അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രശസ്ത സംഗീത സംവിധയകൻ അനിരുദ്ധ് രവിചന്ദർ വിവാഹിതനാകാൻ ഒരുങ്ങുന്നു എന്ന് റിപ്പോർട്ട്. വധു സണ്‍ ടിവി നെറ്റ്‌വര്‍ക്കിന്റെ എക്‌സിക്യൂട്ടീവ് ഡയറക്ടറും ഐപിഎല്‍ ടീം സണ്‍റൈസേഴ്‌സ് ഹൈദരാബാദിന്റെ സഹഉടമയുമായ കാവ്യ മാരന്‍ എന്നാണ് പുറത്തുവരുന്ന റിപ്പോർട്ടുകൾ വ്യക്തമാക്കുന്നത്. എന്നാൽ വിവാഹ വാർത്തകളിൽ ഇരുവരും ഇതുവരെ ഔദ്യോഗിക പ്രതികരണങ്ങളൊന്നും നടത്തിയിട്ടില്ല.
അനിരുദ്ധ് രവിചന്ദറും കാവ്യയും തമ്മിൽ പ്രണയത്തിലാണെന്ന തരത്തിലുള്ള വാർത്തകൾ മുൻപും പ്രചരിച്ചിരുന്നു. ഇരുവരെയും അടുത്തിടെ ഒന്നിച്ച് ആരാധകർ റെസ്റ്റോറന്റിൽ കണ്ടതും ഏറെ ചർച്ചയ്ക്ക് കാരണമായിരുന്നു. ഇപ്പോൾ ഉയർന്നിരിക്കുന്ന ഈ വിവാഹ വാർത്തയാണ് സമൂഹ മാധ്യമങ്ങളിലെ പ്രധാന ആകർഷണം.
സണ്‍ ഗ്രൂപ്പ് ചെയര്‍മാന്‍ കലാനിധി മാരന്റേയും കാവേരിയുടേയും മകളാണ് കാവ്യ. 2018-ലാണ് കാവ്യ സണ്‍റൈസേഴ്‌സ് ഹൈദരാബാദിന്റെ ചുമതലയേല്‍ക്കുന്നത്. ടീമിന്റെ മത്സരങ്ങള്‍ക്കെല്ലാം സ്റ്റേഡിയത്തിൽ എത്തുന്ന ഈ ചെറു പ്രായത്തിൽ സൺറൈസ് ഹൈദരബാദ് പോലൊരു ക്രിക്കറ്റ് ഫ്രാഞ്ചസി നടത്തിക്കൊണ്ടു പോകുന്ന ആൾ അത്ര ചില്ലറക്കാരിയല്ല എന്ന് വ്യക്തം. ഐപിഎൽ ലേലത്തിൽ എല്ലാം ഇത്തവണയും മുഴങ്ങി കേൾക്കുന്ന കാവ്യക്കും ആരാധകർ ഏറെയാണ്. 2012 ൽ ഐശ്വര്യ രജനികാന്ത് സംവിധനത്തിൽ ധനുഷ് നായകനായ ത്രീ എന്ന സിനിമയിലൂടെയാണ് അനിരുദ്ധ് സംഗീത സംവിധാനത്തിലേക്ക് കടക്കുന്നത്. പിന്നീടങ്ങോട്ട് ചിട്ടപ്പെടുത്തിയ ഗാനങ്ങൾക്കെല്ലാം ആരാധകർ ഏറെയാണ്.
STORY HIGHLIGHT: Anirudh Ravichander Marriage
