സൗ​ദി ഏഷ്യൻ കപ്പ് പ്രീക്വാർട്ടറിൽ

ദോഹ: ഒരാഴ്ച മുമ്പ് ഖലീഫ സ്റ്റേഡിയത്തിൽ കണ്ട ആവേശത്തിനുമപ്പുറമായിരുന്നു ഞായറാഴ്ച രാത്രിയിൽ അഹ്മദ് ബിൻ അലി സ്റ്റേഡിയം സാക്ഷിയായത്. അതിർത്തി കടന്ന് ഒഴുകിയെത്തിയ സൗദി ഫുട്ബാൾ ആരാധകർ ഒരു നിമിഷം ഇടവേളയില്ലാതെ ആർത്തലച്ചപ്പോൾ കളത്തിൽ ആ ഊർജം ഏറ്റുവാങ്ങി കളിച്ച ടീം അംഗങ്ങൾക്കും പിഴച്ചില്ല. തുടർച്ചയായി രണ്ടാം ജയവുമായി ഗ്രൂപ് ‘എഫിൽ’ നിന്നും സൗദി അനായാസം ഏഷ്യൻ കപ്പ് പ്രീക്വാർട്ടറിൽ ഇടം നേടി.

 കി​ർ​ഗി​സ്താ​നെ​തി​രെ 2-0ത്തി​നാ​യി​രു​ന്നു സൗ​ദി​യു​ടെ ജ​യം. ഇ​രു പ​കു​തി​ക​ളു​ടെ​യും ആ​ദ്യ​മി​നി​റ്റു​ക​ളി​ലാ​യി ര​ണ്ടു പേ​ർ ചു​വ​പ്പു​കാ​ർ​ഡു​മാ​യി പു​റ​ത്താ​യ​തോ​ടെ ഒ​മ്പ​ത്​ പേ​രി​ലേ​ക്ക്​ ചു​രു​ങ്ങി​യ കി​ർ​ഗി​സ്​​താ​ന് പ്ര​തി​രോ​ധ​ത്തി​ലൂ​ന്നി ക​ളി പൂ​ർ​ത്തി​യാ​ക്കേ​ണ്ടി വ​ന്നു.

Read also: ഇറ്റലിയുടെ ഏറ്റവും വലിയ ഗോൾവേട്ടക്കാരൻ ജിജി റിവ അന്തരിച്ചു

സൗ​ദി​ക്കൊ​പ്പ​മാ​യി​രു​ന്നു ആ​ദ്യാ​വ​സാ​നം ക​ളി. ഗോ​ളി​നു മു​ന്നേ ചു​വ​പ്പ്​ കാ​ർ​ഡ്​ പി​റ​ന്ന​തോ​ടെ കി​ർ​ഗി​സ്​​താ​ൻ തീ​ർ​ത്തും പ്ര​തി​സ​ന്ധി​യി​ലാ​യി. ഒ​മ്പ​താം മി​നി​റ്റി​ൽ പ്ര​തി​രോ​ധ താ​രം അ​യ്​​സ​ർ അ​ക്​​മ​തോ​വാ​ണ്​ സൗ​ദി​യു​ടെ സാ​മി അ​ൽ ന​ജി​യെ ക​ടു​ത്ത ടാ​ക്ലി​ങ്ങി​ന്​ വി​ധേ​യ​നാ​ക്കി​യ​തി​ന്​ ചു​വ​പ്പു​കാ​ർ​ഡു​മാ​യി പു​റ​ത്താ​യ​ത്. പ​ത്തു​പേ​രു​മാ​യി പ്ര​തി​രോ​ധം ശ​ക്​​ത​മാ​ക്കി കി​ർ​ഗി​സ്​​താ​ൻ ചെ​റു​ത്തു​നി​ന്നെ​ങ്കി​ലും കോ​ട്ട അ​ധി​ക​നേ​രം കാ​ത്തു​വെ​ക്കാ​നാ​യി​ല്ല. ക​ളി​യു​ടെ 35ാം മി​നി​റ്റി​ൽ മു​ഹ​മ്മ​ദ്​ കാ​നു ആ​ദ്യ​ഗോ​ൾ കു​റി​ച്ചു.

 രണ്ടാം പകുതിയിലെ 52ാം മിനിറ്റിൽ മറ്റൊരു ഫൗളിലൂടെ കിമി മെർകും പുറത്തായേതാടെ കിർഗിസ്താന്റെ ആൾബലം ഒമ്പതിലേക്ക് ചുരുങ്ങി. അധികം വൈകാതെയായിരുന്നു രണ്ടാം ഗോളും പിറന്നത്. 84ാം മിനിറ്റിൽ ഫൈസൽ അൽ ഗംദിയുടെ വകയായിരുന്നു കിർഗിസ്താൻ വല കുലുക്കിയത്. ഗ്രൂപ്പിലെ മറ്റൊരു മത്സരത്തിൽ ഒമാനും തായ്ലൻഡും ഗോൾരഹിത സമനിലയിൽ പിരിഞ്ഞിരുന്നു.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു