അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.അമ്മയെ കൊല്ലാന് ശ്രമിച്ച ശേഷം മകന് ജീവനൊടുക്കി. കൊല്ലം ജില്ലയിലെ ആയൂരിലാണ് സംഭവം. ഇളമാട് സ്വദേശി രഞ്ജിത്ത് ആണ് മരിച്ചത്. അമ്മ സുജാത തിരുവനന്തപുരം മെഡിക്കല് കോളേജ് ആശുപത്രിയില് ചികിത്സയിലാണ്. സുജാതയും രഞ്ജിത്തും ചേര്ന്ന് ജീവനൊടുക്കാന് തീരുമാനിക്കുകയായിരുന്നുവെന്നാണ് വിവരം.
കടുത്ത സാമ്പത്തിക ബാധ്യതയും സുജാതയുടെ പ്രമേഹരോഗവുമാണ് കാരണം. പഴുപ്പ് കയറിയതിനെ തുടര്ന്ന് സുജാതയുടെ കാല് മുറിച്ചുമാറ്റേണ്ടിവരുമെന്ന് ഡോക്ടര്മാര് പറഞ്ഞിരുന്നു. ഇതേത്തുടര്ന്ന് ഇരുവരും കടുത്ത മാനസിക സമ്മര്ദ്ദത്തിലായിരുന്നു. ഇരുവരും അമിതമായി ഗുളികകള് കഴിച്ചു. തുടര്ന്ന് രഞ്ജിത്ത് അമ്മ സുജാതയെ ഷാള് ഉപയോഗിച്ച് കഴുത്ത് മുറുക്കി. ഇതോടെ സുജാത ബോധരഹിതയായി വീണു. അമ്മ മരിച്ചുവെന്ന് കരുതിയ രഞ്ജിത്ത് പിന്നീട് സീലിങ് ഫാനില് തൂങ്ങി മരിക്കുകയായിരുന്നു.
വൈദ്യുതി ബില് അടയ്ക്കാത്തതിനെ തുടര്ന്ന് രാവിലെ ഫ്യൂസൂരാനായി കെഎസ്ഇബി ഉദ്യോഗസ്ഥര് ഇവരുടെ വീട്ടിലെത്തി. ഈ സമയത്ത് വെള്ളം വേണമെന്ന് ആവശ്യപ്പെട്ടുകൊണ്ടുള്ള സുജാതയുടെ ദയനീയമായ ശബ്ദമാണ് ഇവര് വീടിനകത്തുനിന്ന് കേട്ടത്. ഉടന് ഇവര് നാട്ടുകാരെ വിവരം അറിയിക്കുകയായിരുന്നു. തുടര്ന്ന് പോലീസും പഞ്ചായത്ത് അംഗങ്ങളും ചേര്ന്ന് വാതില് തുറന്ന് ഗുരുതരാവസ്ഥയില് കിടക്കുന്ന സുജാതയെ ആശുപത്രിയിലേക്ക് കൊണ്ടുപോകുകയായിരുന്നു.
STORY HIGHLIGHT: man attempted to kill mother
