അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കാത്തിരിപ്പിനൊടുവിലായി ക്യുആന്ഡ് എയിലൂടെയായി ചോദ്യങ്ങള്ക്ക് മറുപടിയുമായെത്തിയിരിക്കുകയാണ് ദിയ കൃഷ്ണയും അശ്വിന് ഗണേഷും. അശ്വിന് ഡ്യൂട്ടിയില്ലാത്ത ദിവസമാണ്, അതിനാല് ഇങ്ങനെയൊരു വീഡിയോ എടുക്കാമെന്ന് കരുതി. ഇപ്പോള് നാലാമത്തെ മാസമാണ് എനിക്ക്. ഫസ്റ്റ് ട്രിമസ്റ്ററുമായി ബന്ധപ്പെട്ടാണ് മിക്കക ചോദ്യങ്ങളും വന്നിട്ടുള്ളതെന്നും ദിയ പറഞ്ഞിരുന്നു. എനിക്കങ്ങനെ വിചിത്രമായ ക്രേവിംഗ്സൊന്നും ഇല്ല. നോര്മലി എനിക്കിഷ്ടമുള്ള സാധനങ്ങളൊക്കെ തന്നെയാണ് ഞാന് ഇപ്പോഴും കഴിക്കുന്നത്. ചാമ്പക്കയും മാങ്ങയും പുളിയുമൊക്കെ എനിക്ക് നേരത്തെ ഇഷ്ടമുള്ള സാധനങ്ങളാണ്. കഴിക്കാത്ത സാധനങ്ങളൊന്നും വേണമെന്ന് ഇതുവരെ പറഞ്ഞിട്ടില്ല.
കഴിക്കുന്ന സാധനങ്ങളോട് ഇഷ്ടമില്ലാതെയും, കഴിക്കാത്തതിനോട് താല്പര്യം തോന്നുമെന്നും കുറേപേര് എന്നോട് പറഞ്ഞിരുന്നു. ഇതുവരെ എനിക്ക് അങ്ങനെ തോന്നിയിട്ടില്ല. ആദ്യത്തെ മൂന്ന് മാസം എനിക്ക് ഭക്ഷണം കഴിക്കാനേ തോന്നുന്നില്ലായിരുന്നു. കരുവാട് കഴിക്കാനായിരുന്നു നിനക്ക് കൂടുതല് താല്പര്യമെന്നായിരുന്നു അശ്വിന് പറഞ്ഞത്. ആ മണം മാത്രമായിരുന്നു ഇഷ്ടം. ആ നാറ്റം പിടിച്ചത് എന്ന് പറഞ്ഞപ്പോള് അങ്ങനെയൊന്നും പറയല്ലേയെന്നായിരുന്നു ദിയയുടെ മറുപടി. കരുവാട് കറിയായിരുന്നു തുടക്കം മുതലേ കഴിച്ചിരുന്നത്. ഉപ്പിലിട്ട മാങ്ങയും നെല്ലിക്കയുമൊക്കെ കഴിക്കുമായിരുന്നു.
കഴിക്കുന്നതെല്ലാം ഛര്ദ്ദിച്ച് പോവുന്ന അവസ്ഥയായിരുന്നു. ഗ്ലൂക്കോസായിരുന്നു കംഫര്ട്ട് ഫുഡ് എന്ന് പറയാം. വെള്ളം പോലും കുടിക്കാന് പറ്റാത്ത അവസ്ഥയായിരുന്നു. സ്പൂണില് ഇങ്ങനെ വെള്ളം കോരി വായില് ഒഴിച്ച് തരുമായിരുന്നു അമ്മ. പത്ത് മിനിറ്റ് കഴിയുമ്പോള് അതും ഞാന് ഛര്ദ്ദിക്കും. എന്നെ എടുത്തായിരുന്നു ആശുപത്രിയിലേക്ക് കൊണ്ടുപോയിരുന്നത്. രണ്ട് ഡ്രിപ്പ് എങ്കിലും വേണ്ടി വരുമായിരുന്നു. അടുത്ത ദിവസവും ഡ്രിപ്പ് വേണമെന്നുള്ളത് കൊണ്ട് കാനുല കൈയ്യില് തന്നെ വെക്കുമായിരുന്നു. അത് വെച്ചാണ് ഉറങ്ങുകയൊക്കെ ചെയ്തിരുന്നത്.
