×

യൂത്ത് കോൺഗ്രസ് വ്യാജ തിരിച്ചറിയൽ കാർഡ് കേസ്; മുഖ്യപ്രതി ജെയ്സൺ കീഴടങ്ങി

google news
jaison

യൂത്ത് കോൺഗ്രസ് വ്യാജ തിരിച്ചറിയൽ രേഖ കേസിൽ ആറാം പ്രതി ജെയ്‌സൺ കീഴടങ്ങി. കോടതി മുൻകൂർ ജാമ്യം അനുവദിച്ചതോടെയാണ് കീഴടങ്ങൽ. കാസർഗോഡ് ഈസ്റ്റ് എളേരി മണ്ഡലം വൈസ് പ്രസിഡണ്ട് ആണ് ജെയ്‌സൺ. 

കോടതി നിർദ്ദേശപ്രകാരമാണ് തിരുവനന്തപുരം മ്യൂസിയം പോലീസ് സ്റ്റേഷനിൽ ജയ്‌സൺ കീഴടങ്ങിയത്. യൂത്ത് കോൺഗ്രസ് തിരഞ്ഞെടുപ്പിന് വ്യാജ തിരിച്ചറിയൽ കാർഡ് ഉണ്ടാക്കിയത് ജെയ്‌സൺ ആണെന്നാണ് പോലീസ് പറയുന്നത്. മ്യൂസിയം പൊലീസ് ഇയാളുടെ അറസ്റ്റ് രേഖപ്പെടുത്തി.

read also...ക്ഷേത്രത്തിലെ ഉത്സവത്തിനിടെ നടന്ന സംഘർഷത്തിൽ യുവാവ് മരിച്ച സംഭവം; ഡിവൈഎഫ്‌ഐ മേഖലാ പ്രസിഡന്റ് അറസ്റ്റിൽ

പൊലീസിന് കീഴടങ്ങിയാൽ ഇയാളെ അറസ്റ്റ് ചെയ്ത ജാമ്യത്തിൽ വിട്ടേക്കണം എന്നായിരുന്നു കോടതി നിർദ്ദേശം. ആറാം പ്രതി ജയ്‌സന്റെ നേതൃത്വത്തിലാണ് വ്യാജരേഖ ഉണ്ടാക്കാൻ ആപ്പ് നിർമ്മിച്ചതെന്ന് നേരത്തെ പോലീസ് കണ്ടെത്തിയിരുന്നു. ആപ്പ് നിർമ്മിക്കാൻ സഹായിച്ച രാകേഷിനെയും പോലീസ് നേരത്തെ അറസ്റ്റ് ചെയ്തിരുന്നു. മറ്റു പ്രതികൾക്കായുള്ള അന്വേഷണം തുടരുകയാണ്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു