അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.വീശിയടിച്ച കാറ്റിലും കൊടുംമഴയിലും തൂത്തെറിയപ്പെട്ട തൂത്തുക്കുടിയിലെ നൂറുകണക്കിന് കുടുംബങ്ങൾക്ക് കൈത്താങ്ങായി ദക്ഷിണ-തമിഴ്നാട് സേവാഭാരതി. 50 പുതിയ വീടുകളുടെ നിർമ്മാണ പ്രവർത്തനങ്ങൾക്ക് തുടക്കമായതായും, നിലവിൽ 10 വീടുകളുടെ താക്കോൽ ദാനം നവംബർ 6 ന് നിർവഹിച്ചതായും, ദക്ഷിണ-തമിഴ്നാട് സേവാഭാരതി സംസ്ഥാന അധ്യക്ഷൻ വടിവേൽ മുരുകൻ. 2023 ഡിസംബർ 16 ലെ പ്രകൃതി ദുരന്തത്തിൽ സർവ്വതും നഷ്ടപ്പെട്ട ഒരു ജനതയെ ജീവിതത്തിലേക്ക് തിരികെ കൈപിടിച്ചുയർത്താൻ 4,458 സ്വയം സേവകർ രാവും പകലും ഊണും ഉറക്കവും ഉപേക്ഷിച്ച് രണ്ട് മാസം കഠിന പ്രയത്നം നടത്തി.
ദുരന്ത ഘട്ടത്തിൽ 45 സ്ഥലങ്ങളിലായി തുറന്ന പാചക പുരകളിൽ നിന്ന് തൂത്തുക്കുടിയിലും സമീപങ്ങളിലുമുള്ളതായ 676 ഗ്രാമങ്ങളിൽ 3,62,003 ആളുകൾക്ക് ഭക്ഷണം എത്തിച്ചു. തൂത്തുക്കുടി നഗരസഭയിലെ ആകെ 60 വാർഡുകളിൽ 51 എണ്ണവും ഒറ്റ ദിവസം കൊണ്ട് ശുചീകരിച്ചത് 1332 സ്വയം സേവകരുടെ ഒരു കൂട്ടായ്മയാണ്. 2,95,000 ലിറ്റർ ശുദ്ധജലം വിവിധ മേഖലകളിൽ ടാങ്കർ ലോറികളിൽ എത്തിച്ചു. കൂടാതെ 2,00,746 മിനറൽ വാട്ടർ ബോട്ടിലുകൾ, പതിനായിരകണക്കിന് വീടുകളിലേക്ക് 45,986 ബെഡ് ഷീറ്റുകൾ, 37, 369 പേർക്ക് വസ്ത്രങ്ങൾ, 94,398 റേഷൻ കാർഡ് ഉടമകൾക്കുള്ള കിറ്റുകൾ, 2000 സ്കൂൾ കുട്ടികൾക്കുള്ള കിറ്റുകൾ, 26 മെഡിക്കൽ ക്യാമ്പുകളിലായി 3,278 ആളുകൾക്ക് ചികിത്സാ സഹായവും ഈ ഘട്ടത്തിൽ നടത്തി.
നിലവിൽ സാമൂഹ്യമായി പിന്നോക്കം നിൽക്കുന്ന 135 കുടുംബങ്ങൾക്ക് ജീവിതോപാധി സഹായം നൽകി. ഇതുവരെ ദുരന്തവുമായി ബന്ധപ്പെട്ട സേവാ പ്രവർത്തനങ്ങൾക്കായി 15 കോടി ചെലവിട്ടതായും അദ്ദേഹം പറഞ്ഞു. പുതിയതായി പണി കഴിപ്പിച്ച10 വീടുകളുടെ താക്കോൽ ദാനം തിരുചെന്തൂരിനടുത്തുള്ള ശ്രീവൈകുണ്ഠത്ത് നവംബർ 6 ന് നടന്നു. തദവസരത്തിൽ അഖില ഭാരതീയ സഹസേവാ പ്രമുഖ് എ. സെന്തിൽ കുമാർ, ദക്ഷിണ ക്ഷേത്ര സംഘചാലക് ആർ. വന്നിയരാജൻ, ക്ഷേത്രപ്രചാരക് പി.എൻ. ഹരികൃഷ്ണകുമാർ, സോഹോ കോർപ്പറേഷൻ ഫൗണ്ടർ ശ്രീധർ വേമ്പു, രാഷ്ട്രീയ സേവാഭാരതി അഖില ഭാരതീയ അധികാരി കെ. പത്മകുമാർ, ദക്ഷിണ-തമിഴ്നാട് സേവാഭാരതി സംഘടനാ സെക്രട്ടറി ബി. പ്രതാപ ചന്ദ്രൻ തുടങ്ങിയവർ പങ്കെടുത്തു.
CONTENT HIGHLIGHTS; 50 houses, assistance to 135 families: Dakshina-Tamil Nadu Seva Bharati with assistance of 15 crores
