അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.2026 ലെ ടി20 ലോകകപ്പിന്ന് മുന്നോടിയായി സന്നാഹ മത്സരം കളിക്കാനൊരുങ്ങി ഇന്ത്യ. ന്യൂസിലൻഡ് ആയിരിക്കും ഇന്ത്യയുടെ എതിരാളി. പരമ്പരയിലെ ഒരു മത്സരം തിരുവനന്തപുരം, കാര്യവട്ടം ഗ്രീൻഫീൽഡ് സ്റ്റേഡിയത്തിലായിരിക്കും നടക്കുക. എട്ട് മത്സരങ്ങളടങ്ങിയ പരമ്പരയിൽ അഞ്ച് ടി20യും മൂന്ന് ഏകദിനങ്ങളുമാണ് ഉള്ളത്.
അടുത്ത വര്‍ഷം ജനുവരി മുതലാണ് പരമ്പര നടക്കുക. ജനുവരി 11ന് ബറോഡയിലാണ് ആദ്യ ഏകദിന മത്സരം. ജനുവരി 14ന് രാജ്‌കോട്ട് രണ്ടാം ഏകദിനത്തിനും. 18-ാം തീയതി ഇൻഡോറിൽ മൂന്നാം ഏകദിനം നടക്കും.
ടി20 പരമ്പര ജനുവരി 21നാണ് ആരംഭിക്കുന്നത്, ആദ്യ മത്സരം നാഗ്പൂരിലായിരിക്കും നടക്കുക. ടി20യിലെ നാലാം മത്സരം അരങ്ങേറുക തിരുവനന്തപുരം, കാര്യവട്ടം ഗ്രീൻഫീൽഡ് സ്റ്റേഡിയത്തിലായിരിക്കും. മലയാളി താരം സഞ്ജു സാംസൺ സന്നാഹ മത്സരത്തിനുള്ള ടി20 ടീമിലിടം പിടിക്കാൻ സാധ്യതയുണ്ട്. ടീമിലിടം ലഭിച്ചാൽ സ്വന്തം നാട്ടിൽ കളിക്കാനുള്ള അവസരമാണ് സഞ്ജുവിന് ലഭിക്കുക.
content highlight: Sanju Samson
