അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കേരള ലോകായുക്ത തൃശൂര്‍ രാമനിലയം ഗവണ്മെന്റ് ഗസ്റ്റ് ഹൗസില്‍ രണ്ടു ദിവസങ്ങളില്‍ ക്യാമ്പ് സിറ്റിംഗ് നടത്തി. ലോകായുക്ത ജസ്റ്റിസ് എന്‍. അനില്‍ കുമാര്‍, ഉപ ലോകായുക്ത ജസ്റ്റിസ് അശോക് മേനോന്‍ എന്നിവര്‍ ഉള്‍പ്പെട്ട ഡിവിഷന്‍ ബെഞ്ച് പുതിയ 4 പരാതികള്‍ ഉള്‍പ്പെടെ 11 കേസുകള്‍ പരിഗണിച്ചു. കൊച്ചി അന്താരാഷ്ട്ര വിമാനത്താവളത്തോട് ചേര്‍ന്നുള്ള പുറമ്പോക്ക് ഭൂമിയില്‍ നിന്നും കയ്യേറ്റക്കാരെ ഒഴിപ്പിക്കുന്നതിനു ചില ഉദ്യോഗസ്ഥര്‍ നടപടി സ്വീകരിക്കുന്നില്ല എന്ന് ആരോപിച്ചും ഇറിഗേഷന്‍ പദ്ധതികള്‍ പൂര്‍ത്തീകരിച്ചു കര്‍ഷകര്‍ക്ക്
പ്രയോജനപ്രദമാക്കാന്‍ നിര്‍ദേശം നല്‍കണം എന്നു ആവശ്യപ്പെട്ടും ജിപ്പുവര്‍ക്കി എന്ന വ്യക്തി ഫയല്‍ ചെയ്ത പരാതിയില്‍ നിജസ്ഥിതി അന്വേഷിച്ചു റിപ്പോര്‍ട്ട് സമര്‍പ്പിക്കുന്നതിന് ലോകായുക്ത ഇന്‍വെസ്റ്റിഗേഷന്‍ ഏജന്‍സിയിലെ പോലീസ് സൂപ്രണ്ടിനെ ചുമതലപ്പെടുത്തി. മറ്റൊരു പരാതിയില്‍ ഫാമിലി പെന്‍ഷന്‍ കുടിശിക തുക വിതരണം ചെയ്യാത്തതിന് കാരണം വെളിപ്പെടുത്തുന്നതിന് വാട്ടര്‍ അതോറിറ്റി മാനേജിങ് ഡയറക്ടര്‍/ ചുമതലപ്പെടുത്തിയ പ്രതിനിനിധി 20/08/25 ന് നേരിട്ട് ഹാജരാകുന്നതിനു ഡിവിഷന്‍ ബെഞ്ച് നിര്‍ദ്ദേശിച്ചു. ഉപ
ലോകായുക്ത ജസ്റ്റിസ് അശോക് മേനോന്‍ നടത്തിയ സിംഗിള്‍ ബെഞ്ച് സിറ്റിങ്ങില്‍ പുതിയ 10 കേസുകള്‍ ഉള്‍പ്പെടെ 192 കേസുകള്‍ പരിഗണിച്ചു. 91 കേസുകള്‍ ഉത്തരവിനായി മാറ്റി. നിക്ഷേപ തുക തിരികെ നല്‍കാത്തതില്‍ ദുര്‍ഭരണവും കെടുകാര്യസ്ഥതയും ആരോപിച്ചു വി. കെ. കൃഷ്ണ മൂര്‍ത്തി എന്ന വ്യക്തി പെരുമ്പാവൂര്‍ അര്‍ബന്‍ സഹകരണബാങ്കിനെതിരെ ഫയല്‍ ചെയ്ത പരാതിയില്‍ അന്വേഷണം നടത്തി റിപ്പോര്‍ട്ട് സമര്‍പ്പിക്കുവാന്‍ ലോകായുക്ത ഇന്‍വെസ്റ്റിഗേറ്റിംഗ് ഏജന്‍സിയിലെ പോലീസ് സൂപ്രണ്ടിനെ ചുമതലപ്പെടുത്തി.
ലോകായുക്തയുടെ തൃശ്ശൂരിലെ അടുത്ത ക്യാമ്പ് സിറ്റിംഗ് 19, 20 തീയതികളില്‍ ആയിരിക്കും. മറ്റന്നാള്‍ (19-06-2025) രാവിലെ 10.30 നു കോട്ടയം പി. ഡബ്ല്യൂ. ഡി. റസ്റ്റ് ഹൗസില്‍ വച്ചു ലോകായുക്ത ക്യാമ്പ് സിറ്റിംഗ് നടത്തും. പുതിയ പരാതികള്‍ സ്വീകരിക്കുന്നതാണ്. സര്‍ക്കാര്‍ ഉദ്യോഗസ്ഥര്‍ ഉള്‍പ്പെടെയുള്ള പൊതുപ്രവര്‍ത്തകര്‍ക്കെതിരെയുള്ള പരാതികള്‍ ആണ് കേരള ലോകായുക്ത അന്വേഷിക്കുന്നത്.സര്‍ക്കാര്‍ ഉദ്യോഗസ്ഥര്‍ ഫയലുകളില്‍ തീരുമാനം എടുക്കാതെ വൈകിപ്പിക്കുന്നതും ഇതില്‍ ഉള്‍പ്പെടും. കേരള ലോകായുക്തയില്‍ കേസുകള്‍ ഫയല്‍ ചെയ്യുന്നതിനുള്ള നടപടിക്രമങ്ങള്‍ ലളിതമാക്കിയിട്ടുണ്ട്.
മാത്രമല്ല, ഫയലിങ്ങിനു കക്ഷികളെ സഹായിക്കുന്നതിനായി ഹെല്‍പ് ഡെസ്‌ക് സംവിധാനവും ഏര്‍പ്പെടുത്തി. പരാതി ഫോം www.lokayuktakerala.com എന്ന ഔദ്യോഗിക വെബ്‌സൈറ്റില്‍ നിന്നും ഡൗണ്‍ലോഡ് ചെയ്തു ഉപയോഗിക്കാവന്നതാണ്. പരാതികള്‍ നിയമസഭാസമുച്ചയത്തിലെ ലോകായുക്തയുടെ ഓഫീസില്‍ നേരിട്ട് ഫയല്‍ ചെയ്യുകയോ, തപാല്‍ വഴി അയച്ചു നല്‍കുകയോ ചെയ്യാവുന്നതാണ്. കൂടുതല്‍ വിവരങ്ങള്‍ക്ക് വിളിക്കുക. 04712300362,2300495
CONTENT HIGH LIGFHTS; Lokayukta conducted a camp sit-in in Thrissur: 11 cases, including 4 complaints, were considered
