മഹിളാ ഐക്യവേദിയുടെ ആഭിമുഖ്യത്തിൽ സ്ത്രീസുരക്ഷാസമ്മേളനം കൂവപ്പടി അയ്മുറിയിൽ സംഘടിപ്പിക്കും

പെരുമ്പാവൂർ: ഹിന്ദു ഐക്യവേദിയുടെ ഉപഘടകമായ മഹിളാ ഐക്യവേദിയുടെ കൂവപ്പടി പഞ്ചായത്ത് സമിതിയുടെ ആഭിമുഖ്യത്തിൽ അയ്മുറിയിൽ ശനിയാഴ്ച ഉച്ചകഴിഞ്ഞ് 2ന് അയ്മുറി ശിവക്ഷേത്രത്തിന്റെ തപോവനം ഓഡിറ്റോറിയത്തിൽ സ്ത്രീസുരക്ഷാസമ്മേളനം നടക്കും.

കേരളത്തിൽ അടുത്തകാലത്തായി സ്ത്രീകൾക്കും പെൺകുട്ടികൾക്കുമെതിരെ നടക്കുന്ന അതിക്രമങ്ങളുടെയും പീഡന, കൊലപാതകശ്രമങ്ങളുടെയും പശ്ചാത്തലത്തിൽ സ്ത്രീസുരക്ഷ മുൻനിർത്തിയുള്ള ചർച്ചകളും സെമിനാറുകളും ബോധവത്കരണവും സമ്മേളനത്തിന്റെ ഭാഗമായി നടക്കും.

also read.. പാലക്കാട് കടമ്പഴിപ്പുറത്ത് ഭർത്താവിനെ ഭാര്യ കഴുത്ത് ഞെരിച്ച് കൊന്നു, ശേഷം കിണറിൽ ചാടി ആത്മഹത്യ ശ്രമം; ഭാര്യ അറസ്റ്റില്‍

ഹിന്ദുഐക്യവേദി ജില്ലാ ജനറൽ സെക്രട്ടറിയും കൺസൽട്ടൻറ് സൈക്കോളജിസ്റ്റുമായ സൗമ്യ ബിനു ഉദ്‌ഘാടനം നിർവ്വഹിയ്ക്കും. സ്ത്രീസുരക്ഷയും തുല്ല്യതയും എന്ന വിഷയത്തിൽ അഡ്വ. ലത ഗോപിനാഥും സ്ത്രീ നാടിന്റെ മുഖശ്രീ എന്ന വിഷയത്തിൽ മഹിളാ ഐക്യവേദി എറണാകുളം ജില്ല സെക്രട്ടറി എം.ബി. രശ്മിയും പ്രഭാഷണം നടത്തും. കൂവപ്പടി സാന്ദ്രാനന്ദം സത്സംഗസമിതിയിലെ മുതിർന്ന അംഗം കെ. സാവിത്രിയമ്മ ആശംസകളർപ്പിക്കും.