അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.യു കെ യിലെ പ്രവാസികളായ ഇന്ത്യൻ നാഷണൽ കോൺഗ്രസ്സ് പാർട്ടി പ്രവർത്തകരുടെ സംഘടനയായ ഐഒസി (യു കെ) കേരള ചാപ്റ്ററിന്റെ നേതൃത്വത്തിൽ നിലമ്പൂർ നിയോജക മണ്ഡല ഉപതെരഞ്ഞെടുപ്പിൽ നേരിട്ടുള്ള സജീവ പ്രവർത്തനം ആരംഭിക്കുന്നതിനായി ഷൈനു ക്ലെയർ മാത്യൂസും, റോമി കുര്യാക്കോസും പുറപ്പെട്ടു. യു ഡി എഫ് അനുകൂല പ്രവാസികളുടെ വോട്ടുകൾ ഏകോപിപ്പിക്കൽ, സോഷ്യൽ മീഡിയ പ്രചരണം, ഗൃഹ സന്ദർശനം, വാഹന പ്രചരണം, കുടുംബ കൂട്ടായ്മകൾ , പോസ്റ്റർ പ്രചാരണം എന്നിങ്ങനെ വിപുലമായ പ്രചരണ പരിപാടികളാണ് പ്രവാസി കോൺഗ്രസ്സ് പ്രസ്ഥാനം ആസൂത്രണം ചെയ്തിരിക്കുന്നത്.
മലയാളി പ്രവാസി കോൺഗ്രസ്സ് പ്രസ്ഥാനമായ ഒഐസിസി -ഐഒസി (കേരള ചാപ്റ്റർ) എന്നീ സംഘടനകളുടെ ലയനത്തിന് ശേഷം ഐഒസി ഗ്ലോബൽ ചെയർമാൻ സാം പിത്രോട, പ്രസിഡണ്ട് പദവിയിലേക്ക് നോമിനേറ്റു ചെയ്യപ്പെട്ട ഷൈനു ക്ലെയർ മാത്യൂസിന്റെ നേതൃത്വത്തിലാണ് തെരഞ്ഞെടുപ്പ് പ്രചാരണം നടക്കുക. ഐഒസി യുടെ നേതാവ് റോമി കുര്യാക്കോസ് തെരഞ്ഞെടുപ്പ് പ്രചാരണത്തിൽ പങ്കു ചേരും. ഐഒസി തെരഞ്ഞെടുപ്പ് പ്രവർത്തനത്തിനു ജൂൺ 13 ന് നാന്ദി കുറിക്കും.
കേരള നിയമസഭാ അസ്സംബ്ലി സീറ്റിലേക്ക് നടത്തപ്പെടുന്ന ഉപതെരഞ്ഞെടുപ്പിൽ നിലമ്പൂർ കേന്ദ്രീകൃതമായി പ്രവാസി കോൺഗ്രസ്സ് പ്രവർത്തകരുടെ സംയുക്ത പ്രവർത്തനത്തിനായി തെരഞ്ഞെടുപ്പ് ഓഫീസ് തുറക്കുമെന്ന് ഷൈനു അറിയിച്ചു. യു കെയിൽ നിന്നും ഇപ്പോൾ നാട്ടിലെത്തിയവരോ, ഈ ദിവസങ്ങളിൽ പ്രചാരണത്തിന് നാട്ടിൽ എത്തിച്ചേരാൻ സാധിക്കുന്നവരോ, സന്നദ്ധരായിരിക്കുന്നവരോ ആയ പ്രവർത്തകർ പ്രചാരണ ഏകോപനത്തിനായി ഷൈനു ക്ലെയർ മാത്യൂസ് (+447872514619), റോമി കുര്യാക്കോസ് (+447776646163) എന്നിവരുമായി ബന്ധപ്പെടുവാൻ താല്പര്യപ്പെടുന്നു.
തൃക്കാക്കര, പുതുപ്പള്ളി, വയനാട് ഉപ തെരഞ്ഞെടുപ്പുകളിൽ, പ്രവാസികളുടെ ശക്തമായ സാന്നിദ്ധ്യവും, കരുത്തുറ്റ തെരഞ്ഞെടുപ്പ് പ്രവർത്തനവുമായി ശ്രദ്ധേയരായ നേതാക്കളാണ് ഇരുവരും.
STORY HIGHLIGHT: Nilambur by-election campaign
