ഭ​ർ​ത്താ​വി​ന് പ്രാ​യ​പ​രി​ധി കഴിഞ്ഞുവെന്നതിൻറെ പേരിൽ​ ഭാ​ര്യ​ക്ക്​ കൃ​ത്രി​മ ഗ​ർ​ഭ​ധാ​ര​ണ ചി​കി​ത്സ നി​ഷേ​ധി​ക്കാ​നാ​വി​ല്ല;​ ഹൈക്കോ​ട​തി | High court

കൊ​ച്ചി: ഭ​ർ​ത്താ​വി​ന് നിശ്ചിത പ്രാ​യ​പ​രി​ധി കഴിഞ്ഞുവെന്നതിൻറെ പേരിൽ​ ഭാ​ര്യ​ക്ക്​ കൃ​ത്രി​മ ഗ​ർ​ഭ​ധാ​ര​ണ ചി​കി​ത്സ നി​ഷേ​ധി​ക്കാ​നാ​വി​ല്ലെ​ന്ന്​ ഹൈക്കോ​ട​തി. ഇത് വിവേചനമാണെന്ന് കോടതി വിലയിരുത്തി. ദ​മ്പ​തി​ക​ളെ ഒ​ന്നി​ച്ച്​ പ​രി​ഗ​ണി​ച്ച് പ്രാ​യം വി​ല​യി​രു​ത്തേ​ണ്ട​തി​ല്ലെന്നും ദ​മ്പ​തി​ക​ളി​ൽ ഒ​രാ​ളു​ടെ പ്രാ​യ​പ​രി​ധി​യു​ടെ പേ​രി​ൽ പ​ങ്കാ​ളി​ക്ക്​ അ​വ​സ​രം നി​ഷേ​ധി​ക്കു​ന്ന​ത്​ വി​വേ​ച​ന​മാ​ണെ​ന്നും ജ​സ്റ്റി​സ്​ സി ​എ​സ് ഡ​യ​സ്​ വ്യ​ക്ത​മാ​ക്കി.

മ​ല​പ്പു​റം സ്വ​ദേ​ശി​യാ​യ 46കാ​രി​ക്ക് ദാ​താ​വി​ന്റെ ബീ​ജ​കോ​ശ​ങ്ങ​ൾ ഉ​പ​യോ​ഗി​ച്ച്​ ഗ​ർ​ഭ​ധാ​ര​ണ ചി​കി​ത്സ തു​ട​രാ​ൻ കോടതി ഉ​ത്ത​ര​വി​ട്ടു. സ്വ​കാ​ര്യ ആ​ശു​പ​ത്രി ചി​കി​ത്സ നി​ഷേ​ധി​ച്ച​തി​നെ​തി​രെ യു​വ​തി ന​ൽ​കി​യ ഹ​ർജി​യാ​ണ്​ പ​രി​ഗ​ണി​ക്കുകയായിരുന്നു കോ​ട​തി. അ​സി​സ്റ്റ​ഡ് റീ​പ്രൊ​ഡ​ക്ടീ​വ് ടെ​ക്നോ​ള​ജി ആ​ക്ട് പ്ര​കാ​രം കൃ​ത്രി​മ ഗ​ർ​ഭ​ധാ​ര​ണ ചി​കി​ത്സ​ക്ക്​ നി​യ​മാ​നു​സൃ​ത പ്രാ​യ​പ​രി​ധി പു​രു​ഷ​ന് 55-ഉം ​സ്ത്രീ​ക്ക്​ 50-ഉം ​ആ​ണ്.

ഭ‌​ർ​ത്താ​വി​ന് 57 വ​യ​സ്സു​ണ്ടെ​ന്ന കാ​ര​ണ​ത്താ​ലാ​ണ് ഹർ​ജി​ക്കാ​രി​ക്ക് ചി​കി​ത്സ നി​ഷേ​ധി​ച്ച​ത്. എ​ന്നാ​ൽ, നി​യ​മ​വ്യ​വ​സ്ഥ​യി​ൽ പ​റ​യു​ന്ന പ്രാ​യ​നി​യ​ന്ത്ര​ണം വ്യ​ക്തി​യ​ധി​ഷ്ഠി​ത​മാ​ണെ​ന്ന് കോ​ട​തി വ്യ​ക്ത​മാ​ക്കി. വി​വാ​ഹ​ബ​ന്ധം നി​ല​വി​ലി​ല്ലാ​ത്ത​യാ​ൾ​ക്കും ചി​കി​ത്സ തേ​ടാം. നി​ശ്ചി​ത പ്രാ​യ​പ​രി​ധി​ക്ക് താ​ഴെ​യു​ള്ള ഹ​ർ​ജി​ക്കാ​രി​ക്ക് ചി​കി​ത്സ നി​ഷേ​ധി​ച്ച​ത് ജീ​വി​ക്കാ​നു​ള്ള അ​വ​കാ​ശ​ത്തി​ന്റെ ലം​ഘ​ന​മാ​ണ്. കു​ട്ടി​ക​ളി​ല്ലാ​ത്ത​വ​ർ​ക്ക് മാ​ത്ര​മേ അ​ത്ത​ര​ക്കാ​ർ ക​ട​ന്നു​പോ​കു​ന്ന വേ​ദ​ന​യു​ടെ തീ​വ്ര​ത മ​ന​സ്സി​ലാ​കൂ​വെ​ന്നും കോ​ട​തി ചൂണ്ടിക്കാട്ടി.