അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ബ്രിസ്റ്റോള്‍: ‘പുകവലി ആരോഗ്യത്തിന് ഹാനികരം, പുകവലി അർബുദത്തിന് കാരണമാകും’- ഒരു ദിവസം കുറഞ്ഞത് രണ്ടുതവണയെങ്കിലും ഇത് നമ്മൾ കേൾക്കാറുണ്ട്. എന്നാൽ കേൾക്കുന്നതല്ലാതെ പലരും ഇത് മുഖവിലയ്ക്കെടുക്കാറില്ല. പുകവലി നിങ്ങളെ എത്തിക്കുക ഗുരുതരമായ രോഗങ്ങളിലേക്കാണ്. പലർക്കും പുകവലി എന്ന ശീലത്തോട് വിട പറയണം എന്ന് ആഗ്രഹം ഉണ്ടെങ്കിലും കഴിയാറില്ല. ഇപ്പോഴിതാ ഇതിനൊരു പരിഹാരം കണ്ടെത്തിയിരിക്കുകയാണ് ഗവേഷകർ. ഒരു സ്മാർട്ട് വാച്ച് ധരിച്ച് പുകവലിയിൽ നിന്നും രക്ഷനേടാനുള്ള സംവിധാനമാണ് ബ്രിസ്റ്റോൾ സർവകലാശാലയിലെ ഗവേഷകർ കണ്ടെത്തിയിരിക്കുന്നത്
പുകവലി ശീലം കളയാന്‍ ആഗ്രഹിക്കുന്നവര്‍ക്ക് സ്മാര്‍ട്ട് വാച്ച് ആപ്ലിക്കേഷനെ കുറിച്ച് Presenting and Evaluating a Smartwatch-Based Intervention for Smoking Relapse (StopWatch): Feasibility and Acceptability Study എന്ന പഠനത്തിലാണ് പറയുന്നത്. ജെഎംഐആര്‍ ഫോര്‍മേറ്റീവ് റിസര്‍ച്ചാണ് ഈ പ്രബന്ധം പ്രസിദ്ധീകരിച്ചത്. പുകവലിക്കുന്നയാളുകള്‍ക്ക് അതില്‍ നിന്ന് വിട്ടുനില്‍ക്കാന്‍ സ്മാര്‍ട്ട് വാച്ചില്‍ തത്സമയ സൂചനകളും വിവരങ്ങളും നല്‍കും വിധമാണ് ആപ്പ്.
പുകവലിക്കുന്നയാളുകളുടെ ചലനം സൂക്ഷ്മമായി തിരിച്ചറിഞ്ഞ് അയാള്‍ പുകവലിക്കാനായി സിഗരറ്റ് കയ്യിലെടുത്തോ എന്ന് മനസിലാക്കും ഓരോ തവണ ഇക്കാര്യം കണ്ടെത്തുമ്പോഴും ആളുടെ സ്മാര്‍ട്ട് വാച്ച് സ്‌ക്രീനില്‍ അലര്‍ട്ട് സന്ദേശം തെളിയുകയും വൈബ്രേഷനുണ്ടാവുകയും ചെയ്യും.
18 പേരില്‍ ഈ സാങ്കേതികവിദ്യ പരീക്ഷിച്ച് വിജയിച്ചതായി ഗവേഷണ പ്രബന്ധത്തില്‍ പറയുന്നു. പഠനത്തിന് വിധേയമായവര്‍ രണ്ടാഴ്ചക്കാലം എല്ലാ ദിവസവും സ്മാര്‍ട്ട് വാച്ച് കയ്യില്‍ ധരിച്ചു. സ്റ്റോപ്പ് വാച്ച് സിസ്റ്റത്തിലെ വിശകലനം ചെയ്യുന്നതിന് ആക്‌സിലറോമീറ്ററും ഗൈറോസ്‌കോപ്പും ഉപയോഗിക്കുന്നു. പുകവലിക്കാനായി ശ്രമിക്കുമ്പോള്‍ പഠനത്തില്‍ പങ്കെടുത്തവര്‍ക്ക് തത്സമയ മുന്നറിയിപ്പ് സന്ദേശങ്ങള്‍ ലഭിച്ചു. ഇത് അവര്‍ പിന്തിരിയാന്‍ കാരണമായി.
CONTENT HIGHLIGHT: smartwatch could help you quit smoking
