അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.വളരെ എളുപ്പത്തിൽ രുചികരമായി തയ്യാറാക്കാവുന്ന കോക്കനട്ട് ബനാന കേക്ക് ഉണ്ടാക്കിയാലോ? എങ്ങനെയെന്ന് നോക്കാം.
ആവശ്യമായ ചേരുവകൾ
- 1. മൈദ – 1 ½ കപ്പ്
- 2. ബേക്കിങ് പൗഡർ – ½ ടീസ്പൂൺ
- 3. ബേക്കിങ് സോഡ – ½ ടീസ്പൂൺ
- 4. ഉപ്പ് – ¼ ടീസ്പൂൺ
- 5. മുട്ട – 3
- 6. പഞ്ചസാര – 1 കപ്പ്
- 7. വെജിറ്റബിൾ ഓയിൽ – ¼ കപ്പ്
- 8. വാനില എസ്സെൻസ് – 1 ടീസ്പൂൺ
- 9. പഴുത്ത റോബസ്റ്റ പഴം – 2
- (നന്നായി ഉടച്ചെടുത്തത്)
- 10. ചിരകിയ തേങ്ങ – ¾ കപ്പ് + 2 ടീസ്പൂൺ
- 11. ബദാം (അരിഞ്ഞത്) – 2 ടീസ്പൂൺ
തയാറാക്കുന്ന വിധം
ഓവൻ 190 ഡിഗ്രിയിൽ ചൂടാക്കുക. ഒരു കേക്ക് ടിന്നിൽ വെണ്ണ പുരട്ടി ബേക്കിങ് പേപ്പർ ഇട്ടുവെക്കുക. ഒരു പാത്രത്തിൽ മൈദ, ബേക്കിങ് പൗഡർ, ബേക്കിങ് സോഡ, ഉപ്പ് എന്നിവ ഒരുമിച്ച് ചേർത്ത് യോജിപ്പിക്കുക. മറ്റൊരു പാത്രത്തിൽ, മുട്ട, പഞ്ചസാര, വെജിറ്റബിൾ ഓയിൽ, വാനില എസ്സെൻസ് എന്നിവ നന്നായി യോജിപ്പിക്കുക. ഇതിലേക്ക് നന്നായി ഉടച്ചെടുത്ത വാഴപ്പഴം ചേർത്ത് നന്നായി ഇളക്കുക. ഇതിലേക്ക് ¾ കപ്പ് ചിരകിയ തേങ്ങ ചേർത്ത് നന്നായി യോജിപ്പിക്കുക. മൈദ മിശ്രിതം സാവധാനം ഇതിലേക്ക് ചേർത്ത് നന്നായി യോജിപ്പിക്കുക.
ഈ മിശ്രിതം കേക്ക് ടിന്നിലേക്ക് ഒഴിച്ച് കൊടുക്കുക. ഇതിന് മുകളിൽ 2 ടേബിൾസ്പൂൺ തേങ്ങയും അരിഞ്ഞ ബദാമും വിതറി പ്രീഹീറ്റ് ചെയ്ത ഓവനിൽ 1 മണിക്കൂർ – 1 മണിക്കൂർ 10 മിനിറ്റ് ബേക്ക് ചെയ്യുക. ബേക്ക് ചെയ്യുമ്പോൾ 40 മിനിറ്റിനു ശേഷം അലുമിനിയം ഫോയിൽ കൊണ്ട് മൂടി, വേവുന്നത് വരെ ബേക്ക് ചെയ്യുക. ഓവനിൽ നിന്ന് പുറത്തെടുത്ത് 20 – 25 മിനിറ്റ് തണുപ്പിക്കാൻ വെക്കുക. കേക്ക് ഒരു വയർ റാക്കിലേക്ക് മാറ്റി പൂർണമായും തണുപ്പിക്കുക.
