‍ സി എത്തുന്നു എന്നാണ് പറയുന്നത്. വിറ്റാമിന്‍ സി ശരീരത്തില്‍ എത്തുന്നത് രോഗപ്രതിരോധശേഷി വര്‍ദ്ധിപ്പിക്കാനും അതുപോലെ, ചര്‍മ്മത്തിനും വളരെ നല്ലതാണ്. അതിനാല്‍ തന്നെ കിവി എല്ലാം കൊണ്ടും ശരീരത്തിലേയ്ക്ക് എത്തുന്നത് നല്ലത് തന്നെ.
ആസ്മ
ആരോഗ്യവിദഗ്ദ്ധരുടെ അഭിപ്രായത്തില്‍ കിവിയില്‍ ധാരാളം വിറ്റാമിന്‍ സി അടങ്ങിയിരിക്കുന്നു. അത് ശ്വാസകോശ സംബന്ധമായ അസുഖങ്ങളും ബുദ്ധിമുട്ടുകളും കുറയ്ക്കാന്‍ വളരെയധികം സഹായിക്കുന്നുണ്ട്. അതുപോലെ, ശ്വാസകോശത്തിന്റെ പ്രവര്‍ത്തനം മെച്ചപ്പെടുത്താനും ഇത് സഹായിക്കുന്നു. അതിനാല്‍, അസ്മ പോലെയുള്ള അസുഖങ്ങളില്‍ നിന്നും ആശ്വാസം കണ്ടെത്താന്‍ കിവി കഴിക്കുന്നതിലൂടെ സാധിക്കും.
അനീമിയ കുറയ്ക്കുന്നു
കിവിയില്‍ ഫിറ്റോകെമിക്കല്‍സ് അടങ്ങിയിരിക്കുന്നു. ഇത് നമ്മള്‍ കഴിക്കുന്ന ആഹാരങ്ങളില്‍ നിന്നും പോഷകങ്ങള്‍ വലിച്ചെടുക്കാന്‍ സഹായിക്കും. ഇത് ഹിമോഗ്ലോബിന്റഎ അളവ് കൂട്ടുന്നതിന് വളരെയധികം സഹായിക്കുന്നുണ്ട്. അതിനാല്‍ തന്നെ അനീമിയ പോലെയുള്ള അസുഖങ്ങള്‍ വരാതിരിക്കാനും ഉള്ളവര്‍ക്ക് വേഗത്തില്‍ അസുഖം മാറ്റിയെടുക്കാനും കിവി വളരെയധികം സഹായിക്കുന്നുണ്ട്.
എങ്ങനെ കഴിക്കണം?
പഴങ്ങള്‍ എല്ലായ്‌പ്പോഴും അതേപോലെ കഴിക്കുന്നതാണ് ആരോഗ്യത്തിന് നല്ലത്. ജ്യൂസ് അടിച്ച് കുടിക്കുന്നതിനേക്കാള്‍ എന്തുകൊണ്ടും നല്ലതാണ് ഇത്. അതിനാല്‍, കിവി സാലഡില്‍ ചേര്‍ത്തും അല്ലെങ്കില്‍ മുഴുവനോടെ കഴിക്കുന്നതും കൂടുതല്‍ ഗുണം ലഭിക്കാന്‍ സഹായിക്കും. പലഹാരങ്ങളിലും മറ്റും ചേര്‍ത്ത് കഴിക്കുന്നതും നല്ലതല്ല.
ഉറക്കം
പലര്‍ക്കും കൃത്യമായി ഉറക്കം കിട്ടാത്തത് ഒരു പ്രശ്നം തന്നെയാണ്. എന്നാല്‍, നിങ്ങള്‍ ഡയറ്റില്‍ കൃത്യമായ രീതിയില്‍ കിവി ഉള്‍പ്പെടുത്തിയാല്‍ നിങ്ങളില്‍ നിന്നും ഇല്ലാതായ ഉറക്കം വീണ്ടും കൊണ്ടുവരാന്‍ സാധിക്കുന്നതാണ്. നല്ല ആരോഗ്യത്തിന് നല്ല ഉറക്കം അനിവാര്യമാണ്. പലര്‍ക്കും ഇന്ന് കൃത്യമായ ഉറക്കം ലഭിക്കാത്തത് പലതരത്തിലുള്ള ആരോഗ്യ പ്രശ്‌നങ്ങളിലേയ്ക്കും നയിക്കുന്നുണ്ട്. അതിനാല്‍, ഇത്തരം പ്രശ്നം ഉള്ളവര്‍ ഡയറ്റില്‍ കിവി ഉള്‍പ്പെടുത്തുന്നത് നല്ലതാണ്.
