അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കൊച്ചി: ടാറ്റ എഐജി ജനറല്‍ ഇന്‍ഷുറന്‍സ് കമ്പനി ലിമിറ്റഡ് തങ്ങളുടെ ഏറ്റവും പുതിയ ഉത്പന്നമായ മെഡികെയര്‍ സെലക്ട് വിപണിയിലെത്തിച്ചു. കോവിഡ്-19 പോലുള്ള ആവര്‍ത്തിച്ചുകൊണ്ടിരിക്കുന്ന പൊതുജനാരോഗ്യ പ്രശ്നങ്ങളുടെ പശ്ചാത്തലത്തില്‍, ഇന്ത്യന്‍ ഉപഭോക്താക്കളുടെ ആരോഗ്യ സംരക്ഷണ ആവശ്യങ്ങള്‍ നിറവേറ്റുന്നതിനായി രൂപകല്‍പ്പന ചെയ്തിരിക്കുന്ന സമഗ്ര ആരോഗ്യ ഇന്‍ഷുറന്‍സ് പദ്ധതിയാണ് മെഡികെയര്‍ സെലക്ട്.
3 കോടി രൂപ വരെ പരിരക്ഷാ തുക വാഗ്ദാനം ചെയ്യുന്ന മെഡികെയര്‍ സെലക്ട് ഉപഭോക്താക്കളുടെ മെഡിക്കല്‍, സാമ്പത്തിക സുരക്ഷ ഉറപ്പാക്കുന്നു. ഇന്‍-പേഷ്യന്റ് ഹോസ്പിറ്റലൈസേഷന്, ഹോസ്പിറ്റലൈസേഷന് മുമ്പും ശേഷവും ഉള്ള ചെലവുകള്‍, ഔട്ട്പേഷ്യന്റ് ആനുകൂല്യങ്ങള്‍ എന്നിവ ഈ പദ്ധതിയില്‍ ഉള്‍പ്പെടുത്തിയിട്ടുണ്ട്. ക്ലെയിമുകള്‍ മൂലം പരിരക്ഷാ തുക തീര്‍ന്നാല്‍, അത് സ്വയമേ പുനഃസ്ഥാപിക്കുന്ന റിസ്റ്റോറേഷന്‍ ബെനഫിറ്റ് ആണ് ഈ പദ്ധതിയുടെ പ്രധാന ആകര്‍ഷണം.
റോഡ്-എയര്‍ ആംബുലന്‍സ് കവറേജ്, പെറ്റ് സിടി, പെറ്റ് എംആര്‍ഐ സ്‌കാനുകള്‍ തുടങ്ങിയ നൂതന രോഗനിര്‍ണയ സാങ്കേതിക സംവിധാനങ്ങള്‍ എന്നിവയും ഈ പ്ലാനില്‍ ഉള്‍പ്പെടുന്നു. രോഗിയുടെ കൂടെ എത്തുന്ന മുതിര്‍ന്ന ഒരാള്‍ക്കുള്ള ദിന അലവന്‍സ്, പരിധിയില്ലാത്ത ടെലി-കണ്‍സള്‍ട്ടേഷനുകള്‍, യാത്രാ കവര്‍ തുടങ്ങിയ ആനുകൂല്യങ്ങള്‍ ഇതിനെ സമഗ്രവും ഉപയോക്തൃ സൗഹൃദവുമായ ഒരു ആരോഗ്യ ഇന്‍ഷുറന്‍സ് പദ്ധതിയാക്കി മാറ്റുന്നു.
കോവിഡ്-19 ന്റെ എന്‍ബി.1.8.1 വകഭേദം കേരളത്തിലെ നിരവധി ജില്ലകളില്‍ റിപ്പോര്‍ട്ട് ചെയ്യപ്പെട്ട് കേസുകള്‍ വര്‍ദ്ധിച്ചുവന്ന സാഹചര്യത്തിലാണ് മെഡികെയര്‍ സെലക്ട് വിപണിയില്‍ എത്തുന്നത്. ലോകാരോഗ്യ സംഘടന ഈ വകഭേദത്തെ കുറഞ്ഞ അപകടസാധ്യതയുള്ളതായി വിലയിരുത്തിയെങ്കിലും തൊണ്ടവേദന, ക്ഷീണം, നേരിയ ചുമ, പനി തുടങ്ങിയ ലക്ഷണങ്ങള്‍, പ്രത്യേകിച്ച് മറ്റ് രോഗങ്ങളുള്ളവരെ ബാധിക്കുന്നുണ്ട്.
ഇത്തരം സാഹചര്യങ്ങളില്‍, ശക്തമായ ഒരു ആരോഗ്യ ഇന്‍ഷുറന്‍സ് പദ്ധതി അനിവാര്യമാണ്. ടാറ്റ എഐജിയുടെ മെഡികെയര്‍ സെലക്ട്. കോവിഡ്-19 ഹോസ്പിറ്റലൈസേഷന് ആവശ്യമായ കവറേജിനൊപ്പം, ബന്ധപ്പെട്ട രോഗനിര്‍ണയത്തിനും ചികിത്സാനന്തര പരിചരണത്തിനും വിപുലമായ പിന്തുണ നല്‍കുന്നു. കേരളത്തിലെ 350-ലധികം ആശുപത്രികളുടെ ശൃംഖലയിലൂടെ, അവശ്യ സാഹചര്യങ്ങളില്‍ ഗുണനിലവാരമുള്ള പരിചരണവും ഈ പദ്ധതി ഉറപ്പാക്കുന്നു.
കേരളത്തില്‍ കോവിഡ്-19 കേസുകള്‍ വര്‍ദ്ധിക്കുന്നതിനാല്‍, ബോധവല്‍ക്കരണവും മുന്‍കരുതലും പ്രധാനമാണെന്നും നിലവിലെ വകഭേദത്തിന്റെ അപകടസാധ്യത കുറവാണെങ്കിലും നേരത്തെയുള്ള മുന്‍കരുതലുകളും ആവശ്യമായ ആരോഗ്യ ഇന്‍ഷുറന്‍സ് പരിരക്ഷയും വലിയ മാറ്റം ഉണ്ടാക്കുമെന്നും ടാറ്റ എഐജി ജനറല്‍ ഇന്‍ഷുറന്‍സ് കമ്പനിയുടെ കണ്‍സ്യൂമര്‍ അണ്ടര്‍റൈറ്റിംഗ് സീനിയര്‍ വൈസ് പ്രസിഡന്റ് ദിനേശ് മോസംകര്‍ പറഞ്ഞു.
ജനങ്ങള്‍ കോവിഡ്-19 സംബന്ധമായ വിവരങ്ങള്‍ ആധികാര സ്രോതസുകളില്‍ നിന്നും മനസിലാക്കി വെക്കേണ്ടതും ആരോഗ്യ സംബന്ധമായ സംശയങ്ങള്‍ക്ക് 1077, 0471-2733433, 9188610100 എന്നീ കോവിഡ്-19 ഹെല്‍പ് ലൈന്‍ നമ്പരുകളില്‍ ബന്ധപ്പെടേണ്ടതുമാണ്.
