അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കഴിഞ്ഞ ദിവസം അന്തരിച്ച ‘ദംഗൽ’ താരം സുഹാനി ഭട്‌നഗറിൻ്റെ കുടുംബത്തെ സന്ദർശിച്ചു നടൻ ആമിർ ഖാൻ. സുഹാനിയുടെ ഫരീദാബാദിലെ വീട്ടിലെത്തിയാണ് ആമിർ മാതാപിതാക്കളെ കണ്ടത്. ‘ദംഗലി’ൽ ആമിറിന്റെ മകളായാണ് സുഹാനി അഭിനയിച്ചത്. അപൂർവ രോഗമായ ഡെർമറ്റോമയോസിറ്റിസ് ബാധിച്ചാണ് സുഹാനി മരിക്കുന്നത്.
മാതാപിതാക്കൾക്കും കുടുംബത്തിലെ മറ്റ് അംഗങ്ങൾക്കുമൊപ്പം സുഹാനിയുടെ ഫ്രെയിം ചെയ്ത ചിത്രത്തിന് സമീപം ആമിർ നിൽക്കുന്നത് സമൂഹമാധ്യമങ്ങളിൽ പോസ്റ്റ് ചെയ്തിരുന്നു . മഹാവീർ സിംഗ് ഫോഗട്ടായി ആമിർ വേഷമിട്ടപ്പോൾ, ഗുസ്തി താരം ബബിത ഫോഗട്ടിൻ്റെ ഇളയ വേഷമാണ് സുഹാനി ‘ദംഗലി’ൽ അവതരിപ്പിച്ചത്.
#AamirKhan visits late #SuhaniBhatnagar‘s parents in Faridabad. I can’t believe they are smiling after mourning a death 😒 pic.twitter.com/CMHcWzSapw
— $@M (@SAMTHEBESTEST_) February 23, 2024
ഡൽഹിയിലെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ (എയിംസ്) അപൂർവ കോശജ്വലന രോഗമായ ഡെർമറ്റോമയോസിറ്റിസിന് ചികിത്സയിലായിരുന്നു സുഹാനി. രണ്ട് മാസം മുമ്പാണ് ഇടതുകൈയിൽ വീക്കത്തോടെ ലക്ഷണങ്ങൾ കണ്ടുതുടങ്ങിയതെന്ന് സുഹാനിയുടെ അമ്മ പറഞ്ഞിരുന്നു.
മകളുടെ വിയോഗം ഇതുവരെയായിട്ടും ഉൾകൊള്ളാൻ തനിക്ക് കഴിഞ്ഞിട്ടില്ലെന്ന് സുഹാനിയുടെ അമ്മ പൂജ ഭട്‌നാഗർ ഒരു പ്രമുഖ ഇന്ത്യൻ മാധ്യമത്തോട് വെളിപ്പെടുത്തിയിരുന്നു.
ആമിർ എങ്ങനെയാണ് കുടുംബവുമായി ബന്ധം പുലർത്തിയതെന്നും ഇറാ ഖാൻ്റെ വിവാഹത്തിന് അവരെ ക്ഷണിച്ച കാര്യങ്ങളെക്കുറിച്ചെല്ലാം അവർ പറഞ്ഞു.
“ആമിർ സാർ എപ്പോഴും സുഹാനിയുമായി സംസാരിച്ചിരുന്നു. സർ നല്ലൊരു വ്യക്തിയാണ്. ഞങ്ങൾ അവളുടെ രോഗം അറിഞ്ഞത് മുതൽ വളരെ അസ്വസ്ഥരായതിനാൽ സുഹാനിയുടെ രോഗത്തെക്കുറിച്ച് ഞങ്ങൾ ആമിറിനെ അറിയിച്ചിരുന്നില്ല.
ഞങ്ങൾ അത് സ്വയം മാറച്ചുവെച്ചു , ആരോടും പറഞ്ഞില്ല. ഞങ്ങൾ സാറിനെ അറിയിച്ചിരുന്നെങ്കിൽ അപ്പോൾ തന്നെ മറുപടി പറയുകയും ഞങ്ങളെ നേരിട്ട് വിളിക്കുകയും ചെയ്യുമായിരുന്നു.അദ്ദേഹത്തിന് സുഹാനിയെ പരിചയപ്പെട്ട കാലം മുതലേ അവളെ കാര്യമായിരുന്നു.
