അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കൊച്ചി: കളമശ്ശേരിയില് കൺവെൻഷൻ സെന്റെറിൽ ഇന്ന് രാവിലെയുണ്ടായ സ്ഫോടനത്തെത്തുടർന്ന് അവധിയിലുള്ള മുഴുവന് ഡോക്ടര്മാര് ഉള്പ്പെടെയുള്ള ആരോഗ്യ പ്രവര്ത്തകർ അടിയന്തിരമായി തിരിച്ചെത്താന് ആരോഗ്യമന്ത്രിയുടെ നിർദേശം. അപകടത്തിൽപ്പെട്ടവർക്ക് മികച്ച ചികിത്സയൊരുക്കാനാണ് ആരോഗ്യ വകുപ്പ് ഡയറക്ടര്ക്കും മെഡിക്കല് വിദ്യാഭ്യാസ വകുപ്പ് ഡയറക്ടര്ക്കും മന്ത്രി വീണാ ജോർജ്ജ് നിര്ദേശം നല്കിയത്.
ആശുപത്രികള്ക്ക് ജാഗ്രതാ നിര്ദേശവും നല്കിയിട്ടുണ്ട്. അവധിയിലുള്ള മുഴുവന് ഡോക്ടര്മാര് ഉള്പ്പെടെയുള്ള ആരോഗ്യ പ്രവര്ത്തകരും അടിയന്തിരമായി തിരിച്ചെത്താന് മന്ത്രി നിര്ദേശം നല്കി. കളമശേരി മെഡിക്കല് കോളേജ്, എറണാകുളം ജനറല് ആശുപത്രി, കോട്ടയം മെഡിക്കല് കോളേജ് എന്നിവിടങ്ങളില് അധിക സൗകര്യങ്ങളൊരുക്കാനും നിര്ദേശം നല്കി. അധിക ജീവനക്കാരുടെ സേവനവുമൊരുക്കും. ജില്ലയിലെ മറ്റാശുപത്രികളിലും സൗകര്യമൊരുക്കാന് മന്ത്രി നിര്ദേശം നല്കി.
ഇന്ന് രാവിലെയാണ് കളമശ്ശേരി സാമ്ര ഇന്റർനാഷനൽ കൺവൻഷൻ സെന്ററിൽ സ്ഫോടനമുണ്ടായത്. സ്ഫോടനത്തിൽ ഒരാൾ മരിക്കുകയും 25 പേർക്ക് പരിക്കേൽക്കുകയും ചെയ്തു. പരിക്കേറ്റവരെ കളമശ്ശേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇതിൽ പലരുടെയും നില ഗുരുതരമാണ്. യഹോവ സാക്ഷികളുടെ മേഖല സമ്മേളനം നടക്കുകയായിരുന്നു കൻവൻഷൻ സെന്ററിൽ. ഈ മാസം 27 മുതല് നടന്നുവരുന്ന യഹോവ സാക്ഷികളുടെ മേഖലാ സമ്മേളനത്തിന്റെ അവസാന ദിനമായിരുന്നു ഇന്ന്. ഏകദേശം 2000 ത്തിലധികം പേര് ഈ സമ്മേളനത്തില് പങ്കെടുക്കുന്നുണ്ടെന്നാണ് റിപ്പോർട്ട്.
രാവിലെ സമ്മേളനം തുടങ്ങി അരമണിക്കൂറിനുള്ളിൽ സ്ഫോടനമുണ്ടായി. മൂന്നുനാലിടങ്ങളിൽ ഇത്തരത്തിലുള്ള പൊട്ടിത്തെറിയുണ്ടായി എന്നാണ് പൊലീസ് പറയുന്നത്. മരിച്ചയാളുടെ മൃതദേഹം കത്തിക്കരിഞ്ഞ നിലയിലാണ്. എറണാകുളം ഡി.സി.പി അടക്കമുള്ള ഉന്നത പൊലീസ് സംഘം സ്ഥലത്ത് എത്തിയിട്ടുണ്ട്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
