“അഭിനയിക്കണ്ട എന്ന ആ തീരുമാനം തെറ്റായിരുന്നു എന്ന് ഈ നിമിഷം വരെ തോന്നിയിട്ടില്ല “- ആശ ശരത്

കുങ്കുമപൂവ് എന്ന സീരിയലിലൂടെ മലയാളി പ്രേക്ഷകരുടെ മനസ്സിൽ തന്റേതായ ഇടം നേടിയെടുത്ത കലാകാരിയാണ് ആശാ ശരത്ത് നിരവധി ആരാധകരെയാണ് ആശാ ശരത് ചെറിയ സമയം കൊണ്ട് തന്നെ സ്വന്തമാക്കിയത്. മികച്ച ഒരു നർത്തകി കൂടിയാണ് ആശ. വലിയൊരു ആരാധകനിരയാണ് താരത്തിന് സ്വന്തമായി ഉള്ളത് എന്നാൽ വർഷങ്ങൾക്കു മുൻപേ തന്നെ സിനിമയിൽ എത്തേണ്ടിയിരുന്ന ഒരു വ്യക്തിയാണ് ആശാ ശരത്ത് കമലദളം എന്ന സിനിമയിൽ ആശാ ശരത്ത് അഭിനയിക്കാനുള്ള അവസരം ലഭിച്ചിട്ടും അത് വേണ്ട എന്ന് വെച്ചതാണ് ഇതിനെക്കുറിച്ച് ഒരിക്കൽ ആശാ ശരത്ത് തന്നെ പറഞ്ഞിരുന്നു ആ വാക്കുകൾ ഇങ്ങനെ…

” ഞാൻ ഡിഗ്രി പഠിക്കുന്ന സമയത്താണ് കമലദളം സിനിമയിലെ മാളവിക നങ്ങ്യാർ എന്ന കഥാപാത്രം അവതരിപ്പിക്കാൻ അവസരം ഇങ്ങോട്ട് തേടി വരുന്നത്. കലാപരമായി ഏറെ അടുത്തു നിന്ന കുടുംബം ആയിരുന്നു ഞങ്ങളുടേത്. അതിനാൽ വളരെ ചെറിയ പ്രായം മുതൽ തന്നെ ഞാൻ നൃത്തം അഭ്യസിച്ചിരുന്നു .

എന്റെ അമ്മ സുമതി കേരളാ കലാമണ്ഡലത്തിലെ നൃത്ത അധ്യാപികയായിരുന്നു . സിനിമയിലെ കഥാപാത്രത്തിനായി ശാസ്ത്രീയ നൃത്തം അറിയാവുന്ന കുട്ടിയെ തേടിയുള്ള സംവിധായകന്റെ അന്വേഷണമാണ് എന്നിൽ എത്തിച്ചേർന്നത്.

ജയറാമേട്ടൻ ഒരു ദിവസം വിളിച്ചിട്ട്, ലോഹിതദാസ് സർ വിളിക്കും എന്ന് പറഞ്ഞു. എന്നാൽ ആ സമയം എനിക്ക് എന്താണ് കാര്യം എന്ന് പിടികിട്ടിയിരുന്നില്ല. ശേഷം ലോഹി സർ ആണ് കഥാപാത്രത്തെ കുറിച്ചു പറയുന്നത്. അത് കേട്ടപ്പോൾ കഥാപാത്രത്തോട് താൽപര്യം തോന്നി പക്ഷെ , സിനിമ ചെയ്യുന്നില്ല എന്ന് ഞാൻ തീരുമാനിച്ചു.

അതിനുള്ള കാരണം, പഠനത്തിനാണ് അന്ന് ഞാനും കുടുംബവും മുൻ‌തൂക്കം നൽകിയത്. ഒപ്പം അറിയപ്പെടുന്ന ഒരു നർത്തകി ആകുക എന്നതും. എന്റെ ആ സ്വപ്‌നങ്ങൾ പൂർത്തിയാക്കുന്നതിന് വേണ്ടി ഞാൻ തന്നെയാണ് സിനിമ വേണ്ടെന്നു വച്ചത്. പോരെങ്കിൽ സിനിമയിൽ അഭിനയിക്കുക , നടിയാവുക തുടങ്ങിയ ആഗ്രഹങ്ങൾ ഒന്നും തന്നെ അന്ന് ഉണ്ടായിരുന്നില്ല, സിനിമ കണ്ടപ്പോൾ , ആ കഥാപാത്രത്തോട് വല്ലാത്ത ഇഷ്ടം തോന്നി . ചെയ്തിരുന്നെങ്കിൽ നന്നായിരുന്നു എന്നും തോന്നി. എന്നാൽ അഭിനയിക്കേണ്ട എന്ന് ഞാനെടുത്ത തീരുമാനം തെറ്റാണെന്ന് ഇന്ന് വരെ തോന്നിയിട്ടില്ല”
Story Highlights ; asha srath talkes cinema