അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ആരോഗ്യം സംരക്ഷിക്കാന് നിര്ബന്ധമായും കഴിക്കേണ്ട പഴങ്ങളിലൊന്നാണ് മാതളം. ധാരാളം പോഷക ഗുണങ്ങള് മാതളത്തില് അടങ്ങിയിരിക്കുന്നു. കാര്ബോഹൈഡ്രേറ്റ്സ് നിറഞ്ഞ മാതളനാരങ്ങ രോഗപ്രതിരോധ ശേഷി വര്ധിപ്പിക്കുകയും ദഹന പ്രശ്നങ്ങള് അകറ്റുന്നതിനും സഹായിക്കുന്നു. ഇത് പതിവായി കഴിക്കുകയാണെങ്കില്് പല അസുഖങ്ങളും ആരോഗ്യപ്രശ്നങ്ങളും ഒരു പരിധി വരെ നമുക്ക് അകറ്റാന് സാധിക്കും. മൂത്രാശയത്തിലുണ്ടാകുന്ന കല്ലിനെ ചെറുക്കുന്നതിന് മാതളം സഹായകമാണെന്ന് വിവിധ പഠനങ്ങള് ചൂണ്ടിക്കാട്ടുന്നു. കൂടാതെ ഹൃദയാരോഗ്യം മെച്ചപ്പെടുത്തുന്നതിലും മാതളത്തിന് പ്രത്യേകം കഴിവുണ്ട്. മാതളത്തിലടങ്ങിയിരിക്കുന്ന പോളിഫിനോള്സ് ആണ് ഇതിന് സഹായകമാകുന്നത്. തലച്ചോറിന്റെ ആരോഗ്യം മെച്ചപ്പെടുത്താനും മാതളം പതിവായി കഴിക്കുന്നത് സഹായിക്കും. ഭാവിയില് അല്ഷിമേഴ്സ് പോലെ, അല്ലെങ്കില് പാര്ക്കിന്സണ്സ് രോഗം പോലെ തലച്ചോറിനെ ബാധിക്കുന്ന രോഗങ്ങള് ചെറുക്കുന്നതിനും മാതളം ഏറെ സഹായകരമാണ്.
മാതളനാരങ്ങയുടെ ഗുണങ്ങള് എന്തൊക്കെയാണെന്ന് നമുക്ക് പരിശോധിക്കാം;
1. മാതളത്തില് ധാരാളം പോഷകങ്ങള് അടങ്ങിയിരിക്കുന്നു.
ഫൈബറും വിറ്റാമിനും ഇതില് വേണ്ടുവോളം ഉണ്ട്. ഒപ്പം കലോറിയും കൊഴുപ്പും ഇതില് കുറവുമാണ്. മാതളനാരങ്ങയില് അടങ്ങിയിരിക്കുന്ന പോഷകാഹാരങ്ങള്;
കലോറി: 234
പ്രോട്ടീന്: 4.7 ഗ്രാം (ഗ്രാം)
കൊഴുപ്പ്: 3.3 ഗ്രാം
കാര്ബോഹൈഡ്രേറ്റ്സ്: 52 ഗ്രാം
നാരുകള്: 11.3 ഗ്രാം
വിറ്റാമിന് സി: പ്രതിദിന മൂല്യത്തിന്റെ 32%
ഫോളേറ്റ്: 27%
മഗ്നീഷ്യം: 8%
ഫോസ്ഫറസ്: 8%
പൊട്ടാസ്യം: 13%
2. ആന്റിഓക്സിഡന്റുകളാല് സമ്പുഷ്ടമാണ്
ഫ്രീ റാഡിക്കലുകള് മൂലമുണ്ടാകുന്ന കേടുപാടുകളില് നിന്ന് നിങ്ങളുടെ ശരീരത്തിലെ കോശങ്ങളെ സംരക്ഷിക്കാന് സഹായിക്കുന്ന സംയുക്തങ്ങളാണ് ആന്റിഓക്സിഡന്റുകള്. ഉയര്ന്ന അളവിലുള്ള ഫ്രീ റാഡിക്കലുകള് ഹാനികരവും വിട്ടുമാറാത്ത പല രോഗങ്ങള്ക്കും കാരണമാകും. പ്യൂണികലാജിന്സ്, ആന്തോസയാനിനുകള്, ഹൈഡ്രോലൈസബിള് ടാന്നിന്സ് എന്നിവയുള്പ്പെടെയുള്ള ആന്റിഓക്സിഡന്റുകളുടെയും പോളിഫെനോളിക് സംയുക്തങ്ങളുടെയും ഉറവിടമാണ് മാതളനാരങ്ങകള്. മാതളനാരകം പോലുള്ള പഴങ്ങളില് നിന്ന് ആന്റിഓക്സിഡന്റുകള് ലഭിക്കുന്നത് വഴി മൊത്തത്തിലുള്ള ആരോഗ്യം മെച്ചപ്പെടുകയും രോഗങ്ങളെ തടയുന്നതിനും സഹായിക്കുന്നു.
3. വീക്കം തടയാന് സഹായിക്കും
വിട്ടുമാറാത്ത വീക്കം ഹൃദ്രോഗം, ടൈപ്പ് 2 പ്രമേഹം, കാന്സര് എന്നീ രോഗങ്ങളില് നിന്ന് മുക്തി നേടാന് മാതളം സഹായിക്കുന്നു.
