അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.വഖഫ് നിയമം മുസ്ലീങ്ങള്ക്കെതിരല്ലെന്നും ഒരു വിഭാഗത്തെയും ലക്ഷ്യമിട്ടുള്ളതല്ലെന്നും കേന്ദ്രമന്ത്രി കിരണ് റിജിജു. മുസ്ലീങ്ങള്ക്കെതിരായ നീക്കമെന്ന് ചിലര് പ്രചരിപ്പിക്കുന്നുവെന്നും വര്ഷങ്ങളായുള്ള തെറ്റ് തിരുത്തുകയാണ് സര്ക്കാര് ചെയ്തതെന്നും കേന്ദ്രമന്ത്രി പറഞ്ഞു. സ്വന്തം ഭൂമിയുടെ ഉടമസ്ഥാവകാശം നടഷ്ടപ്പെട്ട ആയിരക്കണക്കിന് ജനങ്ങള്ക്ക് നീതി ലഭ്യമാക്കുകയാണ് ചെയ്തതെന്നും കിരണ് റിജിജു വ്യക്തമാക്കി.
മുനമ്പം പ്രശ്നം തന്നെ ആഴത്തില് അസ്വസ്ഥതപ്പെടുത്തിയെന്ന് പറഞ്ഞ അദ്ദേഹം ഉത്തരവാദിത്തപ്പെട്ട സര്ക്കാര് എന്ന നിലയിലാണ് നിര്ണായക നടപടി സ്വീകരിച്ചതെന്നും അദ്ദേഹം വ്യക്തമാക്കി. നിയമഭേദഗതിയിലൂടെ 40 ആം വകുപ്പ് ഇല്ലാതാക്കി. വിശദമായ ചര്ച്ചയ്ക്ക് ശേഷമാണ് ബില് അവതരിപ്പിച്ചത്. മുനമ്പത്തേതുപോലെ പ്രശ്നം ഇനി ആവര്ത്തിക്കില്ല. ഇനി വാക്കാല് പ്രഖ്യാപിച്ചാല് വഖഫ് ഭൂമിയാകില്ല. പകരം രേഖ വേണമെന്ന് അദ്ദേഹം പറഞ്ഞു.
നിയമ ഭേദഗതി വന്നില്ലെങ്കില് ഏത് ഭൂമിയും വഖഫ് ഭൂമിയാകുന്ന അവസ്ഥയുണ്ടായിരുന്നുവെന്നും അദ്ദേഹം പറഞ്ഞു. മുനമ്പത്തുണ്ടായ സംഭവം ഇനി രാജ്യത്തെവിടെയും ആവര്ത്തിക്കില്ലെന്നും അദ്ദേഹം വ്യക്തമാക്കി. മുനമ്പത്തെ ഭൂമി കൈമാറ്റം ചെയ്യപ്പെട്ടു. ഇത് വഖഫിന് എതിരാണ്. ഹൈക്കോടതി ഉത്തരവിനെതിരെ പുതിയ നിയമ പ്രകാരം സുപ്രീംകോടതിയെ സമീപിക്കാം. സംസ്ഥാന സര്ക്കാര് തുടര് നടപടി സ്വീകരിക്കണം. എറണാകുളം കലക്ടര് മുനമ്പം രേഖകള് പുന:പരിശോധിക്കണമെന്നും കേന്ദ്രമന്ത്രി പറഞ്ഞു.
സര്ക്കാര് ഇതിന് നിര്ദേശിക്കണം. മുനമ്പത് യുഡിഎഫും എല്ഡിഎഫും വോട്ട് ബാങ്ക് രാഷ്ട്രീയം കളിക്കരുത്. മുസ്ലീം വിഭാഗക്കാര് കോണ്ഗ്രസിന്റെയും കമ്മ്യൂണിസ്റ്റിന്റെയും വോട്ട് ബാങ്ക് ആകരുത്. ബിജെപിയുടെ പേരു പറഞ്ഞ് ഭയപ്പെടുത്താന് ശ്രമിക്കുന്നു. കേരള ജനതയെ എത്രകാലം തെറ്റിദ്ധരിപ്പിക്കാനാകുമെന്ന് അദ്ദേഹം കൂട്ടിച്ചേർത്തു.
