അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തെന്നിന്ത്യന് സിനിമാ രംഗത്തും ബോളിവുഡിലും നിറഞ്ഞു നില്ക്കുന്ന താരസുന്ദരിയാണ് തമന്ന. നടന് വിജയ് വര്മയുമായി പ്രണയത്തിലാണ് നടിയെന്നാണ് റിപ്പോര്ട്ടുകള് പറയുന്നത്. വിജയ്ക്കൊപ്പം ഇവന്റുകള്ക്കും മറ്റും തമന്ന എത്താറുണ്ട്.
മുമ്ബൊരിക്കല് തനിക്കൊരാളോട് തോന്നിയ ഇഷ്ടത്തെക്കുറിച്ച് തമന്ന പറഞ്ഞ വാക്കുകളാണിപ്പോള് ശ്രദ്ധ നേടുന്നത്. സുഹൃത്തിന്റെ സഹോദരനോടാണ് തമന്നയ്ക്ക് ഇഷ്ടം തോന്നിയത്. ഇയാളെ കാണാന് വേണ്ടി മാത്രം താന് സുഹൃത്തിനടുത്തേക്ക് പോകുമായിരുന്നെന്ന് തമന്ന തുറന്ന് പറഞ്ഞു. അഞ്ചാം ക്ലാസില് പഠിക്കുമ്ബോഴാണ് തമന്നയ്ക്ക് ഇഷ്ടം തോന്നിയത്.
ഒരുപാട് ദിവസം അവനോട് ആരാധന തോന്നി. എന്നാല് ഇഷ്ടം തുറന്ന് പറഞ്ഞപ്പോള് തന്നെ നിരാശപ്പെടുത്തിയ പ്രതികരണമാണുണ്ടായതെന്നും തമന്ന ഓര്ത്തു. എന്റെ സഹോദരിയുടെ സുഹൃത്താണ് നീ. നീയും എനിക്ക് സഹോദരിയെ പോലെയാണെന്ന് അവന് പറഞ്ഞു. ഈ മറുപടി തന്റെ ഹൃദയം തകര്ത്തെന്നും തമന്ന ഓര്ത്തു. അടുത്തിടെ നല്കിയ അഭിമുഖത്തില് തനിക്കുണ്ടായ ബ്രേക്കപ്പുകളെക്കുറിച്ച് തമന്ന തുറന്ന് സംസാരിച്ചിരുന്നു.
രണ്ട് ബ്രേക്കപ്പുകളാണ് എനിക്കുണ്ടായത്. വളര്ച്ചയ്ക്ക് അത് പ്രധാനമായിരുന്നു. ആദ്യത്തേത് ഞാന് വളരെ ചെറുപ്പമായിരിക്കുമ്ബോഴാണ്. എനിക്കിനിയും ഒരുപാട് കാര്യങ്ങള് വേണ്ടതുണ്ടെന്ന് അന്ന് തോന്നി, ഒരു വ്യക്തിക്ക് വേണ്ടി മറ്റ് പല കാര്യങ്ങളും ത്യജിക്കാന് പറ്റുമായിരുന്നില്ല. രണ്ടാമത്തെ ബ്രേക്കപ്പിന് കാരണം ആ വ്യക്തിയുടെ സ്വാധീനം തനിക്ക് നല്ലതല്ലെന്ന് തിരിച്ചറിഞ്ഞത് കൊണ്ടാണെന്നും തമന്ന വ്യക്തമാക്കി.
സിനിമകളില് ഒരുമിച്ച് അഭിനയിക്കുമ്ബോള് ജനങ്ങളില് നിന്നും തനിക്ക് വരുന്ന ചോദ്യങ്ങളെക്കുറിച്ചും തമന്ന ഒരിക്കല് സംസാരിച്ചിട്ടുണ്ട്. ഒരുപാട് നടന്മാര്ക്കൊപ്പം അഭിനയിക്കുന്നു, അവരോട് അടുപ്പം തോന്നില്ലേ എന്ന് ചോദിച്ചിട്ടുണ്ട്. ഇത് തനിക്ക് വിചിത്രമായി തോന്നിയെന്ന് ഒരിക്കല് തമന്ന വ്യക്തമാക്കി. കരിയറിലെ തുടക്ക കാലത്ത് നോ കിസ്സിംഗ് നിബന്ധന തമന്ന വെച്ചിരുന്നു.
ചുംബന രംഗത്തില് അഭിനയിക്കില്ലെന്ന് നടിയുടെ കരാറില് എപ്പോഴും വ്യക്തമാക്കിയിരുന്നു. എന്നാല് അടുത്ത കാലത്ത് ഇതില് മാറ്റം വന്നു. ഇന്റിമേറ്റ് രംഗങ്ങളില് അഭിനയിക്കാന് നടി തയ്യാറായി. കരിയറില് സജീവമാണ് തമന്ന ഇപ്പോഴും. ബാന്ദ്ര എന്ന സിനിമയിലൂടെ മലയാളത്തിലും നടി സാന്നിധ്യം അറിയിച്ചു. ദിലീപായിരുന്നു ചിത്രത്തിലെ നായകന്.
