അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ലോകാത്ഭുതങ്ങളിൽ ഒന്നായ താജ്മഹൽ കണ്ടിട്ടുണ്ടോ? എന്തുകൊണ്ടായിരിക്കാം ഇത് ലോക അത്ഭുതങ്ങളിൽ ഒന്നായത് എന്ന് ചിന്തിച്ചിട്ടുണ്ടോ.? എന്ത് ചോദ്യം അല്ലേ വെണ്ണക്കല്ലിൽ തീർത്ത ഈ കൊട്ടാരം ലോകാത്ഭുതങ്ങളിൽ ഒന്നായില്ലെങ്കിൽ മറ്റെന്തിനാണ് അവിടെ ഒന്നാകാൻ ആവുന്നത്. ഷാജഹാൻ തന്റെ പ്രിയ പ്രണയിനിയായ മുംതാസിന് വെണ്ണക്കല്ലിൽ തീർത്ത കൊട്ടാരം. എന്നാൽ ഇന്ന് പറയാൻ പോകുന്നത് അതല്ല.
താജ്മഹൽ അല്ലാതെ ലോകാത്ഭുതങ്ങളിൽ
ഉൾപ്പെടുത്താൻ പറ്റിയ ഇന്ത്യയിലെ
ഒരു നിർമ്മിതി ഏതാണ് നിങ്ങളുടെ അഭിപ്രായത്തിൽ ?
എല്ലോറയിലെ കൈലാസനാഥ ക്ഷേത്രം, അജന്താ, കോണാർക്ക് സൺ ടെമ്പിൾ, തഞ്ചാവൂരിലെ ബൃഹദീശ്വര ക്ഷേത്രം, മഹാബലി പുരത്തെ കല്ലുകളിൽ തീർത്ത വിസ്മയങ്ങൾ, ചാലൂക്യ വാസ്തുവിദ്യാ അത്ഭുതങ്ങളായ ബദാമി, ഐഹോളെ, പട്ടടക്കൽ, തുടങ്ങി നിരവധി ശ്രദ്ധേയമായ സ്മാരകങ്ങൾ ഇന്ത്യയിലുണ്ട്.
അവ ഓരോന്നും വാസ്തുവിദ്യാ സാംസ്കാരിക നേട്ടങ്ങളുടെ അസാധാരണ ഉദാഹരണങ്ങളാണ്. എന്നിരുന്നാലും, താജ്മഹലിൻ്റെ അതുല്യമായ പദവിക്കും ലോകാത്ഭുതങ്ങളുടെ പട്ടികയിൽ ഉൾപ്പെടുത്തുന്നതിനും ഇടയായ കാരണങ്ങൾ എന്തായിരിക്കും.
പ്രണയത്തിന്റെയും സൗന്ദര്യത്തിൻ്റെയും പ്രതീകമായി താജ്മഹൽ സമാനതകളില്ലാത്ത ആഗോള അംഗീകാരമാണ് നേടിയത്. ഷാജഹാൻ ചക്രവർത്തി തൻ്റെ ഭാര്യ മുംതാസ് മഹലിൻ്റെ സ്മരണയ്ക്കായി നിർമ്മിച്ച താജ്മഹൽ നശ്വരമായ പ്രണയത്തിന്റെ പ്രതീകമാണ്. അതിൻ്റെ പിന്നിലെ കഥയും അതിശയകരമായ വാസ്തുവിദ്യയും സംയോജിപ്പിച്ചപ്പോൾ ഇത് ലോകത്തിലെ ഏറ്റവും മികച്ച സ്മാരകങ്ങളിലൊന്നായി മാറി. മറ്റ് ഇന്ത്യൻ സ്മാരകങ്ങൾ, അത്രതന്നെ ശ്രദ്ധേയമാണെങ്കിലും, അന്താരാഷ്ട്ര പ്രശസ്തിയുടെ അതേ നിലവാരം നേടിയിട്ടില്ല എന്നുള്ളതാണ് സത്യം.
താജ്മഹൽ അതിൻ്റെ വിശിഷ്ടമായ മാർബിൾ കൊത്തുപണികൾക്ക് പേരുകേട്ടതാണ്, ഇത് ‘Pietra dura’
എന്നറിയപ്പെടുന്നു. അതിൽ വിലയേറിയ രത്നങ്ങളും, കല്ലുകളും കൊണ്ട് നിർമ്മിച്ച സങ്കീർണ്ണമായ പുഷ്പങ്ങളുടെ പാറ്റേണുകൾ ഉണ്ട്. കാലിഗ്രാഫി, കൊത്തുപണികൾ, മാർബിൾ ലാറ്റിസ് വർക്കുകൾ എന്നിവ അതിൻ്റെ ഭംഗി വർദ്ധിപ്പിക്കുന്നു.
