പാലക്കാട് ബിജെപി കോട്ട പൊളിച്ച് ലീഡ് പിടിച്ച രാഹുൽ മാങ്കൂട്ടത്തിൽ നിന്നും ലീഡ് തിരികെ പിടിച്ച് സി കൃഷ്ണകുമാർ. വയനാട്ടിൽ കൊടുങ്കാറ്റായി പ്രിയങ്ക മാറുന്നു. ചേലക്കരയിൽ ചേലോടെ യു ആർ പ്രദീപ് മുന്നേറുകയാണ്. രാഷ്ട്രീയ കേരളം ഉറ്റുനോക്കിയ പാലക്കാട്, വയനാട്, ചേലക്കര ഉപതെരഞ്ഞെടുപ്പുകളിൽ ഫലം പുറത്ത് വരുമ്പോൾ പാലക്കാട് മാത്രമാണ് നിലവിൽ ലീഡ് നില മാറി മറിയുന്നത്. വയനാട്ടിൽ പ്രിയങ്ക ഗാന്ധി ഒരു ലക്ഷത്തിലേക്ക് ലീഡ് പിടിച്ചു. ചേലക്കരയിൽ യു ആർ പ്രദീപ് എട്ടായിരത്തിന് മുകളിൽ ലീഡ് നിലനിർത്തുന്നു. പാലക്കാട് നിലവിൽ 412 വോട്ടുകൾക്ക് സി കൃഷ്ണകുമാർ മുന്നിലാണ്.