അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രസാദ് വാളാച്ചേരി സംവിധാനം ചെയ്യുന്ന ഒരു കഥ ഒരു നല്ല കഥ എന്ന ചിത്രത്തിൻ്റെ ട്രെയിലർ, പോസ്റ്റർ പ്രകാശനവും മ്യൂസിക്ക് ലോഞ്ചും തിരുവനന്തപുരം പ്രസ്ക്ലബിൽ വച്ചു നടന്നു. ചലച്ചിത്ര, രാഷ്ട്രീയ, സാമൂഹ്യ രംഗങ്ങളിലെ നിരവധിപ്പേരുടേയും അണിയറ പ്രവർത്തകരുടേയും സാന്നിദ്ധ്യത്തിൽ കേരള ഫിലിം ചേംബസെക്രട്ടറി ശ്രീ സജി നന്ത്യാട്ടാണ് പ്രകാശന കർമ്മം നടത്തിയത്. കെ.ആർ.രാജൻ, അജി ആറ്റുകാൽ, സംഗീത സംവിധായകൻ പ്രണവം മധു, ആറ്റിങ്ങൽ വിജയകുമാർ, നടൻ റിയാസ് നർമ്മകല എന്നിവരുടെ സാന്നിദ്ധ്യത്തിലാണ് ചടങ്ങുകൾ നടന്നത്.
ചടങ്ങിൽ നിർമ്മാതാവ് ബ്രൈറ്റ് തോംസൺ അദ്ധ്യഷനായിരുന്നു. ബ്രൈറ്റ് ഫിലിംസിൻ്റെ ബാനറിൽ ബ്രൈറ്റ് തോംസൺ തിരക്കഥ രചിച്ച് നിർമ്മിക്കുന്ന ഈ ചിത്രത്തിൽ മലയാളത്തിലെ പ്രമുഖ താരങ്ങൾ അണിനിരക്കുന്നു. ഷീല, അംബിക, ശങ്കർ, കോട്ടയം രമേഷ്,ഇടവേള ബാബു, മനു വർമ്മ ,ബാലാജി ശർമ്മ, ദിനേശ് പണിക്കർ റിയാസ് നർമ്മകല, കെ.കെ.സുധാകരൻ, നന്ദകിഷോർ, നിഷാ സാരംഗ് എന്നിവർ പ്രധാന വേഷങ്ങളിലെത്തുന്നു. സിനിമക്കുള്ളിലെ സിനിമയുടെ കഥ ഹൃദ്യമായ മുഹൂർത്തങ്ങളിലൂടെ അവതരിപ്പിക്കുന്ന ഈ ചിത്രത്തിൽ ഗാനങ്ങൾ ഒരുക്കിയിരിക്കുന്നത് ബ്രൈറ്റ് തോംസൺ ആണ്. സംഗീതം – പ്രണവം മധു, ഛായാഗ്രഹണം – വിപിൻ, എഡിറ്റിംഗ് – പി.സി.മോഹൻ, പ്രൊഡക്ഷൻ കോ-ഓർഡിനേറ്റർ- ജോസ് ബ്രൈറ്റ് മാഞ്ഞൂർ എന്നിവരാണ്. നിർമ്മാണ പ്രവർത്തനങ്ങൾ പൂർത്തിയായ ഈ ചിത്രം ജനുവരി മുപ്പത്തിയൊന്നിന് പ്രദർശനത്തിനെത്തും
