അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇഡ്ഡലിയെ ഒന്ന് മേക്കപ്പ് ചെയ്തെടുത്താലോ? കിടിലൻ സ്വാദിൽ ഹെൽത്തിയും ടേസ്റ്റിയുമായ ഇഡലി ഫ്രൈ ഉണ്ടാക്കാം. കുട്ടികൾക്കും മുതിർന്നവർക്കും ഇത് ഒരുപോലെ ഇഷ്ടമാകും.
ആവശ്യമായ ചേരുവകൾ
- തക്കാളി സോസ്–രണ്ട് സ്പൂൺ
- സോയ സോസ്–അര സ്പൂൺ
- മുട്ട–ഒന്ന്
- ഇഞ്ചി, വെളുത്തുള്ളി പേസ്റ്റ് – കാൽ സ്പൂൺ
- ബ്രഡ് പൊടി–പാകത്തിന്
- വെളിച്ചെണ്ണ–രണ്ട് സ്പൂൺ
- സവാള, ക്യാപ്സിക്കം, തക്കാളി – ഒന്ന് വീതം
- കുരുമുളക്പൊടി – ഒരു ടീസ്പൂൺ
- മല്ലിപ്പൊടി, മുളകുപൊടി, ചിക്കൻ മസാല – അര ടീ സ്പൂൺ വീതം
തയ്യാറാക്കുന്ന വിധം
സാധാരണ ഇഡ്ഡലി ചെറിയ കഷണങ്ങളാക്കി മുറിച്ച് തക്കാളി സോസ്, സോയ സോസ്, മുട്ട, ഇഞ്ചു വെളുത്തുള്ളു പേസ്റ്റ് എന്നിവ ചേർത്ത് പുരട്ടി ബ്രഡ് പൊടിയിൽ മുക്കി എണ്ണയിൽ വറുത്തു കോരുക. വെറൊരു പാനിൽ വെളിച്ചെണ്ണ ഒഴിച്ച് സവാള, ക്യാപ്സിക്കം, തക്കാളി എന്നിവ ചേർത്ത് വഴറ്റുക. നിറം മാറി വരുമ്പോൾ കുരുമുളക്പൊടി, മല്ലിപ്പൊടി, മുളകുപൊടി, ചിക്കൻ മസാല എന്നിവ ചേർത്ത് ഇളക്കാം. ഇതിലേക്ക് ഇഡ്ഡലി ചേർത്ത് ചെറുതായി ചൂടാക്കിയശേഷം വിളമ്പാം.