ഇസ്ലാമിക്, പേർഷ്യൻ, ഓട്ടോമൻ ടർക്കിഷ്, ഇന്ത്യൻ വാസ്തുവിദ്യാ ശൈലികളിൽ നിന്നുള്ള ഘടകങ്ങൾ സംയോജിപ്പിച്ച്
മുഗൾ വാസ്തുവിദ്യയുടെ ഒരു മാസ്റ്റർപീസ് ആണ് താജ്മഹൽ. പൂർണമായും വെണ്ണക്കല്ലിൽ നിർമ്മിച്ച ഈ സ്മാരകത്തിലെ സമമായി പണിതീർത്തിരിക്കുന്ന അതിൻ്റെ ഭാഗങ്ങളും സങ്കീർണ്ണമായ വിശദാംശങ്ങളും ഇതിനെ വാസ്തുവിദ്യാ പൂർണ്ണതയുടെ അസാധാരണ ഉദാഹരണമാക്കുന്നു.
താജ്മഹൽ വളരെ സൂക്ഷ്‌മമായി സംരക്ഷിക്കപ്പെടുകയും അന്തർദേശീയ സന്ദർശകർക്ക് വളരെ പെട്ടെന്ന് എത്തിച്ചേരാൻ സാധിക്കുന്ന ഒരു പ്രദേശത്ത് സ്ഥിതി ചെയ്യുന്നതും അതിൻ്റെ ജനപ്രീതിക്ക് കാരണമായി. മറ്റ് പല ഇന്ത്യൻ സ്മാരകങ്ങളും, അത്രതന്നെ ഗംഭീരമാണെങ്കിലും, അവയുടെ വിദൂര സ്ഥാനങ്ങൾ അല്ലെങ്കിൽ ആഗോള മാധ്യമങ്ങളിലെ ഇടപെടൽ കുറവായതിനാൽ ആഗോളതലത്തിൽ അത്ര ശ്രദ്ധിക്കപ്പെട്ടില്ല.
ഇന്ത്യൻ ഗവൺമെൻ്റും ടൂറിസം ബോർഡുകളും മറ്റ് സ്മാരകങ്ങളെ അപേക്ഷിച്ച് താജ്മഹലിനെ ചരിത്രപരമായി വളരെയധികം പ്രോത്സാഹിപ്പിച്ചിട്ടുണ്ട്.
ഇത് അന്താരാഷ്ട്ര യാത്രാ വിവരണങ്ങളിലും മാധ്യമങ്ങളിലും
അതിൻ്റെ പ്രാധാന്യം ഉയർത്തി കാണിക്കുന്നതിന് കാരണമായി.
ആഗോളതലത്തിൽ ‘ഇന്ത്യ’ എന്ന് ഒരാൾ ചിന്തിക്കുമ്പോൾ അയാളുടെ മനസ്സിലേക്ക് ആദ്യം എത്തുന്ന ചിത്രം ഒരുപക്ഷെ താജ്മഹലിന്റെ ആയിരിക്കും. ചരിത്രപരമോ വാസ്തുവിദ്യാപരമോ
ആയ പ്രാധാന്യം നിലനിൽക്കേ
മറ്റ് സ്മാരകങ്ങളുടെ കാര്യത്തിൽ
ഇങ്ങനെയൊന്ന് സംഭവിക്കുന്നില്ല.
Symbol of India എന്ന തലത്തിലേക്ക് താജ്മഹലിന്റെ പ്രാധാന്യം വർദ്ധിച്ചു.
ലോകത്ത് ഏറ്റവുമധികം ആളുകൾ സന്ദർശിക്കുന്ന സ്മാരകങ്ങളിൽ
ഒന്നാണ് താജ്മഹൽ. ഓരോ വർഷവും ദശലക്ഷക്കണക്കിന് സഞ്ചാരികളാണ് ഇവിടേയ്ക്ക് എത്തുന്നത്. യുനെസ്‌കോയുടെ ലോക പൈതൃക സൈറ്റെന്ന നിലയിൽ അതിൻ്റെ
ആഗോള അംഗീകാരവും പദവിയും ലോകത്തിലെ ഏഴ് അത്ഭുതങ്ങളിൽ ഒന്നായി ഉൾപ്പെടുത്തുന്നതിന്
കാരണമായി നില കൊള്ളുന്നു.