ആന്റിഓക്സിഡന്റും ആന്റി-ഇന്ഫ്ളമേറ്ററി ഗുണങ്ങളും ഉളള പ്യൂണിക്കലാജിന്സ് എന്ന സംയുക്തമാണ് ഇതിന് പ്രധാനമായും സഹായിക്കുന്നത്.
4. കാന്സര് വിരുദ്ധ ഗുണങ്ങള്
മാതളനാരങ്ങയിലെ സംയുക്തങ്ങള്ക്ക് കാന്സര് വിരുദ്ധ ഗുണങ്ങളുണ്ടെന്ന് റിസര്ച്ച് ട്രസ്റ്റഡ് സോഴ്സ് കണ്ടെത്തിയിട്ടുണ്ട്. കരള് കാന്സറിന്റെ പ്രാരംഭ ഘട്ടത്തിലെ ട്യൂമറിന്റെ വളര്ച്ച മന്ദഗതിയിലാക്കാന് മാതളനാരങ്ങ സഹായിക്കുമെന്ന് പഠനത്തില് പറയുന്നു.
5. ഹൃദയാരോഗ്യ ആനുകൂല്യങ്ങള് വാഗ്ദാനം ചെയ്തേക്കാം
മാതളനാരകം പോലുള്ള പോളിഫെനോളിക് സംയുക്തങ്ങളാല് സമ്പന്നമായ പഴങ്ങള് ഹൃദയാരോഗ്യത്തിന് ഗുണം ചെയ്യും എന്നാണ് പഠനങ്ങളില് പറയുന്നത്. ഹൃദ്രോഗമുള്ള ആളുകളെക്കുറിച്ചുള്ള ഒരു പഠനത്തില്, മാതളനാരങ്ങ ജ്യൂസ് കുടിക്കുന്നത് നെഞ്ചുവേദനയുടെ ആവൃത്തിയും തീവ്രതയും കുറയ്ക്കുന്നു എന്ന് കണ്ടെത്തിയിരുന്നു.
6. മൂത്രാശയ രോഗങ്ങളെ ചെറുക്കുന്നു
വൃക്കയില് കല്ലുണ്ടാകുന്നത് കുറയ്ക്കാന് മാതളനാരങ്ങയുടെ സത്ത് സഹായിക്കുമെന്ന് പഠനങ്ങളില് കണ്ടെത്തിയിരുന്നു. കൂടാതെ, വൃക്കയിലെ കല്ലുകളുടെ സാധാരണ ഘടകങ്ങളായ രക്തത്തിലെ ഓക്സലേറ്റുകള്, കാല്സ്യം, ഫോസ്ഫേറ്റുകള് എന്നിവയുടെ സാന്ദ്രത നിയന്ത്രിക്കാനും മാതളനാരങ്ങ സഹായിക്കുന്നു.
7. ആന്റിമൈക്രോബയല് ഗുണങ്ങള്
വായ് നാറ്റത്തിനും പല്ലുമായി ബന്ധപ്പെട്ട രോഗങ്ങള്ക്ക് കാരണമായേക്കാവുന്ന രോഗാണുക്കളുടെ വളര്ച്ച കുറയ്ക്കാനും മാതളനാരങ്ങ സഹായിക്കുന്നു.
8. തലച്ചോറിന്റെ സംരക്ഷണം
ശരീരത്തിലെ വീക്കം കുറയ്ക്കാന് സഹായിക്കുന്ന എലാജിറ്റാനിന്സ് എന്ന ആന്റിഓക്സിഡന്റുകള് മാതളനാരങ്ങയില് അടങ്ങിയിട്ടുണ്ട്.
ഓക്സിഡേറ്റീവ് കേടുപാടുകള് കുറയ്ക്കുകയും മസ്തിഷ്ക കോശങ്ങളുടെ നിലനില്പ്പ് വര്ദ്ധിപ്പിക്കുകയും ചെയ്യുന്നതിലൂടെ അല്ഷിമേഴ്സ്, പാര്ക്കിന്സണ്സ് രോഗങ്ങളില് നിന്ന് തലച്ചോറിനെ സംരക്ഷിക്കാന് എലാജിറ്റാനിനുകള് സഹായിക്കുമെന്ന് ചില പഠനങ്ങള്് കണ്ടെത്തിയിട്ടുണ്ട്.
9. ദഹന പ്രക്രിയയെ സഹായിക്കുന്നു
കുടലിലെ മൈക്രോബയോമിന്റെ ആരോഗ്യത്തെ മെച്ചപ്പെടുത്താന് മാതളനാരങ്ങ സഹായിക്കുന്നു. അതായത് കുടലിലെ ബാക്ടീരിയയുടെ അളവ് വര്ദ്ധിപ്പിക്കാന് ഇത് സഹായിക്കുന്നു. ഇത് കുടലില് പ്രീബയോട്ടിക് ഫലങ്ങളുണ്ടാക്കുന്നു. പ്രീബയോട്ടിക്സ് നിങ്ങളുടെ കുടലിലെ ഗുണം ചെയ്യുന്ന ബാക്ടീരിയകള്ക്ക് ഇന്ധനമായി പ്രവര്ത്തിക്കുന്നു. കൂടാതെ മാതളനാരങ്ങയില് ധാരാളം നാരുകള് അടങ്ങിയിട്ടുണ്ട്, ഇത് ദഹനത്തിനെ സഹായിക്കുന്നു.
