അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊൽക്കത്ത: പശ്ചിമ ബംഗാളിലെ കോൺഗ്രസ് നേതാവ് കൗസ്താവ് ബാഗ്ചി പാർട്ടിയിൽ നിന്ന് രാജിവെച്ചു. വരുന്ന ലോക്‌സഭാ തിരഞ്ഞെടുപ്പിന് മുന്നോടിയായി കൗസ്താവ് ബാഗ്ചി ബിജെപിയിൽ ചേരുമെന്ന അഭ്യൂഹങ്ങൾ ശക്തമാണ്. കഴിഞ്ഞ വർഷം പശ്ചിമ ബംഗാൾ മുഖ്യമന്ത്രി മമത ബാനർജിക്കെതിരെ നടത്തിയ പരാമർശങ്ങളുടെ പേരിൽ അഭിഭാഷകൻകൂടിയായ കൗസ്താവിനെ പൊലീസ് അറസ്റ്റ് ചെയ്തിരുന്നു.
പിന്നീട് തല മൊട്ടയടിക്കുകയും സംസ്ഥാനത്ത് തൃണമൂൽ സർക്കാർ അധികാരത്തിൽ തുടരുന്നത് വരെ അങ്ങനെതന്നെ പോകുമെന്നും പ്രഖ്യാപിച്ചിരുന്നു. കോൺഗ്രസ് ഹൈക്കമാൻഡിനും പശ്ചിമ ബംഗാൾ പ്രദേശ് കോൺഗ്രസ് കമ്മിറ്റി (ഡബ്ല്യുബിപിസിസി) പ്രസിഡൻ്റായ അധിർ രഞ്ജൻ ചൗധരിക്കും രാജിക്കത്ത് നൽകി. ഒരു രാഷ്ട്രീയ പാർട്ടിയെന്ന നിലയിൽ കോൺഗ്രസിന്റെ വിശ്വാസ്യത നഷ്ടപ്പെട്ടതായി ബാഗ്ചി രാജിക്കത്തിൽ പറഞ്ഞു.
Read more :
- 2026ലെ തിരഞ്ഞെടുപ്പിന് കുറച്ച് മുസ്ലീം എംഎൽഎമാർ മാത്രമേ കോൺഗ്രസിൽ കാണൂ : ഹിമന്ത ബിശ്വ ശർമ്മ
- മാട്രിമോണിയൽ സൈറ്റിലൂടെ വിവാഹത്തട്ടിപ്പ് : യുവതിക്ക് നഷ്ടമായത് 9.98 ലക്ഷം രൂപ
- ഗുജറാത്ത് തീരത്ത് വന്‍ ലഹരിവേട്ട; 3300 കിലോ മയക്കുമരുന്നുമായി അഞ്ച് പാക് പൗരന്മാര്‍ പിടിയില്‍
- തിരഞ്ഞെടുപ്പ് ചട്ടലംഘനക്കേസിൽ മുൻ എംപി ജയപ്രദയോട് മാർച്ച് ആറിനകം ഹാജരാകാൻ കോടതി
- ഇന്ത്യയിൽ പോയ വർഷം ഉണ്ടായ വിദ്വേഷ പ്രസംഗങ്ങളുടെ 75 ശതമാനവും ബിജെപി ഭരിക്കുന്ന സംസ്ഥാനങ്ങളിൽ: റിപ്പോർട്ട്
‘ഞാൻ പാർട്ടിയിൽ നിന്ന് രാജിവെച്ചു. എൻ്റെ പ്രാഥമിക അംഗത്വം ഉപേക്ഷിച്ചു. ഹൈക്കമാൻഡിനെയും സംസ്ഥാന കോൺഗ്രസ് നേതൃത്വത്തെയും തീരുമാനം അറിയിച്ചിട്ടുണ്ട്. പാർട്ടിക്ക് വിശ്വാസ്യത നഷ്ടപ്പെട്ടു. സംസ്ഥാന പാർട്ടി ഘടകത്തെ ശക്തിപ്പെടുത്തുന്നതിനേക്കാൾ തൃണമൂൽ കോൺഗ്രസുമായി സൗഹൃദം സ്ഥാപിക്കുന്നതിലാണ് പാർട്ടിക്ക് താൽപര്യം. അതിനാൽ, എനിക്ക് എൻ്റെ ആത്മാഭിമാനത്തോട് വിട്ടുവീഴ്ച ചെയ്യാനാവില്ല,” അദ്ദേഹം പറഞ്ഞു. സന്ദേശ്ഖാലി വിഷയത്തിൽ കോൺഗ്രസ് ഹൈക്കമാൻഡിൻ്റെ മൗനത്തെയും അദ്ദേഹം ചോദ്യം ചെയ്തു.
