ഇറാന്റെ ആണവ പദ്ധതി ലക്ഷ്യമിട്ട് ഇസ്രായേല്‍ നിരവധി കേന്ദ്രങ്ങളില്‍ വ്യോമാക്രമണം നടത്തി. ഇതോടെ കടുത്ത ആക്രമണ പരമ്പരയാണ് ഇരു രാജ്യങ്ങള്‍ക്കിടയിലും നടക്കുന്നത്. ഇതിനിടയില്‍ ഇറാനും ഇസ്രായേലും തമ്മിലുള്ള നിലവിലെ സംഘര്‍ഷവുമായി ബന്ധപ്പെട്ടതാണെന്ന അവകാശവാദത്തോടെ ഒരു വ്യോമാക്രമണത്തിന്റെ വീഡിയോ സോഷ്യല്‍ മീഡിയയില്‍ വൈറലാകുകയാണ്.
ജൂണ്‍ 13 ന് യുദ്ധവിമാനങ്ങളും ഡ്രോണുകളും ഉപയോഗിച്ച് ഇറാന്റെ ആണവ, സൈനിക ഘടനകള്‍ക്ക് നേരെ ഇസ്രായേല്‍ നടത്തിയ ശക്തമായ ആക്രമണത്തില്‍ ജനറല്‍മാര്‍, ശാസ്ത്രജ്ഞര്‍, സാധാരണക്കാര്‍ എന്നിവരുള്‍പ്പെടെ കുറഞ്ഞത് 78 പേര്‍ കൊല്ലപ്പെട്ടു . ടെല്‍ അവീവിനെ ലക്ഷ്യമിട്ട് ഇറാന്‍ ദീര്‍ഘദൂര മിസൈലുകള്‍ ഉപയോഗിച്ച് തിരിച്ചടിച്ചു, കുറഞ്ഞത് 34 പേര്‍ക്ക് പരിക്കേറ്റതായി ഇസ്രായേലിന്റെ പാരാമെഡിക്കല്‍ സര്‍വീസസ് അറിയിച്ചു. ഇസ്രായേല്‍ പ്രതിരോധ സേനയുടെ ഔദ്യോഗിക എക്‌സ് ഹാന്‍ഡില്‍ വീഡിയോ പോസ്റ്റ് ചെയ്യുകയും ഇസ്രായേലിന് നേരെ ഒരു മിസൈല്‍ തൊടുത്തുവിടുന്നതിന്റെ അസംസ്‌കൃത ദൃശ്യമാണിതെന്ന് അവകാശപ്പെടുകയും ചെയ്തു.
ഇസ്രായേലിനു മുകളിലൂടെ ഇറാനിയന്‍ മിസൈലുകള്‍ തൊടുത്തതിന്റെ ദൃശ്യങ്ങളാണിതെന്ന് വിശേഷിപ്പിച്ചുകൊണ്ട് എന്‍ഡിടിവി മാനേജിംഗ് എഡിറ്റര്‍ ശിവ് അരൂര്‍ ഈ വീഡിയോ ട്വീറ്റ് ചെയ്തു. പിന്നീട് അദ്ദേഹം പോസ്റ്റ് ഡിലീറ്റ് ചെയ്തു. പലപ്പോഴും തെറ്റായ വിവരങ്ങള്‍ പ്രചരിപ്പിക്കുന്നതായി കാണപ്പെടുന്ന ജാട്ട് അസോസിയേഷന്‍ എന്ന അക്കൗണ്ടും വീഡിയോ പങ്കിടുകയും അതേ അവകാശവാദം ഉന്നയിക്കുകയും ചെയ്തു.
മുഖ്താര്‍ എന്ന ഉപയോക്താവ് വീഡിയോ പങ്കുവെക്കുകയും ഇരു രാജ്യങ്ങളും തമ്മിലുള്ള സംഘര്‍ഷവുമായി അതിനെ ബന്ധിപ്പിക്കുകയും ഇറാന്‍ ടെല്‍ അവീവിനെ ആക്രമിച്ചുകൊണ്ട് പ്രതികാരം ചെയ്തതായി പറയുകയും ചെയ്തു. ഇതേ അവകാശവാദവുമായി മറ്റ് നിരവധി ഉപയോക്താക്കളും വീഡിയോ പങ്കിട്ടു.
എന്താണ് സത്യാവസ്ഥ?
വൈറല്‍ വീഡിയോയുടെ ഫ്രെയിമുകള്‍ ഉപയോഗിച്ചു ഗൂഗിളില്‍ റിവേഴ്‌സ് ഇമേജ് സെര്‍ച്ച് നടത്തി. 2024 നവംബര്‍ 10 ലെ ട്വീറ്റില്‍ നിന്നാണ് ഈ വീഡിയോ ഞങ്ങള്‍ കണ്ടെത്തിയത്. ഇത് വ്യക്തമാക്കുന്നത് ഈ വീഡിയോ പഴയതാണെന്നും ഇറാനും ഇസ്രായേലും തമ്മിലുള്ള നിലവിലെ സംഘര്‍ഷത്തില്‍ നിന്നുള്ളതല്ലെന്നും ആണ്. കൂടാതെ, ഇസ്രായേലിലെ ടെല്‍ അവീവില്‍ നിന്നുള്ളതാണെന്ന് അവകാശപ്പെടുന്ന ബ്രെയിന്‍ ഒബ്ലാക് സെഡി എന്ന ഉപയോക്താവ് 2024 ഒക്ടോബര്‍ 2 ന് പോസ്റ്റ് ചെയ്ത ഈ വീഡിയോ ഞങ്ങള്‍ കണ്ടെത്തി .
ഈ വീഡിയോയുടെ ഉറവിടം കണ്ടെത്താന്‍ കഴിഞ്ഞില്ലെങ്കിലും മുകളില്‍ നല്‍കിയിരിക്കുന്ന അപ്‌ലോഡുകളുടെ തീയതികള്‍ വ്യക്തമാക്കുന്നത് ഇത് ഇറാനും ഇസ്രായേലും തമ്മിലുള്ള നിലവിലെ സംഘര്‍ഷത്തില്‍ നിന്നുള്ളതല്ല എന്നാണ്. രണ്ട് മധ്യേഷ്യന്‍ രാജ്യങ്ങള്‍ തമ്മിലുള്ള സൈനിക സംഘര്‍ഷത്തിന്റെ ദൃശ്യങ്ങളായി ബന്ധമില്ലാത്ത നിരവധി വീഡിയോകള്‍ നിലവില്‍ വൈറലാണ്.