അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കഴിഞ്ഞ ആഴ്ചയാണ് റിസർവ് ബാങ്ക് ഓഫ് ഇന്ത്യയുടെ പണനയ അവലോകന യോഗം നടന്നത്. 50 ബേസിസ് പോയിന്റുകളുടെ കുറവാണ് പലിശ നിരക്കിൽ വരുത്തിയത്. ഇതോടെ റിപ്പോ നിരക്ക് 5.75% എന്ന തോതിലേക്ക് കുറഞ്ഞു. പല വർഷങ്ങളിലെ കുറഞ്ഞ നിരക്കാണിത്. ഇതോടെ ഭവന വായ്പകളുടെ പലിശ ഭാരം കുറയാനും, നികുതി നേട്ടങ്ങൾ ഉണ്ടാകാനുമുള്ള അവസരങ്ങൾ കൂടിയാണ് ഒരുങ്ങുന്നത്.
എഐ ബിസിനസ്സ് മാറ്റുന്നു. മാറ്റത്തിന് നേതൃത്വം നൽകാൻ നിങ്ങൾ തയ്യാറാണോ? രജിസ്റ്റർ ചെയ്യൂ @ 15000
എന്താണ് റിപ്പോ നിരക്ക്?
വാണിജ്യ ബാങ്കുകൾക്ക്, റിസർവ് ബാങ്ക് പണം വായ്പയായി നൽകുമ്പോൾ ഈടാക്കുന്ന പലിശ നിരക്കാണ് റിപ്പോ എന്നറിയപ്പെടുന്നത്. ഇത് രാജ്യത്തെ വായ്പാ വിതരണത്തെ സ്വാധീനിക്കുന്നു. റിപ്പോ നിരക്കുകൾ കുറയ്ക്കുമ്പോൾ ബാങ്കുകൾ പലിശ കുറയ്ക്കുകയും, വായ്പയെടുക്കുന്നവരുടെ പലിശ ഭാരം കുറയുകയും ചെയ്യുന്നു
ഭവന വായ്പയിൻമേലുള്ള സ്വാധീനം
റിപ്പോ റേറ്റിൽ 50 ബേസിസ് പോയിന്റുകളുടെ കുറവ് ഉണ്ടായതോടെ ഭവന വായ്പാ പലിശ നിരക്കുകളും കുറയാനുള്ള സാഹചര്യമാണ് സംജാതമായിരിക്കുന്നത്. പല ബാങ്കുകളും ഇപ്പോൾത്തന്നെ തങ്ങളുടെ ഹോം ലോൺ പലിശ നിരക്കുകൾ കുറച്ചതായി അറിയിച്ചിട്ടുണ്ട്.
അതായത് ഫ്ലോട്ടിങ് പലിശ നിരക്കിൽ വായ്പ എടുത്തിട്ടുള്ളവരുടേയും, പുതിയതായി ലോൺ എടുക്കുന്നവരുടെയും പലിശയിൽ കുറവുണ്ടാകുമെന്നാണ് പ്രതീക്ഷിക്കേണ്ടത്. ഉദാഹരണത്തിന് 20 വർഷത്തേക്ക് 9% പലിശയിൽ 50 ലക്ഷം രൂപ ഭവന വായ്പ എടുത്തുവെന്ന് കരുതുക. ഇവിടെ പലിശ 8.5% എന്ന തോതിലേക്ക് താഴുന്നതിനാൽ പ്രതിമാസ ഇ.എം.ഐയിൽ 1,500 രൂപയുടെ കുറവുണ്ടാകും.
ഹോം ലോൺ നികുതി ആനുകൂല്യങ്ങൾ
ഭവന വായ്പാ പലിശ കുറയുന്നത് വായ്പയെടുത്തവർക്ക് നികുതി ആനുകൂല്യങ്ങളിലും നേട്ടം നൽകുന്നു. ആദായ നികുതി നിയമ പ്രകാരം മുതൽ, പലിശ എന്നിവയുടെ തിരിച്ചടവുമായി ബന്ധപ്പെട്ട് വായ്പയെടുത്തവർക്ക് നികുതി ആനുകൂല്യങ്ങൾ ക്ലെയിം ചെയ്യാൻ സാധിക്കും. വകുപ്പ് 80C പ്രകാരം പ്രിൻസിപ്പൽ പേയ്മെന്റിന് 1.5 ലക്ഷം രൂപ വരെ ഇത്തരത്തിൽ ഡിഡക്ഷൻ ലഭിക്കും.
കൂടാതെ സെക്ഷൻ 24 (b) പ്രകാരം സ്വന്തം പ്രോപർട്ടിക്ക് (Self-occupied property) പലിശയുടെ മുകളിൽ 2 ലക്ഷം രൂപ വരെയും ഡിഡക്ഷൻ ലഭ്യമാണ്. അതായത് പല വർഷങ്ങളിൽ അടയ്ക്കുന്ന ആകെ പലിശയിലും കുറവ് ലഭിക്കുമെന്ന നേട്ടമുണ്ട്. ഉദാഹരണത്തിന് 20 വർഷത്തേക്ക് എടുത്ത 1 കോടി രൂപയുടെ ഭവന വായ്പയിൽ പ്രതിമാസം 3,138 രൂപയുടെ കുറവുണ്ടാകും. അതായത് വായ്പാ കാലാവധിയിൽ ആകെ പലിശയിൽ മാത്രം 7.53 ലക്ഷം രൂപയെുടെ നേട്ടമാണ് ഇത്തരത്തിൽ ലഭിക്കുന്നത്.
