അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂ ഡല്‍ഹി : യു.ജി.സി ചട്ടങ്ങള്‍ ബാധകമായ സര്‍വകലാശാലകളില്‍ സ്ഥിരം അധ്യാപക തസ്തികകളില്‍ കരാര്‍ നിയമനം നടത്തുന്നതിനെതിരെ സമര്‍പ്പിച്ച ഹരജിയില്‍ ഡല്‍ഹി ഹൈകോടതി നോട്ടീസ്.
ഡല്‍ഹി സര്‍വകലാശാല അടക്കമുള്ള രാജ്യത്തെ സര്‍വകലശാലകളില്‍ അധ്യാപക തസ്തികകളില്‍ സ്ഥിര നിയമനം നടത്താതെ താല്‍ക്കാലികമായും കരാര്‍ അടിസ്ഥാനത്തിലും ഗെസ്റ്റ് ലെക്ചറര്‍ നിയമനം നടത്തുന്നത് തടയണമെന്ന് ആവശ്യപ്പെട്ട ഹരജിയിലാണ് ജസ്റ്റിസ് സുബ്രഹ്മണ്യം പ്രസാദിന്റെ ബെഞ്ച് യു.ജി.സി അടക്കമുള്ള എതിര്‍ക്ഷികള്‍ക്ക് നോട്ടീസ് അയച്ചത്.
അധ്യാപകരുടെയും അക്കാമിക സ്റ്റാഫിന്റെയും നിയമന യോഗ്യത സംബന്ധിച്ച 2018ലെ യു.ജി.സി നിയന്ത്രണങ്ങളിലെ 13ാം വ്യവസ്ഥ കര്‍ശനമായി പാലിക്കണമെന്ന് സീരവ് നാരായണൻ സമര്‍പ്പിച്ച ഹരജിയില്‍ ബോധിപ്പിച്ചു. തീര്‍ത്തും അനിവാര്യമായ ഘട്ടത്തിലല്ലാതെ സ്ഥിരം തസ്തികകളില്‍ താല്‍ക്കാലിക അധ്യാപകരെ നിയമിക്കാനാവില്ലെന്ന് ഹരജിക്കാരൻ ചൂണ്ടിക്കാട്ടി. താല്‍ക്കാലിക നിയമനം 10 ശതമാനം തസ്തികകളില്‍ കവിയരുത് എന്ന നിര്‍ദേശവും പാലിക്കപ്പെടുന്നില്ല. ഡല്‍ഹി സര്‍വകലാശാലയില്‍ ആകെയുള്ള 287 നിയമ അധ്യാപക തസ്തികകളില്‍ 129 പേരെ മാത്രമാണ് സ്ഥിരമായി നിയമിച്ചതെന്ന് ഹരജിയിലുണ്ട്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
