അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പാലക്കാട്: പാലക്കാട് ചിറ്റൂരില്‍ ഭാര്യയെ വെട്ടിക്കൊലപ്പെടുത്തിയ സംഭവത്തിൽ ഭര്‍ത്താവ് പിടിയില്‍. ഭർത്താവ് സജീഷ് ആണ് പോലീസിന്റെ പിടിയിലായത്. കൊഴിഞ്ഞാമ്പറയില്‍ നിന്നാണ് ഇയാളെ പിടികൂടിയത്.
ചൊവ്വാഴ്ച രാവിലെയാണ് സജീഷ് ഭാര്യ ഊര്‍മിളയെ (32) വെട്ടിക്കൊലപ്പെടുത്തിയത്. രാവിലെ 6.50-ന് ജോലിക്ക് പോകുന്നതിനായി ഊര്‍മിള നടന്നുവരുമ്പോഴായിരുന്നു ആക്രമണം. റോഡില്‍ വെച്ച് വെട്ടേറ്റതോടെ പാടത്തേക്ക് നീങ്ങിയ യുവതിയെ പിന്നാലെയെത്തി കഴുത്തിലും വെട്ടി പരിക്കേല്‍പ്പിക്കുകയായിരുന്നു.
ഒരു വര്‍ഷത്തിലധികമായി ഇരുവരും പിണങ്ങികഴിയുകയായിരുന്നു. മൂന്നുമാസം മുന്‍പും സമാനമായ രീതിയില്‍ വീടിനുള്ളില്‍ കയറി യുവതിയെ കൊലപ്പെടുത്താന്‍ സജീഷ് ശ്രമിച്ചിട്ടുണ്ട്. പോലീസ് അന്ന് വധശ്രമത്തിന് കേസെടുത്തിരുന്നു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
