അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദുബൈ: ആഢംബര നൗക ഉടമകൾക്ക് ഗോൾഡൻ വിസ പ്രഖ്യാപിച്ച് ദുബൈ. ജനറല്‍ ഡയറക്ടറേറ്റ് ഓഫ് റെസിഡന്‍സി ആന്‍ഡ് ഫോറിനേഴ്സ് അഫയേഴ്സ് (ജിഡിആര്‍എഫ്എ) അധികൃതരാണ് ഇക്കാര്യം അറിയിച്ചത്. നേരത്തെ അബുദാബിയിലെ ആഢംബര നൗക ഉടമകള്‍ക്കും ഗോൾഡന്‍ വിസ അനുവദിച്ചിരുന്നു. ഈ മാസം 19ന് ആരംഭിക്കുന്ന ദുബൈ അന്താരാഷ്ട്ര ബോട്ട് ഷോക്ക് മുന്നോടിയായാണ് പ്രഖ്യാപനം. ഈ മാസം 19 മുതൽ 23 വരെയാണ് ദുബൈ അന്താരാഷ്ട്ര ബോട്ട് ഷോ.
അതേസമയം പരിസ്ഥിതി മേഖലയിൽ സുപ്രധാന സംഭാവനകൾ നൽകിയ വ്യക്തികൾക്ക് യുഎഇ ബ്ലൂ വിസ പ്രഖ്യാപിച്ചിരുന്നു. വേൾഡ് ഗവൺമെന്റ് സമ്മിറ്റിലാണ് ബ്ലൂ വിസയുടെ പ്രാരംഭ ഘട്ട പ്രഖ്യാപനം നടത്തിയത്. ഈ ഘട്ടത്തിൽ സുസ്ഥിരത ചിന്താഗതിയും നൂതനാശയവുമുള്ള 20 പേർക്കാണ് വിസ ലഭിക്കുന്നത്. കാലാവസ്ഥ വ്യതിയാന, പരിസ്ഥിതി മന്ത്രാലയം, ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട്സ് സെക്യൂരിറ്റി പ്രകാരമാണ് വിസ നൽകുന്നത്. രാജ്യത്തിനകത്തും പുറത്തും പരിസ്ഥിതി സംരക്ഷണം, സുസ്ഥിരത തുടങ്ങിയ വിഷയങ്ങളിൽ ഗണ്യമായ സംഭാവനകൾ നൽകിയ വ്യക്തികളെ ആദരിക്കുന്നതിനായാണ് 10 വർഷത്തെ ബ്ലൂ റസിഡൻസി വിസ യുഎഇ സർക്കാർ കൊണ്ടുവന്നത്.
പരിസ്ഥിതി പ്രവർത്തനങ്ങളെ പിന്തുണയ്ക്കുന്നവർ, അന്താരാഷ്ട്ര സംഘടനകളിലെ അംഗങ്ങൾ, അന്താരാഷ്ട്ര കമ്പനികൾ, അസോസിയേഷനുകളിലെയും സർക്കാരിതര സംഘടനകളിലെയും അംഗങ്ങൾ, ആഗോള അവാർഡ് ജേതാക്കൾ, പരിസ്ഥിതി പ്രവർത്തനങ്ങളിലെ വിശിഷ്ട പ്രവർത്തകർ, ഗവേഷകർ എന്നിവർക്കാണ് ഈ വിസ നൽകുന്നത്. ഗോൾഡൻ, ഗ്രീൻ വിസകളുടെ ഒരു വിപുലീകരണമാണ് ബ്ലൂ വിസ.
content highlight :dubai-announced-golden-visa-scheme-for-yacht-owners
