അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചേലക്കര : സ്കൂൾ വിദ്യാർഥിനിയുടെ ബാഗിൽ കുഞ്ഞു മലമ്പാമ്പിനെ കണ്ടെത്തി. എൽ.എഫ്. കോൺവെന്റ് ഹയർസെക്കൻഡറി സ്കൂളിലെ പഴയന്നൂർ സ്വദേശിനിയായ വിദ്യാർഥിനിയുടെ ബാഗിലാണ് പാമ്പിനെ കണ്ടെത്തിയത്. തിങ്കളാഴ്ച രാവിലെയാണ് സംഭവം. സ്കൂളിലെത്തി ബാഗ് തുറന്ന് പുസ്തകമെടുക്കുന്നതിനിടെ കൈയിലെന്തോ തടയുകയും കൈ വലിക്കുകയുമായിരുന്നു. സഹപാഠി ബാഗിന്റെ സിബ്ബ് അടച്ചതോടെ പാമ്പ് ബാഗിൽത്തന്നെ കുടുങ്ങിക്കിടന്നു.
പിന്നീട് അധ്യാപകരെത്തി സ്കൂളിനു പുറത്തെത്തിച്ച് ബാഗ് പരിശോധിച്ചപ്പോഴാണ് മലമ്പാമ്പിനെ കണ്ടത്. വിദ്യാർഥിനിയുടെ, പാടത്തോടു ചേർന്നുള്ള വീട്ടിൽനിന്ന്‌ പാമ്പ് കയറിയതാകാമെന്നും വിദ്യാർഥികൾ ബാഗും ചെരുപ്പുമെല്ലാം നന്നായി പരിശോധിച്ച് സുരക്ഷ ഉറപ്പാക്കണമെന്നും അധ്യാപകർ നിർദേശിച്ചു.
