അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വണ്‍പ്ലസിന്റെ ഫ്‌ളാഗ്ഷിപ്പ് സ്മാര്‍ട്‌ഫോണ്‍ മോഡലുകളായ വണ്‍പ്ലസ് 12, വണ്‍പ്ലസ് 12 ആര്‍ സ്മാര്‍ട്‌ഫോണുകള്‍ ഇന്ത്യയില്‍ അവതരിപ്പിച്ചു. ഐഫോൺ നു ഒരു എതിരാളിയാകുമോ എന്ന ചോദ്യം രംഗത്തു വന്നിട്ടുണ്ട്
ക്വാല്‍കോം സ്‌നാപ്ഡ്രാഗണ്‍ 8ജെന്‍ 3 യില്‍ പരമാവധി 16 ജിബി റാമുമായാണ് വണ്‍പ്ലസ് 12 അവതരിപ്പിച്ചിരിക്കുന്നത്. ആകര്‍ഷകമായ ക്യാമറയും, ഡിസ്‌പ്ലേയും ഫോണുകള്‍ക്കുണ്ട്.
വണ്‍പ്ലസ് 12 സവിശേഷതകള്‍
6.82 ഇഞ്ച് 3168 x 1440 പിക്‌സല്‍ റസലൂഷനുള്ള ഡിസ്‌പ്ലേയാണ് വണ്‍പ്ലസ് 12 ന്. എല്‍ടിപിഒ പിന്തുണയുള്ള 120 ഹെര്‍ട്‌സ് പ്രോ എക്‌സ്ഡിആര്‍ ഡിസ്‌പ്ലേയാണിത്. പരമാവധി 4500 നിറ്റ്‌സ് ബ്രൈറ്റ്‌നെസുണ്ട്.
കോര്‍ണിങ് ഗൊറില്ല ഗ്ലാസ് വിക്ടസ് സംരക്ഷണം നല്‍കിയിരിക്കുന്നു. ബാക്ക് പാനലില്‍ ഗൊറില്ല ഗ്ലാസ് 5 ന്റെ സംരക്ഷണമുണ്ട്. ഫ്‌ളോവി എമറാള്‍ഡ്, സില്‍ക്കി ബ്ലാക്ക്.
ആന്‍ഡ്രോയിഡ് 14 അടിസ്ഥാനമാക്കിയുള്ള ഓക്‌സിജന്‍ ഒഎസ് ആണിതില്‍. വണ്‍പ്ലസ് 12ല്‍ സ്‌നാപ്ഡ്രാഗണ്‍ 8ജെന്‍ 3 ചിപ്പ് സെറ്റ് ആണുള്ളത്. 12 ജിബി, 16 ജിബി റാം വേരിയന്റുകളും 256, 512 ജിബി സ്റ്റോറേജ് ഓപ്ഷനുകളുമുണ്ട്.
50 എംപി പ്രൈമറി ക്യാമറ, 48 എംപി വൈഡ് ക്യാമറ, 3എക്‌സ് സൂം ഉള്ള 64 എംപി ടെലിഫോട്ടോ ക്യാമറ, 48 എംപി അള്‍ട്രാ വൈഡ് ക്യാമറ എന്നിവയടങ്ങുന്ന ക്വാഡ് റിയര്‍ ക്യാമറ സംവിധാനമാണിതില്‍. 32 എംപി ആണ് സെല്‍പി ക്യാമറ. 24 എഫ്പിഎസില്‍ 8കെ വീഡിയോ, 30/60 എഫ്പിഎസില്‍ 4കെ വീഡിയോ, 30/60 എഫ്പിഎസില്‍ 1080 പിക്‌സല്‍ വീഡിയോ എന്നിവ ചിത്രീകരിക്കാനാവും.വിവിധ കാമറ ഫീച്ചറുകളും ഇതില്‍ ലഭ്യമാണ്.
സൂപ്പര്‍ വൂക്ക് പവര്‍ അഡാപ്റ്റര്‍, എ ടു സി കേബിള്‍, സിം ട്രേ ഇജക്ടര്‍, യുഎസ്ബി ഡോംഗിള്‍ എന്നിവ വണ്‍പ്ലസ് 12 നൊപ്പം ലഭിക്കും.
വണ്‍പ്ലസ് 12 ആര്‍
6.78 ഇഞ്ച് ഡിസ്‌പ്ലേയുള്ള വണ്‍പ്ലസ് 12 ആറില്‍ ആന്‍ഡ്രോയിഡ് 14 അടിസ്ഥാനമാക്കിയുള്ള ഓക്‌സിജന്‍ ഒസ് ആണുള്ളത്. സ്‌നാപ്ഡ്രാഗണ്‍ 8ജെന്‍ 2 ചിപ്പില്‍ 8ജിബി റാം ഉണ്ട്. കോര്‍ണിങ് ഗൊറില്ല ഗ്ലാസ് സംരക്ഷണമുള്ള ഡിസ്‌പ്ലേയാണിതിന്. കറുപ്പ്, ഐവറി ഗ്രേ, കൂള്‍ ബ്ലൂ നിറങ്ങളില്‍ ഫോണ്‍ വില്‍പനയ്‌ക്കെത്തും.
ഇതിലെ ട്രിപ്പിള്‍ റിയര്‍ ക്യാമറയില്‍ 50 എംപി പ്രധാന ക്യാമറ, 8 എംപി അള്‍ട്രാ വൈഡ്, 2 എംപി മാക്രോ ക്യാമറ എന്നിവയാണുള്ളത്. സെല്‍ഫിയ്ക്കായി 16 എംപി ക്യാമറ നല്‍കിയിരിക്കുന്നു. 5500 എംഎഎച്ച് ബാറ്ററിയുണ്ട്. സൂപ്പര്‍ വൂക്ക് 100 വാട്ട് അതിവേഗ ചാര്‍ജിങുമുണ്ട്.
വണ്‍പ്ലസ് 12ന് രണ്ട് വേരിയന്റുകളുണ്ട്. വില വിവരം
12GB+256GB സ്റ്റോറേജ് വേരിയന്റിന് 64,999 രൂപയാണ് വില.
16GB+512GB സ്റ്റോറേജ് വേരിയന്റിന് 69,999 രൂപയാണ് വില.
ഫ്‌ലോവി എമറാള്‍ഡ്, സില്‍ക്കി ബ്ലാക്ക് എന്നിങ്ങനെ രണ്ട് നിറങ്ങളിലാണ് ഫോണുകള്‍ പുറത്തിറക്കിയിരിക്കുന്നത്. വണ്‍പ്ലസ് 12 ന്റെ ആദ്യ വില്‍പ്പന 2024 ജനുവരി 30 ന് ആരംഭിക്കും.
വണ്‍പ്ലസ് 12 ആറിനും രണ്ട് വേരിയന്റുകളുണ്ട്
8GB+1258GB വേരിയന്റിന് 39,999 രൂപയാണ് വില.
16GB+256GB വേരിയന്റിന് 45,999 രൂപയാണ് വില.
വണ്‍പ്ലസ് 12 ആറിന്റെ ആദ്യ വില്‍പ്പന 2024 ഫെബ്രുവരി 6 ന് ആരംഭിക്കും.
also read AI ഇനി സംസാരിക്കാൻ ഭാഷ വേണ്ട: റിയൽ ടൈം ട്രാൻസിലേഷനുമായി സാംസങ്
