അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ടെലിവിഷന് പരമ്പരയിലൂടെ പ്രേക്ഷക പ്രിയങ്കരിയായി നടിയാണ് ഹരിത നായര്. താരം അഭിനയിക്കുന്ന കുടുംബശ്രീ ശാരദ എന്ന സീരിയല് വലിയ ഹിറ്റായി മുന്നോട്ടു പോവുകയാണ്. അടുത്തിടെയായിരുന്നു ഹരിതയുടെ വിവാഹം. വിവാഹ വീഡിയോകളും വിവാഹ ചിത്രങ്ങളും എല്ലാം സോഷ്യല് മീഡിയയില് വൈറലായിരുന്നു. ഇപ്പോള് ഇതാ തന്റെ ജീവിതത്തിലെ പുതിയ സന്തോഷം ആരാധകരുമായി പങ്കുവെയ്ക്കുകയാണ് ഹരിത.
ഇന്സ്റ്റാഗ്രാമിലൂടെയാണ് താരം സന്തോഷവാര്ത്തയുടെ വീഡിയോ പങ്കുവെച്ചത്. ദുബൈയില് നടന്ന മിസ്റ്റര് ആന്ഡ് മിസിസ് മലയാളി മത്സരത്തില് വിജയ കിരീടം ചൂടിയിരിക്കുകയാണ് ഹരിതയും ഭര്ത്താവ് സനോജും. ‘ഇതെന്റെ രണ്ടാമത്തെ വിജയമാണ്, ആദ്യത്തെ വിജയം നിങ്ങളാണ്’ എന്നാണ് ഭര്ത്താവിനെക്കുറിച്ച് താരം സേഷ്യല് മീഡിയയില് കുറിച്ചിരിക്കുന്നത്. പരിപാടിയുടെ ഫൈനല് വീഡിയോയും താരം കിരീടം ചൂടുന്ന വീഡിയോയും ആണ് ഇന്സ്റ്റഗ്രാമില് ഹരിത പങ്കുവെച്ചിരിക്കുന്നത്.
View this post on Instagram
‘വിജയിക്കാനല്ല, ജോലി അവസരങ്ങള് തേടിയാണ് ഞാന് മത്സരിക്കാന് എത്തിയത്. ഇത് കൂടുതല് മധുരമായി. രണ്ടാഴ്ച മുമ്പ് ഇതേ മത്സരത്തില് ഫസ്റ്റ് റണര് അപ്പ് ആണ് ആയത്. തിരികെ പോകുമ്പോള്, എനിക്ക് എപ്പോഴും ഇങ്ങനെയാണ്, ഇതേവരെ ഒന്നാം സ്ഥാനത്ത് എത്താന് പറ്റിയിട്ടില്ല എന്ന പരാതി പറഞ്ഞിരുന്നു.’ ഹരിത നായര് പറഞ്ഞു. ഹരിതക്കൊപ്പം നിന്ന് ഞാന് അത് സാധ്യമാക്കി തരും എന്ന ഉറപ്പ് കൊടുത്തിരുന്നുവെന്ന് സനോജ് പറയുന്നു.
വിവാഹത്തിന് ശേഷം ഹരിത ഭര്ത്താവിനൊപ്പം ദുബായിലേക്ക് പോയിരുന്നു. അവിടെയെത്തിയിട്ടുളള തന്റെ ജീവിതത്തിലെ സന്തോഷങ്ങളൊക്കെ താരം സോഷ്യല് മീഡിയയില് പങ്കുവെക്കാറുണ്ടായിരുന്നു. നടിയുടെ ഇപ്പോളത്തെ പുതിയ സന്തോഷത്തില് ആരാധകരടക്കം വളരെ സന്തോഷത്തിലാണ്.
