അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ലഖ്നൗ: ഉത്തര്‍പ്രദേശില്‍ പ്രണയബന്ധത്തിന്റെ പേരില്‍ മകളെയും കാമുകനെയും അച്ഛന്‍ മണ്‍വെട്ടി കൊണ്ട് അടിച്ചുകൊന്നു. രക്തപ്പാടുകള്‍ നിറഞ്ഞ ആയുധവുമായി അച്ഛന്‍ സ്റ്റേഷനിലെത്തി കീഴടങ്ങി. ഒറ്റനോട്ടത്തില്‍ കൊലപാതകം ഭുരഭിമാനക്കൊലയാണെന്നാണ് പൊലീസിന്റെ നിഗമനം.
ബുദൗന്‍ പരൗളി ഗ്രാമത്തില്‍ ഇന്ന് ( ചൊവ്വാഴ്ച) പുലര്‍ച്ചെ 4.30 ഓടേയാണ് സംഭവം. 20കാരനായ സച്ചിനും 20കാരിയായ നീതുവുമാണ് മരിച്ചത്. രണ്ടുവര്‍ഷമായി ഇവര്‍ ഇഷ്ടത്തിലായിരുന്നു. ഇവരുടെ പ്രണയത്തെ നീതുവിന്റെ കുടുംബം എതിര്‍ത്തിരുന്നു. ഇവരുടെ ബന്ധം തടയാന്‍ കുടുംബാംഗങ്ങള്‍ ഒരുപാട് ശ്രമങ്ങള്‍ നടത്തിയിരുന്നുവെങ്കിലും വിജയിച്ചിരുന്നില്ല.
നീതുവിന്റെ വീടിന്റെ വാതിലില്‍ ഇരുവരും ഒരുമിച്ച്‌ ഇരിക്കുന്നത് കണ്ടതാണ് പ്രകോപനത്തിന് കാരണം. കുടുംബം ഒന്നടങ്കമാണ് സച്ചിനെയും നീതുവിനെയും ആക്രമിച്ചത്. തുടര്‍ന്ന് നീതുവിന്റെ അച്ഛന്‍ മഹേഷ് ഇരുവരെയും മണ്‍വെട്ടി കൊണ്ട് അടിച്ച്‌ കൊല്ലുകയായിരുന്നുവെന്ന് പൊലീസ് പറയുന്നു.
Read more : കോട്ടയത്ത് ഗൃഹനാഥനെയും കുടുംബത്തെയും ആക്രമിച്ച്‌ കൊലപ്പെടുത്താൻ ശ്രമിച്ച മൂന്ന് പേർ അറസ്റ്റില്‍
സംഭവത്തിന് ശേഷം മറ്റ് കുടുംബാംഗങ്ങള്‍ ഒളിവില്‍ പോയി. മഹേഷ് ആയുധവുമായി സ്‌റ്റേഷനില്‍ എത്തി കീഴടങ്ങുകയായിരുന്നു. സംഭവത്തില്‍ കേസെടുത്ത പൊലീസ് അന്വേഷണം ആരംഭിച്ചു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