ഒരു ദിവസം 14 തവണയൊക്കെ ഛര്ദ്ദിക്കുമായിരുന്നു. ആഗ്രഹത്തോടെ കഴിക്കുന്നതെല്ലാം പുറത്തേക്ക് പോവുമായിരുന്നു. കൊഞ്ചും തൈരുമൊക്കെ കഴിച്ചതിന് ശേഷം ഛര്ദ്ദിച്ചപ്പോള് ഞാന് ശരിക്കും പാടുപെട്ടുപോയെന്നായിരുന്നു അശ്വിന് പറഞ്ഞത്. ആരെങ്കിലും ഛര്ദ്ദിക്കുന്നത് കണ്ടാല് എനിക്കും ടെന്ഡന്സി വരും. ടീഷര്ട്ട് വെച്ച് മൂക്ക് മറച്ചായിരുന്നു ഞാന് ദിയയുടെ കൂടെ നിന്നിരുന്നത്. മീനിന്റെ മണം പൊതുവെ എനിക്ക് ഇഷ്ടമല്ല, അതിനൊപ്പം ഛര്ദ്ദിയും കൂടെയായപ്പോള് ഞാന് ജീവിതം തന്നെ വെറുത്ത് പോയിരുന്നു. ഇനി ഇതൊക്കെ സഹിച്ചേ മതിയാവൂ എന്ന് അങ്ങനെയാണ് മനസിലാക്കിയതെന്നും അശ്വിന് പറഞ്ഞിരുന്നു.
പ്രഗ്നന്റാണെന്നറിഞ്ഞത് സിംപ്റ്റം വെച്ചൊന്നുമായിരുന്നില്ല. സെപ്റ്റംബറില് ഞാന് പ്രഗ്നന്സി കിറ്റ് മേടിച്ചിരുന്നു. നംവബറില് അമ്മയുടെ ബര്ത്ത് ഡേയുടെ അന്ന് വെറുതെ ടെസ്റ്റ് ചെയ്ത് നോക്കിയതാണ്. എപ്പോഴും വരുന്നത് പോലെ ഒരു വരയായിരിക്കുമെന്ന് കരുതി ഞാന് നോക്കിയിരുന്നില്ല. കുറേനേരം കഴിഞ്ഞ് നോക്കിയപ്പോള് രണ്ട് ലൈന് പോലെ കാണുന്നു. വലിയൊരു ലൈനും, ലൈറ്റായിട്ട് ചെറിയൊരു വരയുമുണ്ടായിരുന്നു. തന്വിയോട് സംശയം ചോദിച്ചപ്പോള് ഗേള് യൂ ആര് പ്രഗ്നന്റ് എന്നായിരുന്നു തന്വിയുടെ മറുപടി. പിന്നെയും കിറ്റുകള് വെച്ച് ഞങ്ങള് ടെസ്റ്റ് ചെയ്തിരുന്നു. രണ്ടുവര കണ്ടപ്പോള് ആദ്യം ഞെട്ടലായിരുന്നു ഞങ്ങള്ക്ക്, അത് ഉള്ക്കൊള്ളാന് പറ്റിയിരുന്നില്ലെന്നും ഇരുവരും പറയുന്നു.
ഇതിനകം തന്നെ ദിയയുടെ വീഡിയോ വൈറലായിക്കഴിഞ്ഞിട്ടുണ്ട്. നിരവധി പേരാണ് കമന്റുകളുമായെത്തിയിട്ടുള്ളത്. സമാനമായ അവസ്ഥയിലൂടെ കടന്നുപോയതിനെക്കുറിച്ചായിരുന്നു മിക്കവരും പറഞ്ഞത്. ഗർഭകാലത്ത് മണം പ്രശ്നമായി വരാറുണ്ട്. ഭർത്താവിന്റെ മണം വരെ പറ്റാതെയായിട്ടുണ്ടെന്നായിരുന്നു ചിലർ പറഞ്ഞത്. അതുപോലെ ഭക്ഷണ കാര്യങ്ങളിലും പ്രശ്നങ്ങൾ വരാറുണ്ട്. ഛർദ്ദി പിന്നെ ഇതിന്റെ ഭാഗമാണ്. തുടക്കത്തിലെ മൂന്ന് മാസം കഴിഞ്ഞാൽ ചിലർക്ക് ആശ്വാസം കാണും, പ്രസവ സമയം വരെ നീണ്ടുപോവുന്നതും ഉണ്ട്. ദിയയ്ക്ക് പെൺകുഞ്ഞായിരിക്കുമെന്നായിരുന്നു ചിലർ പറഞ്ഞത്. മറ്റ് ചിലരാവട്ടെ, ആൺകുഞ്ഞാണ് വരാൻ പോവുന്നതെന്നാണ് പറയുന്നത്.
content highlight: Aswin and Diya Krishna