മകളുടെ വിവാഹത്തിന് ഈയടുത്ത് ഞങ്ങൾക്ക് ക്ഷണം ലഭിച്ചിരുന്നു”. സുഹാനിയുടെ അമ്മ പറഞ്ഞു.
Read More…..
- ചൂട് കാലം:ഷുഗറുള്ളവർക്ക് കരിക്കിൻ വെള്ളം കുടിക്കാമോ?
- ചൂടത്ത് ഇവ ഉറപ്പായും ശ്രദ്ധിക്കണം; ചൂട് കാലത്തെ എങ്ങനെ നേരിടാം?
- ‘പുകവലിക്കുന്നത് മകൾ കാണരുതെന്ന നിർബന്ധം ഉണ്ടായിരുന്നു: അതുകൊണ്ട് ആ തീരുമാനം എടുത്തു’: വെളിപ്പെടുത്തലുമായി ഷാഹിദ് കപൂർ| Shahid Kapoor
- ‘ടൊവിനോ കമ്മന്റിടാതെ പരീക്ഷയ്ക്ക് പഠിക്കില്ല’: ‘പോയിരുന്നു പഠിക്ക് മോനെ’ എന്ന മറുപടിയുമായി താരം| Tovino Thomas commented on a viral video
- വ്യാജ മരണവാർത്തയ്‌ക്ക്‌ ശേഷം ആദ്യമായി പൊതു ഇടത്തിൽ പ്രത്യക്ഷപ്പെട്ടു നടി പൂനം പാണ്ഡെ| Poonam Pandey Video
ഇറയുടെ വിവാഹത്തിൽ പങ്കെടുക്കാൻ കഴിയാത്തത് എന്തുകൊണ്ടാണെന്ന് വെളിപ്പെടുത്തിയ പൂജ പറഞ്ഞു, “അന്ന് സുഹാനിക്ക് ഒടിവുണ്ടായി സുഖം പ്രാപിച്ചു വരികയായിരുന്നു, യാത്ര ചെയ്യാൻ കഴിഞ്ഞില്ല.”
ശനിയാഴ്ച സുഹാനിയുടെ അകാല വിയോഗത്തെക്കുറിച്ചുള്ള വാർത്ത ലഭിച്ചതിന് ശേഷം, ആമിർ ഖാൻ പ്രൊഡക്ഷൻസ് അവരുടെ എക്സ് ഹാൻഡിൽ ഹൃദയസ്പർശിയായ ഒരു കുറിപ്പ് എഴുതി.
“ഞങ്ങളുടെ സുഹാനിയുടെ മരണവാർത്ത കേൾക്കുന്നതിൽ ഞങ്ങൾക്ക് അതിയായ ദുഃഖമുണ്ട്. അവളുടെ അമ്മ പൂജാജിക്കും മുഴുവൻ കുടുംബത്തിനും ഞങ്ങളുടെ ഹൃദയംഗമമായ അനുശോചനം അറിയിക്കുന്നു.
ഇത്രയും കഴിവുള്ള ഒരു പെൺകുട്ടി, അത്തരമൊരു ടീം കളിക്കാരൻ, സുഹാനി ഇല്ലായിരുന്നുവെങ്കിൽ ദംഗൽ അപൂർണ്ണമായേനെ. സുഹാനി, നീ എന്നും ഉണ്ടാകും. ഞങ്ങളുടെ ഹൃദയത്തിൽ ഒരു നക്ഷത്രമായി നിലനിൽക്കൂ, നീ സമാധാനത്തോടെ വിശ്രമിക്കു”.
ശനിയാഴ്ച സുഹാനിയുടെ അകാല വിയോഗത്തെക്കുറിച്ചുള്ള വാർത്ത അറിയിച്ചതിനു ശേഷം ആമിർ ഖാൻ പ്രൊഡക്ഷൻസ് അവരുടെ എക്‌സിൽ ഒരു കുറിപ്പ് പോസ്റ്റ് ചെയ്തു.
