അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചിദംബരത്തിന്റെ സംവിധാന മികവിൽ ഒരുങ്ങിയ ‘മഞ്ഞുമ്മൽ ബോയ്സ്’ തിയറ്ററുകളിൽ വൻ വിജയത്തോടെ മുന്നേറുകയാണ്. വലിയ രീതിയിലുള്ള പ്രേക്ഷക പ്രതികരണങ്ങളാണ് ചിത്രത്തിന് ലഭിച്ചുകൊണ്ടിരിക്കുന്നത്.
ഇപ്പോഴിതാ ചിത്രത്തെ പ്രശംസിച്ച് നടനും തമിഴ്നാട് മന്ത്രിയുമായ ഉദയനിധി സ്റ്റാലിൻ. ‘മഞ്ഞുമ്മൽ ബോയ്സ്’ എന്ന ചിത്രം ആരും കാണാതിരിക്കരുതെന്ന് ഉദയനിധി പറഞ്ഞു. എക്സിലൂടെയായിരുന്നു താരം പ്രതികരണം അറിയിച്ചത്.
Watched #ManjummelBoys 👍🏽👍🏽 ! Just WOW! Don’t miss it ! Congratz to the team ! @GokulamMovies
— Udhay (@Udhaystalin) February 25, 2024
ചിത്രത്തിന്റെ അണിയറപ്രവർത്തകരെ അഭിനന്ദിക്കാനും ഉദയനിധി സ്റ്റാലിൻ മറന്നില്ല. വിതരണക്കാരായ ഗോകുലം മൂവിസിനേയും അദ്ദേഹം പോസ്റ്റിൽ മെൻഷൻ ചെയ്തിട്ടുണ്ട്. നടന് നന്ദിയറിയിച്ചുകൊണ്ട് മഞ്ഞുമ്മൽ ടീമും എത്തിയിട്ടുണ്ട്.
കേരളത്തിലും തമിഴ്നാട്ടിലും ഉൾപ്പടെ മികച്ച പ്രതികരണമാണ് ചിത്രത്തിന് ലഭിക്കുന്നത്. ഫെബ്രുവരി 22-ന് തിയേറ്ററുകളിലെത്തിയ ചിത്രം ‘ഗുണാ കേവ്സ്’ ഉം അതിനോടനുബന്ധിച്ച് നടന്ന യഥാർഥ സംഭവത്തെയും ആസ്പദമാക്കി ഒരുക്കിയ ഒരു സർവൈവൽ ത്രില്ലറാണ്.
Read More……
- സമീറ റെഡ്ഡിയുടെ ജീവിതം മാറ്റിമറിച്ച പങ്കജ് ഉധാസ്
- ഗൗതം വാസുദേവ് മേനോൻ്റെ പോസ്റ്ററുമായി ബസൂക്ക| Bazooka with Gautham Vasudev Menon’s poster
- അശോക് സെല്‍വന്റെ ‘ബ്ല്യൂ സ്റ്റാര്‍’, എമ്മ സ്‌റ്റോണിന്റെ ‘പുവര്‍ തിങ്‌സ്’; ഈ ആഴ്ചയിലെ ഒടിടി റിലീസുകള്‍
- ബോളിവുഡ് ചിത്രം ‘ആർട്ടിക്കിൾ 370’ ന് ഗൾഫ് രാജ്യങ്ങളിൽ വിലക്ക്| Article 370 banned in all Gulf countries
- കൊളസ്‌ട്രോൾ കുറയ്ക്കാൻ ഇനി മരുന്ന് കഴിക്കണ്ട: ദിവസവും ഈ ഔഷധ ചായ കുടിച്ചാൽ മതി
സൗബിൻ ഷാഹിർ, ശ്രീനാഥ് ഭാസി, ബാലു വർഗീസ്, ഗണപതി, ലാൽ ജൂനിയർ, ചന്തു സലീംകുമാർ, അഭിറാം രാധാകൃഷ്ണൻ, ദീപക് പറമ്പോൽ, ഖാലിദ് റഹ്‌മാൻ, അരുൺ കുര്യൻ, വിഷ്ണു രഘു തുടങ്ങിയവർ കേന്ദ്ര കഥാപാത്രങ്ങളെ അവതരിപ്പിക്കുന്ന ‘മഞ്ഞുമ്മൽ ബോയ്സ്’ കേരളത്തിലും തമിഴ്‌നാട്ടിലുമായാണ് ചിത്രികരിച്ചത്.
പറവ ഫിലിംസും ശ്രീ ഗോകുലം മൂവിസും ചേർന്ന് പ്രേക്ഷകർക്ക് മുന്നിലെത്തിക്കുന്ന ചിത്രത്തിന്റെ വേൾഡ് വൈഡ് ഡിസ്ട്രിബ്യുഷൻ ശ്രീ ഗോകുലം മൂവിസിന് വേണ്ടി ഡ്രീം ബിഗ് ഫിലിംസാണ് നിർവഹിക്കുന്നത്.
ബാബു ഷാഹിർ, സൗബിൻ ഷാഹിർ, ഷോൺ ആന്റണി എന്നിവരാണ് നിർമ്മാതാക്കൾ.
