അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തങ്ങളുടെ ആദ്യ കൺമണിയെ വരവേൽക്കാനൊരുങ്ങി പോപ് ഗായകൻ ജസ്റ്റിൻ ബീബറും പങ്കാളിയും മോഡലുമായ ഹെയ്‌ലി ബാൾഡ്‌വിനും. ഗായകൻ തന്നെയാണ് ഇക്കാര്യം സമൂഹമാധ്യമങ്ങളിലൂടെ ആരാധകരെ അറിയിച്ചത്. ഹെയ്‌ലിയുടെ വയറിൽ കൈചേർത്തു നിൽക്കുന്ന ചിത്രം ബീബർ പങ്കുവച്ചു. ഹെയ്‌ലിക്കൊപ്പമുള്ള നിരവധി പ്രണയാർദ്ര ചിത്രങ്ങളും ബീബർ പോസ്റ്റ് ചെയ്തിട്ടുണ്ട്.
ജസ്റ്റിൻ ബീബറിന്റെ സമൂഹമാധ്യമ പോസ്റ്റ് ഇതിനകം ആരാധകർ ഏറ്റെടുത്തുകഴിഞ്ഞു. കിം കർദാഷിയാൻ, കൈലി ജെന്നർ തുടങ്ങി പ്രമുഖർ ഉൾപ്പെടെ നിരവധി പേർ താരദമ്പതികൾക്ക് ആശംസയറിയിച്ച് രംഗത്തെത്തുന്നു. ഹെയ്‌ലി ഗർഭകാലത്തിലെ ആറാം മാസത്തിലാണെന്നാണു വിവരം.
2018ലാണ് ജസ്റ്റിന്‍ ബീബറും ഹെയ്‌ലി ബാൾഡ്‌വിനും വിവാഹിതരായത്. അതീവരഹസ്യമായിട്ടായിരുന്നു വിവാഹം. ജീവിതത്തിലെ പ്രധാനവിശേഷങ്ങളെല്ലാം താരദമ്പതികൾ ആരാധകരുമായി പങ്കുവയ്ക്കുക പതിവാണ്. ഇരുവരുടെയും ചിത്രങ്ങളും വലിയതോതിൽ ചർച്ച ചെയ്യപ്പെടാറുണ്ട്.
View this post on Instagram
