അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബെംഗളൂരു നഗരത്തില്‍ സ്ത്രീകള്‍ക്ക് നേരേ ലൈംഗികാതിക്രമം നടത്തിയ യുവാവ് അറസ്റ്റില്‍. മില്‍ട്ടണ്‍ പാര്‍ക്കില്‍വെച്ച് രണ്ട് സ്ത്രീകളെ കയറിപിടിക്കുകയും ബലംപ്രയോഗിച്ച് ചുംബിക്കുകയും ചെയ്ത കേസിലാണ് ബനസവാഡി നിവാസിയായ എസ്. മദനെ ബെംഗളൂരു സിറ്റി പോലീസ് അറസ്റ്റ് ചെയ്തത്.
മില്‍ട്ടണ്‍ പാര്‍ക്കിലെത്തിയ 41 കാരിയായ വീട്ടമ്മയ്ക്ക് നേരെയാണ് ആദ്യം പ്രതി അതിക്രമം നടത്തിയത്. സുഹൃത്തിനും കുട്ടിയ്ക്കും ഒപ്പം പാര്‍ക്കിലെത്തിയ വീട്ടമ്മയെ പ്രതി തുറിച്ചുനോക്കുകയും പിന്തുടര്‍ന്ന് ചുംബിക്കുകയുമായിരുന്നു. ഓടി മാറാൻ ശ്രമിച്ചെങ്കിലും പ്രതി വരൂ, ഞാന്‍ സിംഗിളാണ്, എന്നെ കെട്ടിപ്പിടിക്കൂ. എന്ന് പറഞ്ഞ് യുവാവ് പിന്തുടര്‍ന്നെത്തി ചുംബിക്കുകയും കടന്നുപിടിക്കുകയുമായിരുന്നെന്നും സ്ത്രീ നൽകിയ പരാതിയിൽ പറയുന്നു. കൂടാതെ പാര്‍ക്കിലൂടെ നടന്നുപോവുകയായിരുന്ന 28-കാരിയെ കയറിപിടിച്ചും ബലംപ്രയോഗിച്ച് ചുംബിച്ചും പ്രതി ഉപദ്രവിച്ചു. ഇതിൽ യുവതിക്ക് പരിക്കേൽക്കുകയും ചെയ്തിരുന്നു. യുവതി ബഹളംവെച്ചതോടെ പ്രതി ഓടിരക്ഷപ്പെടുകയും ഇതേ തുടർന്ന് നാട്ടുകാര്‍ പോലീസിനെ വിവരമറിയിക്കുകയുമായിരുന്നു.
സിസിടിവി ദൃശ്യങ്ങള്‍ കേന്ദ്രീകരിച്ച് പോലീസ് നടത്തിയ അന്വേഷണത്തില്‍ മണിക്കൂറുകള്‍ക്കുള്ളില്‍ ബനസവാഡിയിലെ വീട്ടില്‍നിന്ന് പ്രതിയെ കസ്റ്റഡിയിലെടുക്കുകയായിരുന്നു. കോടതിയില്‍ ഹാജരാക്കിയ പ്രതിയെ 14 ദിവസത്തെ ജുഡീഷ്യല്‍ കസ്റ്റഡിയില്‍ റിമാന്‍ഡ്‌ചെയ്തു.
STORY HIGHLIGHT: Man hugs, kisses women out on walk in Bengaluru park
