വീട്ടിൽ ഓട്സ് ഇരിപ്പുണ്ടോ? ബ്ലാക്ക് ഹെഡ്സ് എളുപ്പം അകറ്റാം

കറുത്ത പൊട്ടുപോലെ മുഖത്തും താടിയിലും നെറ്റിയിലും ഒക്കെ ഉണ്ടാകുന്ന ഒന്നാണ് ബ്ലാക്ക് ഹെഡ്സ്. ഇത് മുഖത്തിന്റെ ഭംഗി നഷ്ടപ്പെടുത്തുകയും അരോചകമായി തോന്നുകയും ചെയ്യുന്നു. ഇത്തരത്തിൽ ഭംഗി ഇല്ലാതാക്കുന്ന ബ്ലാക്ക് ഹെഡ്സിനെ ആദ്യം മുതലെ തുരത്താൻ ശ്രമിക്കണം.

സുഷിരങ്ങളിൽ അഴുക്ക് അടിഞ്ഞ് കൂടിയാണ് ഈ പ്രശ്നമുണ്ടാകുന്നത്. സ്ക്രബ് ചെയ്യുന്നതിലൂടെ ഇത് ഒരു പരിധി വരെ ഇല്ലാതാക്കാം. ബ്ലാക്ക് ഹെഡ്സിനെ തുരത്താൻ വീട്ടിൽ തന്നെ ചെയ്യാൻ കഴിയുന്ന ഒരു മാർഗമാണിത്.

തൈര്

ചർമ്മത്തിന് പല തരത്തിലുള്ള ഗുണങ്ങൾ നൽകുന്നതാണ് തൈര്. ചർമ്മത്തിലെ ജലാംശവും പിഎച്ച് ബാലൻസും നിലനിർത്താൻ തൈര് സഹായിക്കാറുണ്ട്. ചർമ്മത്തിന് ആവശ്യമായ പോഷണം നൽകാനും തൈര് വളരെയധികം സഹായിക്കും. ചർമ്മത്തിലെ നിറവ്യത്യാസം മാറ്റാൻ തൈര് സഹായിക്കും. മാത്രമല്ല ആൻ്റി ഏജിംഗ് ഗുണങ്ങളാലും സമ്പുഷ്ടമാണ് തൈര്.

ഒലീവ് ഓയിൽ

ചർമ്മത്തിലെ പല തരത്തിലുള്ള പ്രശ്നങ്ങൾക്കുള്ള പരിഹാരം ഒലീവ് ഓയിലിലുണ്ട്. ധാരാളം ആൻ്റി ഓക്സിഡൻ്റുകളാൽ സമ്പുഷ്ടമാണ് ഒലീവ് ഓയിൽ. മുഖക്കുരു പോലെയുള്ള പ്രശ്നങ്ങൾ ഇല്ലാതാക്കാൻ ഒലീവ് ഓയിൽ ഏറെ സഹായിക്കും. ചർമ്മത്തെ മോയ്ചറൈസ് ചെയ്യാൻ സഹായിക്കുന്നതാണ് ഒലീവ് ഓയിൽ. ഇതിലെ ആൻ്റി ബാക്ടീരിയൽ ഗുണങ്ങൾ സുഷിരങ്ങളിൽ അഴുക്ക് അഴിഞ്ഞ് കൂടാതിരിക്കാൻ സഹായിക്കും.

ഓട്സ്

ചർമ്മത്തിലെ അഴുക്കിനെ എക്സ്ഫോളിയേറ്റ് ചെയ്ത് പുറത്ത് കളയാൻ ഓട്സ് സഹായിക്കും. ആരോഗ്യത്തിനും ചർമ്മത്തിനും ഏറെ നല്ലതാണ് ഓട്സ്. ഇതിലെ അമിനോ ആസിഡുകളും വൈറ്റമിനുകളുമൊക്കെ ചർമ്മത്തിന് നല്ല തിളക്കം കിട്ടാൻ സഹായിക്കും. ബ്ലാക്ക് ഹെഡ്സിനെ പുറന്തള്ളാൻ വളരെ നല്ലതാണ് ഓട്സ്. മുഖക്കുരു മാറ്റാനും ഇത് നല്ലതാണ്.

ഇത് തയാറാക്കാൻ

ഇതിനായി ഒരു ടേബിൾ സ്പൂൺ ഓട്സ് എടുത്ത് നന്നായി പൊടിക്കുക. ഇതിലേക്ക് നല്ല കട്ട തൈരും ഒലീവ് ഓയിലും ചേർത്ത് യോജിപ്പിക്കുക. ഇനി ബ്ലാക്ക് ഹെഡ്സ് ഉള്ള ഭാഗത്ത തേച്ച് പിടിപ്പിക്കുക. ഇനി 20 മിനിറ്റിന് ശേഷം കഴുകി വ്യത്തിയാക്കാവുന്നതാണ്. ആഴ്ചയിൽ രണ്ടോ മൂന്നോ തവണ ഇത് ചെയ്യുന്നത് ബ്ലാക്ക് ഹെഡ്സ് കുറയ്ക്കാൻ ഏറെ സഹായിക്കും.