അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ക്രിമിനല്‍ –സിവില്‍ കേസുകളില്‍ നല്‍കുന്ന സ്റ്റേകള്‍ ആറുമാസം കഴിഞ്ഞാല്‍ സ്വാഭാവികമായും അവസാനിക്കില്ലെന്ന് സുപ്രീംകോടതി ഭരണഘടനാ ബെഞ്ച് . ആറുമാസം കഴിഞ്ഞാല്‍ സ്റ്റേ സ്വാഭാവികമായും അവസാനിക്കുമെന്ന 2018 ലെ മൂന്നംഗ വിധി തിരുത്തിയാണ് സ്റ്റേകളില്‍ സുപ്രീംകോടതി വ്യക്തത വരുത്തി വിധി പറഞ്ഞത്. സ്റ്റേയുടെ കാലാവധി ഹൈക്കോടതികള്‍ പറയുന്നില്ലെങ്കില്‍ കേസ് തീര്‍പ്പാകും വരെ എന്ന് ചീഫ് ജസ്റ്റീസ് ഡി.വൈ.ചന്ദ്രചൂഡ് അധ്യക്ഷനായ ഭരണഘനടാ ബെഞ്ച് വിധിച്ചു.
രാജ്യത്ത് ഏറെ സംശയങ്ങള്‍ ഉയര്‍ത്തിയ 2018 സുപ്രീംകോടി മൂന്നംഗ ബെഞ്ചിന്‍റെ വിധിയാണ് അഞ്ചംഗ ഭരണഘടനാ ബെഞ്ച് തിരുത്തിയത്. ക്രിമിനല്‍ –സിവില്‍ കേസുകളില്‍ നല്‍കുന്ന ഇടക്കാല സ്റ്റേകള്‍ ആറു മാസം എന്ന കാലപരിധിയില്ലെന്ന് സുപ്രീകോടതി വ്യക്തമാക്കി. ഒരു കേസില്‍ സ്റ്റേ അനുവദിച്ചാല്‍ അത് നീക്കുന്നത് വരെ സ്റ്റേ തുടരും . സ്റ്റേ നീക്കണമെന്ന് ആവശ്യപ്പെട്ട് സമീപിക്കും വരെ സ്റ്റേ സ്വാഭാവികമായും നിലനില്‍ക്കുംമെന്നും കോടതി വ്യക്തമാക്കി. ഏതെങ്കിലും കോടതികളില്‍ കെട്ടിക്കിടക്കുന്ന കേസുകള്‍ ഇത്ര സമയപരിധിക്കുള്ളില്‍ തീര്‍ക്കണമെന്ന് നിര്‍ദേശം കൊടുക്കുന്നതില്‍ നിന്നും ഭരണഘടന കോടതികളായ സുപ്രീംകോടതിയും ഹൈക്കോടതിയും പിന്‍മാറണമെന്ന് സുപ്രീംകോടതി വിധിയില്‍ പറയുന്നു .
read more :
- പുതിയ പാർലമെൻ്റ് കെട്ടിടം ‘പഞ്ചനക്ഷത്ര ജയിൽ’ : ശിവസേന നേതാവ് സഞ്ജയ് റാവത്ത്
- പ്രമുഖ പത്രപ്രവർത്തകയും ഗ്രന്ഥകാരിയുമായ സുജാത അനന്ദൻ അന്തരിച്ചു
- മുംബൈ സ്‌ഫോടന പരമ്പരയിലെ മുഖ്യപ്രതി അബ്ദുൽ കരീം തുണ്ടയെ ടാഡ കോടതി കുറ്റവിമുക്തനാക്കി
- റിയാസ് മൗലവി വധക്കേസിൽ വിധി പറയുന്നത് മാർച്ച് ഏഴിലേക്ക് മാറ്റി
- ശുഭ്കരണിന്റെ സംസ്കാരം ഇന്ന് : കൊലപാതകത്തിന് കേസെടുത്ത് പൊലീസ്
അസാധാരണ സാഹചര്യത്തില്‍ മാത്രമേ കേസ് തീര്‍ക്കാന്‍ സമയം നിശ്ചിയിക്കാവൂ എന്നും ഓരോ കേസിന്‍റെയും സാഹചര്യം വിചാരണക്കോടതി ജഡ്ജിമാര്‍ക്കാവും അറിയുക എന്നും സുപ്രീംകോടതി വ്യക്തമാക്കി. ക്രിമില്‍ –സിവില്‍ കേസുകളില്‍ സുപ്രീംകോടതി ഒഴികെ‌യുള്ള കോടതികള്‍ അനുവദിക്കുന്ന സ്റ്റേകള്‍ ആറുമാസം കഴിഞ്ഞാല്‍ സ്വാഭാവികമായും അവസാനിക്കുമെന്നായിരുന്നു 2018ലെ സുപ്രീംകോടതി വിധി. ഈ വിധിയില്‍ സംശയങ്ങള്‍ ഉയര്‍ത്തി അലഹബാദ് ഹൈക്കോടതി ബാര്‍ അസോസിയേഷനാണ് സുപ്രീംകോടതിയെ സമീപിച്ചത്.
