അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആഡംബരവും മികച്ച ഫീച്ചറുകളും ചേർന്ന ജി വാഗൺ എന്നറിയപ്പെടുന്ന മെഴ്സിഡീസ് ബെൻസിന്റെ AMG G63 മോഡൽ ഗ്യാരേജിലെത്തിച്ച് സിനിമാ താരങ്ങളായ ഫഹദും നസ്രിയയും. സെലിബ്രിറ്റികൾക്കിടയിൽ ഇവൻ ആളൊരു പുലിയാണ്. ബോളിവുഡിൽ ഉൾപ്പടെ പല താരങ്ങളുടെയും ഗ്യാരേജിൽ ഈ വാഹനമുണ്ട്.
പൃഥ്വിരാജ്, ദുൽഖർ സൽമാൻ അടക്കമുള്ള സെലിബ്രിറ്റികൾ ഇതിനകം ഈ ആഡംബര എസ്‌യുവി സ്വന്തമാക്കിയിട്ടുണ്ട്. 4.6 കോടിയാണ് വാഹനത്തിന്റെ വില.മെഴ്സിഡീസ് ബെൻസിന്റെ കൊച്ചിയിലെ ഡീലർഷിപ്പിൽ എത്തിയാണ് താരങ്ങൾ വാഹനം സ്വന്തമാക്കിയത്.
ഉയർന്ന ടോർക്കിനും പവറിനും പേരുകേട്ട 585hp കരുത്തും 880 Nm ടോർക്കും ഉൽപാദിപ്പിക്കുന്ന 4 ലീറ്റർ V8 ട്വിൻ ടർബോ പെട്രോൾ എൻജിനാണ് ഈ എസ്‌യുവിക്ക് കരുത്തേകുന്നത്. വെറും 4.4 സെക്കന്റിനുള്ളിൽ പൂജ്യത്തിൽ നിന്നും നൂറിലെത്താൻ ഈ കരുത്തുറ്റ എൻജിൻ എസ്‌യുവിയെ സഹായിക്കും. 4873 നീളവും 2187 mm വീതിയും 1976 mm ഉയരവും 238 mm ഗ്രൗണ്ട് ക്ലിയറൻസുമുള്ള ഈ വാഹനത്തിന് ഏകദേശം രണ്ടര ടൺ (2640 കിലോ) ഭാരവുമുണ്ട്.
