അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കുടുംബ സമേതമുള്ള ഹണിമൂൺ യാത്ര മിഥുനം സിനിമയിലേത് പോലെ ഒരു ഘട്ടത്തിൽ തോന്നിയെന്ന് ദിയ. കഴിഞ്ഞ ദിവസമാണ് ദിയയും അശ്വിനും കുടുംബ സമേതം ബാലിയിലേക്ക് യാത്ര പോയത്. അതിനിടെയുണ്ടായ രസകരമായ അനുഭവങ്ങളാണ് ദിയ വ്ളോഗിലൂടെ പങ്കുവയ്ക്കുന്നത്. മിഥുനം സ്റ്റെെൽ ഹണിമൂൺ യാത്രയെന്ന് പലരും വീഡിയോയ്ക്ക് കമന്റ് ചെയ്തിരുന്നു. അത് തമാശയായി എടുക്കുന്നു എന്നാണ് സിന്ധു കൃഷ്ണ പ്രതികരിച്ചത്.
‘ഞങ്ങൾ ദിയയുടെ വിവാഹത്തിന് മുമ്പേ പ്ലാൻ ചെയ്ത യാത്രയാണിത്. പല കാരണങ്ങളാൽ നീണ്ട് പോയി. ദിയയുടെ വിവാഹം കഴിഞ്ഞിട്ട് പോകാമെന്ന് പിന്നീട് തീരുമാനിച്ചു. ദിയയെ കൂടി ഉൾപ്പെടുത്തി നേരത്തെ പ്ലാൻ ചെയ്ത യാത്രയാണ്. അതിനാൽ ദിയയെയും അശ്വിനെയും വിളിക്കുകയായിരുന്നെന്നും’ സിന്ധു കൃഷ്ണ പറഞ്ഞു.
തനിക്കും അശ്വിനും മറ്റൊരു റൂം ലഭിച്ചതിനെക്കുറിച്ചും ദിയ സംസാരിച്ചു. ഒരു സാധാരണ റൂമാണ് ഞങ്ങൾ ചോദിച്ചത്. സെപ്പറേറ്റായിട്ട് വേണമെന്ന് പറഞ്ഞു. അവർ പെട്ടെന്ന് ശരിയാക്കി തന്നതാണ്. ആദ്യം കിട്ടിയത് ഒരുമിച്ചുള്ള റൂമുകളായിരുന്നു. വളരെ അൺകംഫർട്ടബിൾ ആയിരുന്നു. കാരണം അറ്റാച്ച്ഡ് ബാത്ത് റൂം ഒരു റൂമിലേ ഉണ്ടായിരുന്നുള്ളൂ. ബാക്കി റൂമിലുള്ളവർ ഇറങ്ങി വരണം.
അത് ശരിയാവില്ലെന്ന് അച്ഛനും അമ്മയ്ക്കും മനസിലായി. ശരിക്കും മിഥുനമായിപ്പോയെന്ന് അവർക്ക് തന്നെ പിടികിട്ടി. അവർ തന്നെ റിസപ്ഷനിൽ പോയി പറഞ്ഞു. അങ്ങനെ സെപ്പറേറ്റ് റൂം ലഭിച്ചെന്നും ദിയ കൃഷ്ണ പറഞ്ഞു. മനോഹരമായ റൂമാണ് ദിയക്കും അശ്വിനും ലഭിച്ചത്. മിഥുനം സ്റ്റെെൽ ഹണിമൂൺ യാത്രയെന്ന് നേരത്തെ സോഷ്യൽ മീഡിയയിൽ കമന്റുകൾ വന്നപ്പോൾ സിന്ധു കൃഷ്ണ പ്രതികരിച്ചിരുന്നു.
സോഷ്യൽ മീഡിയയിലെ മോശം കമന്റുകളോട് പൊതുവെ താര കുടുംബം പ്രതികരിക്കാറില്ല. ദിയയുടെ വിവാഹത്തിന്റെ ദൃശ്യങ്ങൾ സോഷ്യൽ മീഡിയയിൽ ഏറെ വൈറലായതാണ്. ഏറെ നാളത്തെ പ്രണയത്തിന് ശേഷമാണ് ഇരുവരും വിവാഹം ചെയ്തത്. സുഹൃത്തുക്കളായിരുന്ന ഇരുവരും പിന്നീട് പ്രണയത്തിലാവുകയായിരുന്നു.
അഹാനയുടെ വിവാഹമായിരിക്കാം ഒരുപക്ഷെ അടുത്തതെന്നാണ് സിന്ധു കൃഷ്ണ അടുത്തിടെ പറഞ്ഞത്. സിനിമാ കരിയറിലേക്കാണ് അഹാനയിപ്പോൾ ശ്രദ്ധ നൽകുന്നത്. അടിയാണ് നടിയുടെ ഒടുവിൽ പുറത്തിറങ്ങിയ ചിത്രം. ഷൈൻ ടോം ചാക്കോ നായകനായ സിനിമ ശ്രദ്ധ നേടി.
conten thighlight: diya-krishna-shares-her-recent-trip
