നല്ല നാടന്‍ കുടംപുളിയിട്ട മത്തിക്കറി ഉണ്ടാക്കിയാലോ?

നല്ല നാടന്‍ കുടംപുളിയിട്ട മത്തിക്കറിയുണ്ടെങ്കില്‍ ഉച്ചയ്ക്ക് ഒരു പറ ചോറുണ്ണാം. വളരെ എളുപ്പത്തിൽ രുചികരമായി തയ്യാറാക്കാവുന്ന ഒരു റെസിപ്പി.

ആവശ്യമായ ചേരുവകള്‍

• മത്തി – 12 എണ്ണം
• ഉലുവ – 1/4 ടീസ്പൂണ്‍
• ഇഞ്ചി വെളുത്തുള്ളി ചതച്ചത്
• ചെറിയ ഉള്ളി – 10 എണ്ണം
• പച്ചമുളക് – 3 എണ്ണം
• തക്കാളി – 1 എണ്ണം
• കുടംപുളി – 3 എണ്ണം
• കറിവേപ്പില, ഉപ്പ് – ആവശ്യത്തിന്

തയ്യാറാക്കുന്ന വിധം

മത്തി നന്നായി വൃത്തിയാക്കി കഴുകി എടുത്തു വരഞ്ഞെടുക്കാം. കുറച്ചു കുടംപുളി ചെറിയ ചൂടുവെള്ളത്തില്‍ മുക്കി വയ്ക്കുക. മണ്‍ചട്ടി അടുപ്പത്തു വച്ചു ചൂടാക്കുക. അതിലേക്ക് 2 ടേബിള്‍ സ്പൂണ്‍ വെളിച്ചെണ്ണ ഒഴിച്ച് ഇതിലേക്ക് 1/4 ടീസ്പൂണ്‍ ഉലുവ, ഇഞ്ചി, വെളുത്തുള്ളി ചതച്ചത്, 10 ചെറിയ ഉള്ളി ചതച്ചത്, 3 പച്ചമുളക് കീറിയത്, കറിവേപ്പില, തക്കാളി എന്നിവ ചേര്‍ത്തു നന്നായി ഇളക്കി എടുക്കുക. കുടംപുളിയും മസാലപ്പൊടികളും മത്തിയും ചേര്‍ത്തു വേവിച്ചെടുക്കാം.