അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നാം കഴിക്കുന്ന ഭക്ഷണങ്ങൾ ചർമ്മത്തിന്റെ ആരോഗ്യത്തെ സ്വാധീനിക്കുന്നുണ്ട്. പലരെയും അലട്ടുന്ന പ്രശ്നമാണ് മുഖക്കുരു. നമ്മുടെ ഭക്ഷണക്രമം മുഖക്കുരു വരാനുള്ള സാധ്യതകളെ കൂട്ടുന്നു. ശരിയായ രീതിയിൽ അല്ല ഭക്ഷണം കഴിക്കുന്നതെങ്കിൽ മുഖക്കുരു വന്നേക്കാം. അത്തരത്തിൽ മുഖക്കുരുവിന് കാരണമാകുന്ന ഭക്ഷണങ്ങളെയാണ് ഇന്ന് പരിചയപ്പെടുത്താൻ പോകുന്നത്. ഇവ ഒഴിവാക്കുകയാണെങ്കിൽ ഒരു പരിധിവരെ മുഖക്കുരുവിൽ നിന്ന് നിങ്ങൾക്ക് രക്ഷ നേടാം.
1. പഞ്ചസാര അടങ്ങിയ ഭക്ഷണങ്ങള്‍
രക്തത്തിലെ പഞ്ചസാരയുടെ അളവ് വേഗത്തിൽ വർധിക്കുകയോ ഇൻസുലിൻ ഉത്പാദനം വർദ്ധിക്കുകയും ചെയ്യുമ്പോൾ മുഖക്കുരു ഉണ്ടാവുന്നു. പഞ്ചസാര അടങ്ങിയ ഭക്ഷണങ്ങൾ അമിതമായി കഴിക്കുന്നത് മൂലമാണ് ഇത് സംഭവിക്കുന്നത്. ഇത് ചർമ്മത്തിലെ ഗ്രന്ഥികളിൽ എണ്ണ ഉല്പാദിപ്പിക്കുന്നു. ഇതാണ് മുഖക്കുരുവായി രൂപാന്തരപ്പെടുന്നത്. പഞ്ചസാര അടയാൻ ഭക്ഷണങ്ങൾ നിങ്ങളുടെ ഡയറ്റിൽ നിന്നും ഒഴിവാക്കിയാൽ വലിയ മാറ്റം കാണാം
2. പാലുല്‍പ്പന്നങ്ങള്‍
പാലുല്‍പ്പന്നങ്ങള്‍ അമിതമായി ഉപയോഗിക്കുന്നത് ചർമ്മത്തെ എണ്ണ ഉൽപ്പാദിപ്പിക്കും. ഇതു മുഖക്കുരു ഉണ്ടാവാനുള്ള സാധ്യതയെ വർധിപ്പിക്കുന്നു. ക്രീമോ ചെയ്സ് തുടങ്ങിയവ ഡയറ്റിൽ നിന്നും ഒഴിവാക്കിയാൽ മുഖക്കുരുവിനെ ഒരു പരിധിവരെ നിയന്ത്രിക്കാം.
3. സംസ്കരിച്ച ഭക്ഷണങ്ങള്‍
ജങ്ക് ഫുഡുകൾ മുഖക്കുരുവിന് കാരണമാകുന്നു. ഇതിൽ അടങ്ങിയിരിക്കുന്ന കൊഴുപ്പും അമിത കലോറിയും കാർബോയും മുഖക്കുരു സാധ്യത കൂട്ടുന്നു.
4. ചോക്ലേറ്റ്
ചോക്ലേറ്റ് രണ്ടുവിധത്തിലാണ് മുഖക്കുരു ഉണ്ടാക്കുന്നത്. ഒന്ന് ഇതിൽ അടങ്ങിയിരിക്കുന്ന മധുരമാണ് കാരണം. മറ്റൊന്ന് മെഥൈൽക്സാന്തൈൻസ് എന്ന സംയുക്തവും.
5. എരിവുള്ള ഭക്ഷണങ്ങൾ
കേരളീയർ പൊതുവേ എരുവുള്ള ഭക്ഷണങ്ങളെ ഇഷ്ടപ്പെടുന്നവരാണ്. എന്നാൽ അമിതമായി എരിവ് കഴിക്കുന്നത് ശരീരത്തെ ചൂടാക്കുകയും പിന്നീട് വിയർക്കാനും കാരണമാകുന്നു. മുഖത്തെ സുഷിരങ്ങളെ ഇത് അടയ്ക്കുകയും മുഖക്കുരുവിന് കാരണമാവുകയും ചെയ്യുന്നു.
6. എണ്ണയില്‍ പൊരിച്ച ഭക്ഷണങ്ങള്‍
എണ്ണയില്‍ വറുത്തതും പൊരിച്ചതുമായ ഭക്ഷണങ്ങള്‍ കഴിക്കുന്നത് ചിലരില്‍ മുഖക്കുരുവിനുള്ള സാധ്യതയെ കൂട്ടാം. ഇവ പരമാവധി ഒഴിവാക്കുന്നതാണ് മുഖക്കുരുവിനെ തടയാന്‍ നല്ലത്.
7. മദ്യം
മദ്യം കഴിക്കുന്നത് മൂലം ശരീരത്തില്‍ നിർജ്ജലീകരണം സംഭവിക്കാം. ഇതോടെ ചർമ്മം വരൾച്ചയ്ക്ക് പരിഹാരമായി എണ്ണ അമിതമായി ഉൽപാദിപ്പിക്കാം. ഈ അധിക എണ്ണ സുഷിരങ്ങൾ അടയുകയും മുഖക്കുരു രൂപപ്പെടാൻ ഇടയാക്കുകയും ചെയ്യും. അതിനാല്‍ അമിത മദ്യപാനവും ഒഴിവാക്കുക.
