അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂഡൽഹി: 2025 ഐപിഎല്‍ സീസണില്‍ പഞ്ചാബ് കിംഗ്‌സിന്റെ തോല്‍വിയില്‍ വൈകാരിക കുറിപ്പുമായി പ്രീതി സിന്റ. സോഷ്യൽ മീഡിയയിൽ പങ്കുവെച്ച പോസ്റ്റിൽ പ്രീതി സിന്റ തന്റെ ഐപിഎൽ ടീമായ പഞ്ചാബ് കിംഗ്‌സിനെക്കുറിച്ചും അവരുടെ കഠിനാധ്വാനത്തെ അഭിനന്ദിക്കുന്ന ഹൃദയംഗമമായ കുറിപ്പ് പങ്കുവെച്ചു.
It didn’t end the way we wanted it to but….the journey was spectacular ! It was exciting, entertaining & it was inspiring. I loved the fight & the grit our young team, our shers showed throughout the tournament. I loved the way our captain, our Sarpanch lead from the front &… pic.twitter.com/kUtRs908aS
— Preity G Zinta (@realpreityzinta) June 6, 2025
ആഗ്രഹിച്ച പോലെയല്ല ഐപിഎൽ അവസാനിച്ചതെങ്കിലും ഗംഭീരമായൊരു സീസണാണ് കടന്നുപോയതെന്ന് പ്രീതി സിന്റ എക്സ് പ്ലാറ്റ്ഫോമിൽ പ്രതികരിച്ചു. ‘‘ആളുകളെ അദ്ഭുതപ്പെടുത്തിയും ആനന്ദിപ്പിച്ചും പ്രചോദിപ്പിച്ചുമാണ് ഈ യാത്ര. ഈ യുവനിരയുടെ പോരാട്ട വീര്യവും നമ്മുടെ ക്യാപ്റ്റൻ ടീമിനെ നയിച്ച രീതിയും അൺകാപ്ഡ് താരങ്ങളുടെ ആധിപത്യവും ഹൃദ്യമായിരുന്നു.’’– പ്രീതി സിന്റ പ്രതികരിച്ചു.
‘‘ഈ വർഷം വേറിട്ടതാണ്. പ്രധാനപ്പെട്ട താരങ്ങളെ നമുക്കു നഷ്ടമായി, പരുക്കുകളും ടൂർണമെന്റ് നിർത്തിവയ്ക്കലും കണ്ടു. ഹോം മത്സരങ്ങൾ മറ്റു സംസ്ഥാനങ്ങളിലേക്കു മാറ്റേണ്ടിവന്നു. സ്റ്റേഡിയം തന്നെ ഒഴിപ്പിക്കേണ്ടിവന്നു, എന്നിട്ടും റെക്കോർഡുകളുമായാണ് പഞ്ചാബിന്റെ മടക്കം. പോയിന്റ് ടേബിളിൽ ആധിപത്യം സ്ഥാപിച്ചു. ഫൈനല്‍ പോരാട്ടത്തിന്റെ അവസാനം വരെ പൊരുതി. പഞ്ചാബിന്റെ ഓരോ താരങ്ങളെക്കുറിച്ചും എനിക്ക് അഭിമാനമുണ്ട്.’’
‘‘സപ്പോർട്ട് സ്റ്റാഫുകൾക്കും ആരാധകർക്കും ഈ സീസൺ മനോഹരമാക്കിയതിലുള്ള നന്ദിയുണ്ട്. ജോലി പൂർത്തീകരിക്കാൻ ഞങ്ങൾ മടങ്ങിവരുമെന്ന് ഞാന്‍ ഉറപ്പുതരുന്നു. അടുത്ത വർഷം നമുക്കു വീണ്ടും കാണാം.’’– പ്രീതി സിന്റ വ്യക്തമാക്കി. ഐപിഎൽ ഫൈനലിൽ ആറു റൺസ് വിജയവുമായാണ് റോയൽ ചാലഞ്ചേഴ്സ് ബെംഗളൂരു കിരീടം ഉയർത്തിയത്. 18 വർഷങ്ങൾക്കു ശേഷമാണ് ആർസിബിയുടെ കിരീട വിജയം.
