അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ലോക്‌സഭാ തെരഞ്ഞെടുപ്പിൻ്റെ അഞ്ചാം ഘട്ട വോട്ടെടുപ്പിൽ വോട്ട് ചെയ്യാനെത്തി ദീപിക പദുകോണും രൺവീർ സിങ്ങും. മുംബൈയിലെ പാലി ഹില്ലിലാണ് ഇരുവരും വോട്ട് രേഖപ്പെടുത്താൻ എത്തിയത്. ഇളംനീല ജീൻസും വൈറ്റ് ഷർട്ടുമണിഞ്ഞാണ് ദമ്പതികൾ എത്തിയത്.
പോളിംഗ് ബൂത്തിനു മുന്നിലെത്തിയ ദീപികയുടെയും രൺവീറിൻ്റെയും വീഡിയോകൾ സോഷ്യൽ മീഡിയയിൽ വൈറലാവുകയാണ്. കാറിൽ നിന്നിറങ്ങാൻ ഗർഭിണിയായ ദീപികയെ സഹായിക്കുന്ന രൺവീർ താരത്തെ കൈപ്പിടിച്ചു നടത്തുന്നതും വീഡിയോയിൽ കാണാം.
ദീപിക, രൺവീർ എന്നിവരെ കൂടാതെ മനോജ് ബാജ്‌പേയി, ഷബാന റാസ തുടങ്ങിയ പ്രമുഖരും മുംബൈയിൽ വോട്ട് രേഖപ്പെടുത്തി. ഫെബ്രുവരി 29നാണ് ദീപികയും രൺവീറും പ്രഗ്നൻസി അനൗൺസ് ചെയ്തത്. ഈ വർഷം സെപ്റ്റംബറിൽ കുഞ്ഞ് എത്തുമെന്ന് ഇരുവരും സോഷ്യൽ മീഡിയയിലൂടെ ആരാധകരെ അറിയിച്ചിരുന്നു.
2018 നവംബർ 14ന് ഇറ്റലിയിലെ ലേക്ക് കോമോയിൽ വച്ചായിരുന്നു ദീപിക- രൺവീർ വിവാഹം. ആറ് വർഷത്തോളം ഇരുവരും ഡേറ്റിംഗിലായിരുന്നു. സഞ്ജയ് ലീല ബൻസാലിയുടെ ഗോലിയോൻ കി രാസ് ലീല രാം ലീലയുടെ സെറ്റിൽ വെച്ചാണ് ഇരുവരും പ്രണയത്തിലാകുന്നത്. ഫൈൻഡിംഗ് ഫാനി, പദ്മാവത്, ബാജിറാവു മസ്താനി തുടങ്ങിയ ചിത്രങ്ങളിലും ഇരുവരും ഒന്നിച്ചു അഭിനയിച്ചു. ഇരുവരും തങ്ങളുടെ അഞ്ചാം വിവാഹ വാർഷികം കഴിഞ്ഞ വർഷം ബെൽജിയത്തിൽ ആഘോഷിച്ചിരുന്നു.
View this post on Instagram
