അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.രാവിലെ ചപ്പാത്തി ഉണ്ടാക്കാത്തവരായി ആരും തന്നെ ഉണ്ടാവില്ല. കുട്ടികളുടെ സ്നാക്സ് ബോക്സ് കൂടി റെഡിയാക്കി നൽകാൻ പറ്റിയ ഒരു കിടിലൻ ഐറ്റം ചപ്പാത്തി റോള്‍ എങ്ങനെ തയ്യാറാകാകാം എന്ന് നോക്കിയാലോ.
ചേരുവകൾ
ചപ്പാത്തി – 3 എണ്ണം
മുട്ട- 2 എണ്ണം
മുളകുപൊടി – 1/2 സ്പൂൺ
സവാള – 2 എണ്ണം
ക്യാരറ്റ് -1 എണ്ണം
ക്യാപ്സിക്കം -1 എണ്ണം
ഉപ്പ് -1/2 സ്പൂൺ
മഞ്ഞൾ പൊടി -1/4 സ്പൂൺ
മുളകുപൊടി -1/4 സ്പൂൺ
കുരുമുളക് പൊടി -1/2 സ്പൂൺ
എണ്ണ -3 സ്പൂൺ
മല്ലിയില -2 സ്പൂൺ
തയ്യാറാക്കുന്ന വിധം
ആദ്യം ഒരു പാൻ വച്ചു ചൂടാകുമ്പോൾ അതിൽ എണ്ണ ഒഴിച്ച് കുറച്ച് പച്ചമുളക്, ക്യാരറ്റ്, സവാള, ക്യാപ്സിക്കം എന്നിവ ചേർത്ത് നല്ലതുപോലെ വഴറ്റിയെടുക്കുക. ശേഷം ഇതിലേയ്ക്ക് കുറച്ചു ചുവന്ന മുളക് ചതച്ചതും, കുരുമുളകുപൊടിയും ചേർത്ത് നന്നായിട്ട് മിക്സ് ചെയ്ത് യോജിപ്പിച്ചതിനുശേഷം ആവശ്യത്തിന് മല്ലിയില ചേർത്ത് മുട്ട പൊട്ടിച്ചൊഴിച്ച് കൊടുക്കുക. അതിനുശേഷം നല്ലതുപോലെ ഇളക്കി യോജിപ്പിച്ചതിന് ശേഷം ആവശ്യത്തിനു ഉപ്പും ചേർത്ത് എടുക്കുക. ഇതൊരു എഗ്ഗ് ബുർജി പോലെയാക്കി എടുത്തതിനുശേഷം ചപ്പാത്തിയുടെ ഉള്ളിലേയ്ക്ക് ഇതൊന്ന് നിറച്ച് കൊടുത്ത് ഒന്ന് റോൾ ചെയ്ത് കട്ട് ചെയ്തെടുക്കാം.
STORY HIGHLIGHT: chappathy roll
