വിമാന അപകടത്തെത്തുടര്‍ന്ന് ആമസോണ്‍ കാട്ടില്‍ നിന്നു രക്ഷിച്ച കുട്ടികള്‍ പീഡിപ്പിക്കപ്പെട്ടു

ബൊഗോട്ട: വിമാനം തകര്‍ന്ന് ആമസോണ്‍ കാട്ടിലകപ്പെട്ടതിനെത്തുടര്‍ന്ന്, 40 ദിവസം ദീര്‍ഘിച്ച രക്ഷാപ്രവര്‍ത്തിനത്തിനൊടുവില്‍ പുറത്തെത്തിച്ച നാലു കുട്ടികളുടെ കൂട്ടത്തിലെ രണ്ടു പെണ്‍കുട്ടികള്‍ ലൈംഗികമായി പീഡിപ്പിക്കപ്പെട്ടിരുന്നതായി വെളിപ്പെടുത്തല്‍.

also read.. തെരഞ്ഞെടുപ്പ് അട്ടിമറി ശ്രമം: ട്രംപിനെതിരേ നാലാമതും കുറ്റപത്രം

കൊളംബിയക്കാരായ കുട്ടികളുടെ രണ്ടാനച്ഛനെ സംഭവവുമായി ബന്ധപ്പെട്ട് അറസ്ററ് ചെയ്തു. പതിമൂന്നും ഒമ്പതും വയസുള്ള പെണ്‍കുട്ടികളെയാണ് ലൈംഗികമായി ഉപദ്രവിച്ചതെന്നു വ്യക്തമായി.

ആമസോണ്‍ വനത്തില്‍ നിന്ന് രക്ഷപ്പെടുത്തിയ കുട്ടികള്‍ നിലവില്‍ കൊളംബിയന്‍ ഇന്‍സ്ററിറ്റ്യൂട്ട് ഓഫ് ഫാമിലി വെല്‍ഫെയറിന്‍റെ സംരക്ഷണത്തിലാണുള്ളത്. മേയ് ഒന്നിനുണ്ടായ വിമാനാപകടത്തില്‍ ഇവരുടെ അമ്മയുള്‍പ്പെടെ കൊല്ലപ്പെട്ടിരുന്നു. കൗണ്‍സലിങ്ങിനിടെയാണ് പെണ്‍കുട്ടികള്‍ ലൈംഗികാതിക്രമത്തിനിരയായതായി വിവരം ലഭിച്ചത്. തുടര്‍ന്ന് നിയമനടപടികള്‍ക്കായി അറ്റോര്‍ണി ജനറല്‍ ഓഫിസിനെ അറിയിക്കുകയായിരുന്നു.

മൂത്ത രണ്ടു കുട്ടികള്‍ ഇവരുടെ അമ്മയുടെ ആദ്യ വിവാഹത്തിലുള്ളതാണ്. ഇളയ കുട്ടികള്‍ ഇപ്പോള്‍ അറസ്റ്റിലായ പ്രതിയുടേതും.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം